Kʼoeˇ ngeh, “Miˬyehˇ-ahˇ ngaˇ aˬ diˇ aˬ maˇ ya mawˇ gʼaˬ-euˬ kʼawꞈ, maˬ ya shiˇ-ehˇ, gaˇ kawˆ kʼoeˇ aˬ cawˬ-ahˇ dzawˇ mehˬ dzawˇ mehˬ-ehˇ paˇ ya dehꞈ ta siˬ loˇ” lehˇ, Haˬgaˬlaˇ yawˬ haˇ yawˬ ha ehˇ-eu meh. Kʼoeˇ miˇ neh, aˬ yawꞈ-ahˇ dawˬ ngehˬ cawˬ le-euˬ Sahˬpaˬ Miˬyehˇ-ahˇ, “Siˬ luꞈ mawˇ luꞈ-eu Miˬyehˇ” lehˇ aˬ yawꞈ kuˇ-euˬ meh.
Aˇ dahˬ 32:30 - Akha30 “Ngaˇ Miˬyehˇ-ahˇ myaˆ pyawˬ ciˬ daˬ-awˇ ya mawˇ-euˬ kʼawꞈ, maˬ ya shiˇ-aˬ” lehˇ Yaˬkoˆ ehˇ-awˇ, jawˇ duˬ kʼoeˇ tsahˇ-ahˇ Peˬniˬlaˇ lehˇ myahˇ nehˬ-euˬ meh. အခန်းကိုကြည့်ပါ။ |
Aˇ dahˬ 32:30
28 ပူးပေါင်းရင်းမြစ်များ
Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”
Nymˬ-mˇ aˬ dui ya mawˇ luꞈ-eu heu-aˬ, pyawˬ haw-ahˇ haw-eu loꞈ-ehˇ duˇ-awˇ, maˬ mawˇ shawˇ laˇ-a. Aˇ yamˬ kʼoeˇ keuˆ le ngeh, myaˆ pyawˬ ciˬ daˬ-awˇ ya mawˇ duˬ tehꞈ-a. Nymˬ-mˇ ngaˇ siˬ nya-eu heu-aˬ, maˬ byah maˬ loꞈ-a siˬ. Ehˇ kʼawꞈ, aˇ yamˬ kʼoeˇ keuˆ le ngeh, byah laˇ loꞈ laˇ tehꞈ-a. Miˬyehˇ ngaˬ-ahˇ tiˬ byah tiˬ loꞈ siˬ nya-eu loꞈ-ehˇ byah laˇ loꞈ laˇ tehꞈ-a.
Aˬ dui dawˬ tawˆ luꞈ myaˆ pyawˬ-ahˇ saˬ paˇ maˬ dehˬ kaˬ taˬ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ aˬ dui-ahˇ tahˬ le luꞈ meh. Sahˬpaˬ Miˬyehˇ-euˬ Yaw sahˇ jawˇ gaˇ neh oe-euˬ yaw shehꞈ kʼahˬ sehˇ kʼoeˇ aˬ dui-ahˇ tiˬ jawˇ saˇ-iˬ tiˬ jawˇ yaw shehꞈ kʼahˬ sehˇ bi huiˬ dzehˬ laˇ-awˇ, aˬ yawꞈ-ahˇ duˇ leˇ ni aˬ dui-ahˇ bi paˇ laˇ luꞈ-eu meh.
Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.
Aˬyawꞈ maꞈ ehˇ-eu,‘Miˬ dzaˬ laꞈ kʼoeˇ aˬ yawꞈ dawˬ ngehˬ gaˇ aˬ dui ya gaˬ-eu laꞈ kʼoeˇ, aˬ yawꞈ-euˬ yaw shehꞈ kʼahˬ sehˇ hawˇ-eu aˬ yawꞈ aˇ naˆ ni huiˬ-eu gaˇ kawˆ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ aˬ dui-ahˇ bi siˬ bi mawˇ laꞈ-euˬ meh. Tsawˇ haˬ tiˬ gʼaˬ-ahˇ Sahˬpaˬ Miˬyehˇ dawˬ ngehˬ cawˬ-euˬ kʼawꞈ, tsawˇ haˬ kʼoeˇ gʼaˬ maˬ ya shiˇ-ehˇ yaw dehꞈ dehꞈ nya-eu gaˇ kawˆ, iˬ nah aˬ dui maꞈ ya mawˇ-euˬ ma.
Ehˇ kʼawꞈ, nymˬ-mˇ-aˬ, aˬ dui-euˬ Ka kʼoꞈ-eu gʼaˬ pyeuꞈ-eu Yeˬsuˇ Ka li-ahˇ bi oe-eu laꞈ kʼoeˇ, guiˬ lahˬ yaw dzahˇ kʼoeˇ bya cehˆ ni pah mehˬ nehˬ laꞈ-euˬ meh. Shiˇ-eu jeˬ-euˬ baoˬ-ahˇ aˬ yawꞈ laˆ byoˆ-awˇ, Laˬ kʼaˬ cehˇ-eu Guiˬ lahˬ dawˬ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ pah mehˬ laꞈ-euˬ meh.
Yeˬliˇkoˇ meuˬ dawˬ peh Yawˇshuˆ le keuˆ ngeh, aˬ yawꞈ mehˬ shi mi cehˇ tuˆ tehˬ-awˇ yawꞈ luꞈ-eu tsawˇ haˬ tiˬ gʼaˬ-ahˇ ja pyuˬ ni aˬ yawꞈ ya mawˇ-euˬ meh. Tsawˇ haˬ kʼoeˇ gʼaˬ dawˬ peh Yawˇ shuˆ le-awˇ, “Nawˇ nga maꞈ-euˬ guiˇ zaˬ te loˇ. Maˬ ngeuˇ naˇ, nga maꞈ-ahˇ muiˇ-eu tsawˇ haˬ te loˇ” lehˇ naˇ haˬ-euˬ meh.
ကြော်ငြာတွေ