Kʼoeˇ ngeh, “Miˬyehˇ-ahˇ ngaˇ aˬ diˇ aˬ maˇ ya mawˇ gʼaˬ-euˬ kʼawꞈ, maˬ ya shiˇ-ehˇ, gaˇ kawˆ kʼoeˇ aˬ cawˬ-ahˇ dzawˇ mehˬ dzawˇ mehˬ-ehˇ paˇ ya dehꞈ ta siˬ loˇ” lehˇ, Haˬgaˬlaˇ yawˬ haˇ yawˬ ha ehˇ-eu meh. Kʼoeˇ miˇ neh, aˬ yawꞈ-ahˇ dawˬ ngehˬ cawˬ le-euˬ Sahˬpaˬ Miˬyehˇ-ahˇ, “Siˬ luꞈ mawˇ luꞈ-eu Miˬyehˇ” lehˇ aˬ yawꞈ kuˇ-euˬ meh.
Aˇ dahˬ 32:31 - Akha31 Peˬniˬlaˇ lehˇ kuˇ-eu jawˇ duˬ kʼoeˇ tsahˇ-ahˇ neh Yaˬkoˆ doˆ-iˇ ngeh, nahˇ ma doˆ laˇ-euˬ meh. Aˬ yawꞈ-euˬ shaˬ pyaˬ myaˆ bi teˇ puiˇ-euˬ miˇ neh, kuiˇ dzaˇ kuiˇ dzaˇ-ehˇ iˇ gʼeh-euˬ meh. အခန်းကိုကြည့်ပါ။ |
Aˇ dahˬ 32:31
19 ပူးပေါင်းရင်းမြစ်များ
Uˬ bya bya laˇ ngeh, mˬ taˆ gʼaˬ kʼehˇ deuˬ Lawˇtaˬ-ahˇ yaw kawˇ-ehˇ bi lehˬ hmˬ-euˬ meh. “Yaw kawˇ-ehˇ lehˬ hmˬ tehˇ tehˬ-awˬ. Meuˬ heu meuˬ-ahˇ laˆ cawˆ ngeh naw maꞈ maˬ ya shiˇ ni, nawˬ-euˬ miˬ zaˬ hawˇ-eu nawˬ buˇ nyiˬ buˇ sheuˬ-awˇ yaw kawˇ-ehˇ doˆ-iˇ-awˬ” lehˇ, mˬ taˆ gʼaˬ kʼehˇ kʼoeˇ nyiˬ gʼaˬ Lawˇtaˬ-ahˇ ehˇ nehˬ-euˬ meh.
Aˬ yawꞈ maꞈ-ahˇ tsahˇ nehˬ-euˬ mawˇ neˇ mawˇ gaw aˬ yawꞈ maꞈ sehꞈ-awˇ, lehˬ hmˬ dah gʼaˬ ngeh jawˇ, nah loˆ ceh laˇ ngeh keuˆ ni Baˬlaˇ miˬ yehˇ-ahˇ aˬ yawꞈ maꞈ guiˬ lahˬ shaˇ-euˬ meh. “Baˬlaˇ miˬ yehˇ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ-awˬ” lehˇ guˇ guˇ-ehˇ, aˬ yawꞈ maꞈ neh gawˬ taˬ-euˬ lawˇ duˬ jawˬ jawˬ-ehˇ aˬ yawꞈ maꞈ gaˇ nyeh nyeh-eu meh. Ehˇ kʼawꞈ, aˬ yawꞈ maꞈ-euˬ shaˇ dawˬ-ahˇ naˇ haˬ nehˬ-eu gʼaˬ maˬ jawˇ-a.
Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”
Yaw sahˇ laꞈ kʼoeˇ pah mehˬ nehˬ laꞈ-euˬ gʼawˬ mya jeˬ-ahˇ ngaˇ ya mawˇ-euˬ baˬ da neh, ngaˇ nui ma maˬ ya huiˬ maˬ ya mahˇ ni, ngaˬ-euˬ shiˬ shaˬ jiˇ gʼawˇ mawˇ-ahˇ daˇ ceh tsawˆ ahˇ nehˬ laꞈ-euˬ meh. Kʼoeˇ-aˬ, ngaˇ nui ma maˬ ya huiˬ maˬ ya mahˇ ni nehꞈ Saˬdaˬ-euˬ gʼaˬ kʼehˇ neh ngaˬ-ahˇ kʼehˬ nehˬ kʼaˆ nehˬ laꞈ-euˬ jeˬ pyeuꞈ-eu meh.
Ehˇ kʼawꞈ, aˬ yawꞈ ngaˬ-ahˇ ehˇ-eu, “Ngaˬ-euˬ guiˬ lahˬ yaw dzahˇ nawˬ-euˬ gʼaˇ duˬ loꞈ luꞈ meh. Aˬ jeˬ miˇ neh ehˇ naˇ, nawˇ gʼaˬ baˬ luꞈ ngeh, ngaˬ-euˬ baoˬ nawˬ-euˬ gʼaˇ duˬ byah dzehˬ-eu meh.” Ka li-euˬ baoˬ ngaˬ-ahˇ haw piˇ nehˬ laꞈ nya ni, ngaˇ gʼaˬ baˬ-eu gaˇ kawˆ laˬ kʼaˬ cehˇ cehˇ-ehˇ kʼahˬ sehˇ jehˆ ma.
Aˬyawꞈ maꞈ ehˇ-eu,‘Miˬ dzaˬ laꞈ kʼoeˇ aˬ yawꞈ dawˬ ngehˬ gaˇ aˬ dui ya gaˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ hawˇ-eu aˬ yawꞈ aˇ naˆ ni huiˬ-eu gaˇ kawˆ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi siˬ bi mawˇ laꞈ-euˬ meh. Tsawˇ haˬ tiˬ gʼaˬ-ahˇ Sahˬpaˬ Miˬyehˇ dawˬ ngehˬ cawˬ-euˬ kʼawꞈ, tsawˇ haˬ kʼoeˇ gʼaˬ maˬ ya shiˇ-ehˇ yaw dehꞈ dehꞈ nya-eu gaˇ kawˆ, iˬ nah aˬ dui maꞈ ya mawˇ-euˬ ma.
ကြော်ငြာတွေ