Aˇ dahˬ 32:7 - Akha

⁷ Aˬ yawꞈ nehˬ-ehˇ jawˇ luꞈ-eu tsawˇ haˬ deuˬ hawˇ-eu, yawˇ, ciꞈ myehꞈ, mawˇ neˇ, law taw kʼoeˇ deuˬ dawˬ tawˆ luꞈ-ahˇ, nyiˬ muˇ muˇ-euˬ meh.

Aˇ dahˬ 32:7 ပူးပေါင်းရင်းမြစ်များ

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

Aˇ dahˬ 32:3

Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Aˇ dahˬ 32:8

“Jeˬ hu muˇ-ahˇ Iˇsawˇ ceh laˇ naˇ, jeˬ nah muˇ cehˆ dzeuˇ nya tehꞈ-a” lehˇ aˬ yawꞈ noeˬ-euˬ meh.

Aˇ dahˬ 33:1

Iˇsawˇ tsawˇ haˬ oeˬ yaˇ gʼaˬ sheuˬ-awˇ laˇ luꞈ gaˇ Yaˬkoˆ ya mawˇ ngeh, Leˇaˬ, Laˬkeˬlaˇ hawˇ-eu, aˬ yawꞈ-euˬ ma nyiˇ nyiˬ gʼaˬ-ahˇ, zaˬ deuˬ biˇ nehˬ-awˇ bi sheuˬ-euˬ meh.

Aˇ dahˬ 35:3

Aˬ dui maꞈ heu gaˇ neh doˆ-iˇ-awˇ, Beˬdeˬlaˇ-ahˇ jawˇ-iˇ ma. Shaˬ-eu zahˬ-eu jeˬ-ahˇ ngaˇ ya tahˬ puˬ ngeh, ngaˬ-ahˇ caw ba-awˇ, ngaˇ kʼaˇ iˇ kʼaˇ laˇ gaˇ ngaˬ nehˬ-ehˇ jawˇ-eu laꞈ kʼoeˇ, ngaˬ-ahˇ haw piˇ nehˬ laꞈ-eu Miˬyehˇ-euˬ gʼaˇ duˬ, lawˇ duˬ tiˬ tsahˇ kʼoeˇ gaˇ tsoˆ ma.”

Jaceuq 107:6

Aˬ yawꞈ maꞈ noeˬ dui-awˇ Sahˬpaˬ Miˬyehˇ-ahˇ kuˇ ngeh, shaˬ zahˬ laꞈ kʼoeˇ aˬ yawꞈ ka kʼoꞈ doˆ nehˬ-euˬ meh.

Jaceuq 112:5

Tsawˇ tsiˇ maˬ tsiˇ ni ngaˬ nehˬ paˇ nehˬ-awˇ, dawˇ coe ni gaˬ-eu tsawˇ haˬ guiˬ lahˬ huiˬ-eu meh.

Jaceuq 142:4

Ngaˬ-euˬ dawˬ peh ngaˇ haw ngeh, caw ba le-eu tsawˇ haˬ-ahˇ maˬ ya mawˇ-a. Ngaˬ-ahˇ haw piˇ-eu tiˬ gʼaˬ-iˬ maˬ jawˇ-a. Ngaˬ-ahˇ ka kʼoꞈ-eu tiˬ gʼaˬ-iˬ maˬ jawˇ-a.

Jaceuq 31:13

Muiˇ-eu deuˬdawˬsaˆsaˆkʼoeˬ-eu, ngaˬ-euˬnaˬbawˇ-ahˇgaˬle-awˇ, guˆ-eu jeˬtiˬjawˬ oe miˇ-a. Aˬyawꞈmaꞈtiˬgaˇuiˬleˇ-awˇ, ngaˬ-ahˇsehꞈ-eu bawˬkʼoeˬluꞈmeh.

Jaceuq 61:2

Ngaˇ nui ma cawˆ dui dui-eu laꞈ kʼoeˇ, mˬ dzeˇ miˇ dzeˇ jawˇ-awˇ nawˬ-ahˇ kuˇ-eu ma. Ziꞈ dah ni gʼeh-eu lo guˇ-ahˇ, ngaˬ-ahˇ sheuˬ gʼeh nehˬ laꞈ-awˬ.

Doˆ-iˇ 14:10

Iˇjiˇtuˆ sahˬ paˬ hawˇ-eu aˬ yawꞈ-euˬ guiˇ maꞈ deuˬ aˬ yawꞈ maꞈ jawˇ gaˇ oe luꞈ gaˇ Iˇsaˬleˬlaˆ tsawˇ haˬ deuˬ ya mawˇ ngeh, guˆ dui dui-awˇ, caw ba nehˬ laꞈ lehˇ, Sahˬpaˬ Miˬyehˇ-ahˇ guˇ-awˇ shaˇ-euˬ meh.

Dawqdaq 2:11

Yaw muiˬ yaw doeˇ tseˇ paˆ nya-eu tsawˇ gahˇ nawˬ-ahˇ haw piˇ-awˇ, noeˬ siˬ noeˬ mawˇ nya-eu jeˬ nawˬ-ahˇ loꞈ piˇ-eu laꞈ kʼoeˇ,

Iˇsaˬyaˇ 28:26

Miˬyehˇ neh mehˬ taˬ-euˬ loꞈ-ehˇ, aˬ yawꞈ-euˬ gaˇ aˬ yawꞈ siˬ nya luꞈ meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Maꞈtehˬ 8:26

Yeˬsuˇ ehˇ-eu, “Jah-eu gʼaˬ baˬ dui dui-eu tsawˇ haˬ deuˬ-oˇ, Aˬ jeˬ miˇ neh teu naˆ naˆ-ehˇ guˆ te.” Kʼoeˇ naˇ, aˬ yawꞈ tuˇ-awˇ, jaˬ lehˇ hawˇ-eu lah-ahˇ dehˬ ngeh, ciˬ cuˇ ni pyeuꞈ-iˇ-euˬ meh.

Yoˇhaˬ 16:33

Ngaˬ-euˬ laꞈ kʼoeˇ naw maꞈ nui saˇ oꞈ-eu jeˬ za nya ni, naw naw maꞈ-ahˇ heu loꞈ-ehˇ ehˇ-eu ma. Miˇ tsaˬ heu kʼoeˇ taˆ, kʼehˬ-eu kʼaˆ-eu jeˬ-ahˇ naw maꞈ ya daˬ tehꞈ-a. Ehˇ kʼawꞈ, tiˬ pawꞈ-iˬ taˬ guˆ. Miˇ tsaˬ heu-ahˇ ngaˇ gʼaˬ leˇ-euˬ ma.”

Gʼaˬkʼehˇ 14:22

Jah-eu jeˬ laꞈ kʼoeˇ ziꞈ ni, jah-eu tsawˇ haˬ deuˬ-ahˇ aˬ yawꞈ nyaꞈ gʼaˬ biꞈ yaꞈ-euˬ meh. “Miˬyehˇ miˇ kʼahˬ-ahˇ uˇ leˇ-eu gʼaˇ duˬ, shaˬ zahˬ gʼawˬ mya jeˬ-ahˇ aˬ dui ya tahˬ puˬ tehꞈ-a” lehˇ mehˬ nehˬ tsoˆ nehˬ yaꞈ-euˬ meh.

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

2 Tiˆmoˇseˬ 3:12

Yeˬsuˇ Ka li laꞈ kʼoeˇ Miˬyehˇ-ahˇ yaw zeu baw baw-ehˇ kʼaˇ dehꞈ-eu tsawˇ haˬ yawˬ gʼaˬ na luꞈ kʼehˬ-eu kʼaˆ-eu jeˬ-ahˇ ya daˬ tehꞈ-a.