Aˇ dahˬ 33:17 - Akha

¹⁷ Ehˇ kʼawꞈ, Yaˬkoˆ gʼaˬ Suˇkoˆ lehˇ kuˇ-eu jawˇ duˬ-ahˇ iˇ-awˇ, aˬ yawꞈ jawˇ-eu gʼaˇ duˬ nymˇ tiˬ nymˇ hawˇ-eu, jeˬ zaˬ kuˆ deuˬ tsoˆ-iˇ-euˬ meh. Kʼoeˇ miˇ neh, jawˇ duˬ kʼoeˇ tsahˇ-ahˇ Suˇkoˆ lehˇ myahˇ-euˬ meh.

Aˇ dahˬ 33:17 ပူးပေါင်းရင်းမြစ်များ

Aˇ dahˬ 33:16

Kʼoeˇ ngeh nah neh, Iˇsawˇ gʼaˬ Eˬdoˬ meuˬ-ahˇ gʼoꞈ-iˇ dzeuˇ-euˬ meh.

1 Sahˬpaˬ 7:46

Suˇkoˆ meuˬ hawˇ-eu Zaˬleˬdaˬ meuˬ-euˬ yaw kaˬ-ahˇ, Yawˇdaˬ lawˇ baˬ deh kʼawꞈ laꞈ kʼoeˇ jaˆ-eu guiˬ shuiˇ kʼaˇ duˬ-ahˇ, mˇ myawˬ kʼoeˇ deuˬ dawˬ tawˆ luꞈ-ahˇ sahˬ paˬ neh bi kʼaˇ-euˬ meh.

Jaceuq 60:6

Aˬ yawꞈ-euˬ muiˬ-eu shawˇ-eu jawˇ duˬ-ahˇ jawˇ-awˇ, Miˬyehˇ heu loꞈ-ehˇ ehˇ-eu meh. “Sheˬkmˬ meuˬ-ahˇ ngaˇ nui kʼahˇ tiˬ shiˇ deuˆ biˇ-awˇ, ngaˬ-euˬ tsawˇ haˬ deuˬ-ahˇ Suˇkoˆ deh ga biˇ nehˬ ma.

Doˆ-iˇ 12:37

Laˬmaˬsehˇ meuˬ-ahˇ neh, Suˇkoˆ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ kuiˇ zoˬ cah gʼeh-euˬ meh. Aˬ yawꞈ maꞈ-aˬ, zaˬ miˬ zaˬ hawˇ-eu zaˬ deuˬ maˬ gui ahˇ-ehˇ, kʼaˬ dzeˇ zaˬ tehꞈ-ehˇ koꞈ seh gʼaˬ byah-eu meh.

Doˆ-iˇ 13:20

Iˇsaˬleˬlaˆ tsawˇ haˬ deuˬ Suˇkoˆ lehˇ kuˇ-eu jawˇ duˬ-ahˇ neh doˆ-iˇ-awˇ, bawˇ tsahˬ bawˇ dahˇ-ahˇ tehˬ ni jaˆ-eu Eˇdamˬ meuˬ-ahˇ sehˬ gʼawˆ gʼawˆ-awˇ naˬ-euˬ meh.

Yawˇshuˆ 13:27

Yawˇdaˬ deh kʼawꞈ-ahˇ jaˆ-eu Behˬhaˬlamˬ meuˬ, Behˬnymˇlaˬ meuˬ, Suˇkoˆ meuˬ, Saˬpoˬ meuˬ heu deuˬ hawˇ-eu, Heˬshaˬboˬ sahˬ paˬ Siˇhoˬ-euˬ miˇ kʼahˬ kʼaˇ dzeˇ-eu deuˬ kʼawꞈ, aˬ yawꞈ maꞈ-euˬ miˇ kʼahˬ laꞈ kʼoeˇ ahˇ-eu meh. Aˬ yawꞈ maꞈ-euˬ miˇ kʼahˬ nahˇ ma ga kʼehˬ paw miˇ kaˬ-aˬ, Yawˇdaˬ lawˇ baˬ caw caw-ehˇ, laꞈ taˆ paw jaˆ-eu Gaˬliˬlehˇ lah-ahˇ keuˆ ni meh.

Yaˇ kʼaˬ daˇ 8:14

Suˇkoˆ meuˬ-ahˇ jawˇ-eu zaˬ guˬ tiˬ gʼaˬ-ahˇ nyehꞈ-awˇ naˇ haˬ-euˬ meh. Zaˬ guˬ kʼoeˇ gʼaˬ, Suˇkoˆ meuˬ-ahˇ jawˇ-eu aˬ yuiꞈ aˬ tsu shiꞈ tseˇ shiꞈ gʼaˬ-euˬ tsawˇ myahˇ Giˇdoˬ-ahˇ boꞈ nehˬ-euˬ meh.

Yaˇ kʼaˬ daˇ 8:16

Kʼoeˇ naˇ, bawˇ tsahˬ bawˇ dahˇ-ahˇ jaˆ-eu aˬ gah tsoꞈ-eu daˇ cuiˇ deuˬ aˬ yawꞈ yuˇ-awˇ, Suˇkoˆ meuˬ-euˬ aˬ yuiꞈ aˬ tsu deuˬ-ahˇ kʼehˬ nehˬ kʼaˆ nehˬ-euˬ meh.

Yaˇ kʼaˬ daˇ 8:5

Aˬ yawꞈ maꞈ Suˇkoˆ meuˬ-ahˇ le keuˆ ngeh, meuˬ kʼoeˇ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ ehˇ nehˬ-eu, “Ngaˬ-euˬ tsawˇ haˬ deuˬ-ahˇ kaˬ muˇ ui cuiˆ biꞈ nehˬ-iˬ sheˇ. Aˬ yawꞈ maꞈ gʼaˬ doeˇ doeˇ laˇ taˬ-euˬ meh. Miˇdiˬyaˬ sahˬ paˬ Zeˬbah hawˇ-eu Zaˬlaˬmoˇnaˬ-euˬ mehˬ nah nymˬ-mˇ keuˆ ni ngaˇ teh luꞈ-eu ma.”

Yaˇ kʼaˬ daˇ 8:8

Peˬnoeˬlaˇ meuˬ-ahˇ Giˇdoˬ paˇ iˇ gʼeh-awˇ, kʼoeˇ gaˇ jawˇ-eu tsawˇ haˬ deuˬ-ahˇ kʼawꞈ kʼoeˇ loꞈ-ehˇ paˇ ehˇ-iˇ-euˬ meh. Ehˇ kʼawꞈ, kʼoeˇ gaˇ jawˇ-eu tsawˇ haˬ deuˬ kʼawꞈ, Suˇkoˆ meuˬ-ahˇ jawˇ-eu tsawˇ haˬ deuˬ loꞈ-ehˇ paˇ ehˇ kʼoꞈ nehˬ-euˬ meh.