Aˇ dahˬ 32:6 - Akha

⁶ Dawˬ tsaꞈ bi tsaꞈ-iˇ-euˬ deuˬ gʼoꞈ keuˆ laˇ-awˇ ehˇ-eu, “Nawˬ-euˬ aˇ doˆ Iˇsawˇ jawˇ gaˇ nga maꞈ iˇ keuˆ yaꞈ-euˬ ma. Nawˬ-ahˇ tahˬ puˬ laˇ-eu lehˇ, tsawˇ haˬ oeˬ yaˇ gʼaˬ sheuˬ-awˇ aˬ yawꞈ laˇ luꞈ meh.” Kʼoeˇ ngeh, Yaˬkoˆ noeˬ shaˬ-awˇ guˆ-euˬ meh.

Aˇ dahˬ 32:6 ပူးပေါင်းရင်းမြစ်များ

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

Aˇ dahˬ 32:7

Aˬ yawꞈ nehˬ-ehˇ jawˇ luꞈ-eu tsawˇ haˬ deuˬ hawˇ-eu, yawˇ, ciꞈ myehꞈ, mawˇ neˇ, law taw kʼoeˇ deuˬ dawˬ tawˆ luꞈ-ahˇ, nyiˬ muˇ muˇ-euˬ meh.

Aˇ dahˬ 32:8

“Jeˬ hu muˇ-ahˇ Iˇsawˇ ceh laˇ naˇ, jeˬ nah muˇ cehˆ dzeuˇ nya tehꞈ-a” lehˇ aˬ yawꞈ noeˬ-euˬ meh.

Aˇ dahˬ 33:1

Iˇsawˇ tsawˇ haˬ oeˬ yaˇ gʼaˬ sheuˬ-awˇ laˇ luꞈ gaˇ Yaˬkoˆ ya mawˇ ngeh, Leˇaˬ, Laˬkeˬlaˇ hawˇ-eu, aˬ yawꞈ-euˬ ma nyiˇ nyiˬ gʼaˬ-ahˇ, zaˬ deuˬ biˇ nehˬ-awˇ bi sheuˬ-euˬ meh.

Aˇ dahˬ 33:15

Iˇsawˇ ehˇ-eu, “Ngaˬ-euˬ tsawˇ haˬ tiˬ deuˬ nawˬ nehˬ-ehˇ bi jawˇ yaꞈ nya ma.” Yaˬkoˆ ehˇ-eu, “Nawˇ ngaˬ-ahˇ ha geuꞈ nehˬ laꞈ-eu tehꞈ-ehˇ kʼawꞈ aˇ dzehˬ dzeuˇ miˇ-a. Nawˬ-euˬ tsawˇ haˬ bi jawˇ yaꞈ-eu maˬ paˇ loˬ-eu duˇ.”

Aˇ dahˬ 33:8

“Uˬ soe gaˇ pehˇ oe luꞈ-eu kʼoeˇ muˇ aˬ suˇ gʼaˬ-a. Aˬ jeˬ jahˇ-eu lehˇ oe luꞈ ta” lehˇ, Yaˬkoˆ-ahˇ Iˇsawˇ naˇ haˬ ngeh, “Nawˬ-ahˇ bi jahˇ tsaˬ le-eu lehˇ, ngaˬ neh bi oe huˬ-euˬ tsawˇ haˬ deuˬ ma” lehˇ Yaˬkoˆ ehˇ kʼoꞈ nehˬ-euˬ meh.

Aˇ dahˬ 34:11

Diˇnaˆ-euˬ aˬ da hawˇ-eu aˬ mahˇ aˬ da deuˬ-ahˇ Sheˬkmˬ ehˇ nehˬ-eu, “Ngaˇ ehˇ-eu loꞈ-ehˇ, naw pehˬ-euˬ zaˬ miˬ ngaˬ-ahˇ bi mˇ dzaˬ laˇ-awˬ. Naw maꞈ kʼaˇ geuꞈ mawꞈ-eu jeˬ ngaˇ biꞈ ma.

Aˇ dahˬ 47:25

Kʼoeˇ ngeh, miˇ kʼahˬ zaˬ deuˬ ehˇ-eu, “Nga maꞈ maˬ ya shiˇ jiˇ ni, nawˇ nga maꞈ-ahˇ ka kʼoꞈ nehˬ laꞈ-euˬ meh. Yaw huiˬ yaw mahˇ gʼaˬ-oˇ, nawˇ nga maꞈ-ahˇ gʼawˬ shaˬ gaˬ dui dui-awˇ, nga maꞈ-euˬ gʼaˇ duˬ muiˬ dui dui-eu jeˬ mˇ nehˬ laꞈ-euˬ meh. Nga maꞈ sahˬ paˬ-euˬ zaˬ kʼaˆ geuꞈ ma.”

Aˬmoˆ 5:19

Aˇ nah kʼoeˇ nah aˬ joˆ-ehˇ gʼeh-eu aˇ nah-a lehˇ ehˇ ngeh, tsawˇ haˬ tiˬ gʼaˬ aˇ laˬ jaˬ shiˇ-ahˇ guˆ-awˇ cehˆ ngeh, kʼaˬ hmˇ paˇ tahˬ puˬ le-awˇ, nymˇ laꞈ kʼoeˇ cehˆ zaꞈ-awˇ kaˇ pyawˇ-ahˇ aˬ laꞈ dehˬ toˆ-eu nehˬ-ehˇ, aˇ lawˇ paˇ bi toˆ-euˬ gaˇ duˇ tehꞈ-a.

Luˇta 2:13

Luˇta ehˇ-eu, “Nawˇ ngaˬ-ahˇ gʼawˬ shaˬ gaˬ dui dui-eu miˇ neh guiˬ lahˬ huiˬ miˇ-a. Ngaˇ-aˬ, nawˬ-euˬ zaˬ kʼaˆ tiˬ gʼaˬ naˆ maˬ tseˇ nyiˇ teˬ dzehˬ-eu kʼawꞈ, nawˇ ngaˬ-ahˇ gʼawˬ shaˬ gaˬ-eu laꞈ kʼoeˇ, dawˬ nahˬ yu ni ngehˬ cawˬ nehˬ laꞈ-eu miˇ neh, ngaˬ-euˬ nui ma-ahˇ gʼaˬ ahˇ dui dui laˇ nya” lehˇ ehˇ nehˬ-euˬ meh.

Luˇta 2:2

Tiˬ nah keuˆ laˇ ngeh, Nawˇmi-ahˇ Luˇta ehˇ nehˬ-eu, “Deh yaˇ doe doe-ehˇ iˇ-awˇ, cehˇ yehˬ-eu deuˬ neh bi ga ka yaꞈ-euˬ cehˇ nmˇ gʼoˆ-iˇ-eu gʼaˇ duˬ, ngaˬ-ahˇ bi iˇ nehˬ laꞈ sheˇ. Yawˬ ha neh cehˇ yehˬ gʼaˬ-euˬ gaˇ, cehˇ nmˇ bi gʼoˆ mawꞈ-euˬ tsawˇ haˬ tiˬ gʼaˬ na ya mawˇ-eu baw le.” Nawˇmi ehˇ-eu, “Iˇ nya tehꞈ-a tsu-oˇ.”

1 Saˬmeuˬlaˆ 1:18

Haˬnahˬ ehˇ-eu, “Nawˇ aˬ myah luꞈ ngaˬ-ahˇ gʼawˬ shaˬ gaˬ nehˬ laꞈ nya luꞈ-uˇ.” Kʼoeˇ naˇ, aˬ yawꞈ gʼoꞈ-iˇ-awˇ, dzaˬ-eu dawˇ-awˇ, maˬ paˇ noeˬ shaˬ ni jawˇ-euˬ meh.