Aˇ dahˬ 32:28 - Akha

²⁸ Tsawˇ haˬ kʼoeˇ gʼaˬ ehˇ-eu, “Aˬ kaˇ naˇ, nawˬ-euˬ tsawˇ myahˇ Yaˬkoˆ lehˇ maˬ paˇ ngeuˇ meh. Nawˇ-aˬ, Miˬyehˇ-ahˇ maˬ ehˇ, tsawˇ haˬ-ahˇ maˬ ehˇ, dawꞈ gʼaˬ-euˬ meh. Kʼoeˇ miˇ neh, nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ ehˇ-eu meh.

Aˇ dahˬ 32:28 ပူးပေါင်းရင်းမြစ်များ

Aˇ dahˬ 17:15

Aˬbyaˬhaˬ-ahˇ Miˬyehˇ ehˇ nehˬ-eu, “Nawˬ-euˬ nymˇ dahˬ-ahˇ Saˬlehˇ lehˇ taˬ paˇ kuˇ. Iˬ nah taꞈ naˇ, aˬ yawꞈ-euˬ tsawˇ myahˇ Saˬlaˇ lehˇ meh.

Aˇ dahˬ 17:5

Nawˬ-euˬ tsawˇ myahˇ-aˬ, Aˬbyaˬ lehˇ maˬ paˇ ngeuˇ-ehˇ, Aˬbyaˬhaˬ lehˇ nawˬ-ahˇ ya kuˇ meh. Aˬ jeˬ miˇ neh ehˇ naˇ, ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ bi pyeuꞈ laˇ ma.

Aˇ dahˬ 25:31

“Nawˬ-ahˇ oꞈ-eu aˬ li aˬ yuiꞈ gʼaˬ-euˬ aˇ yaˬ biꞈ laꞈ naˇ bi dzaˬ ma” lehˇ Yaˬkoˆ ehˇ-eu meh.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 32:24

Ehˇ kʼawꞈ, aˬ yawꞈ tiˬ gʼaˬ tehꞈ-ehˇ nui baˬ-ahˇ jawˇ yaꞈ-euˬ meh. Kʼoeˇ ngeh, tsawˇ haˬ tiˬ gʼaˬ oe-awˇ, uˬ ciꞈ miˇ lah-ehˇ aˬ yawꞈ nehˬ-ehˇ dawꞈ ceh ceh-awˇ, uˬ bya dawꞈ bya-euˬ meh.

Aˇ dahˬ 32:27

“Nawˬ-euˬ tsawˇ myahˇ aˬ joˆ-ehˇ kuˇ te” lehˇ tsawˇ haˬ kʼoeˇ gʼaˬ naˇ haˬ ngeh, “Yaˬkoˆ lehˇ kuˇ-eu ma” lehˇ Yaˬkoˆ ehˇ kʼoꞈ nehˬ-euˬ meh.

Aˇ dahˬ 33:20

Kʼoeˇ gaˇ lawˇ duˬ tiˬ hmˬ aˬ yawꞈ tsoˆ-awˇ, Iˇsaˬleˬlaˆ Miˬyehˇ-euˬ tsawˇ myahˇ yuˇ-awˇ, jawˇ duˬ kʼoeˇ tsahˇ-ahˇ Eˇloˬheˬ Iˇsaˬleˬlaˆ lehˇ myahˇ nehˬ-euˬ meh.

Aˇ dahˬ 33:4

Ehˇ kʼawꞈ, Yaˬkoˆ jawˇ gaˇ Iˇsawˇ cehˆ gʼeh-awˇ, Yaˬkoˆ-ahˇ byaˇ cuꞈ-awˇ mehˬ cuˇ cuˇ nehˬ-euˬ meh. Kʼoeˇ ngeh, aˬ yawꞈ nyaꞈ nyiˬ mehˇ nmˇ luꞈ ngoeˇ-euˬ meh.

Aˇ dahˬ 35:10

“Nawˬ-euˬ tsawˇ myahˇ Yaˬkoˆ meh. Ehˇ kʼawꞈ, aˬ kaˇ naˇ nawˬ-ahˇ Iˇsaˬleˬlaˆ lehˇ ya kuˇ tehꞈ-a” lehˇ, Yaˬkoˆ-ahˇ Miˬyehˇ ehˇ nehˬ-awˇ, tsawˇ myahˇ myahˇ paˇ nehˬ-euˬ meh.

2 Saˬmeuˬlaˆ 12:25

Aˬ li heu li-ahˇ Yeˬdiˇdiˬ lehˇ myahˇ nehˬ-awˬ lehˇ, Miˬyehˇ gʼaˇ duˬ ngehˬ dah-eu Naˬdaˬ-ahˇ Sahˬpaˬ Miˬyehˇ dawˬ biꞈ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Sahˬpaˬ Miˬyehˇ gaˬ-eu meh.

1 Sahˬpaˬ 18:31

Sahˬpaˬ Miˬyehˇ neh Iˇsaˬleˬlaˆ lehˇ myahˇ nehˬ-euˬ Yaˬkoˆ-euˬ aˬ li tseˇ nyiꞈ li-euˬ tsawˇ myahˇ pi luꞈ-eu tsawˇ jeuˬ tseˇ nyiꞈ jeuˬ gʼaˇ duˬ, kʼaˬ lo tseˇ nyiˬ siˬ aˬ yawꞈ yuˇ-euˬ meh.

2 Sahˬpaˬ 17:34

Iˬ nah keuˆ ni, zahˇ oeˇ maˬ byehˇ ni aˬ yawꞈ maꞈ tawˬ luꞈ-eu meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ-ehˇ, Sahˬpaˬ Miˬyehˇ neh Iˇsaˬleˬlaˆ lehˇ myahˇ taˬ-euˬ Yaˬkoˆ-euˬ zaˬ deuˬ uˆ deuˬ-ahˇ Sahˬpaˬ Miˬyehˇ neh biꞈ taˬ-euˬ zahˇ dawˬ kʼoꞈ dawˬ deuˬ-ahˇ kʼawꞈ, aˬ yawꞈ maꞈ maˬ caw teh-a.

1 Laˬsaˬbaˬ 1:34

Aˬbyaˬhaˬ-euˬ aˬ li Iˇtsaˆ-aˬ, Iˇsawˇ hawˇ-eu Yaˬkoˆ lehˇ myahˇ-euˬ aˬ li nyiˬ li jawˇ-eu meh.

Dawqdaq 16:7

Nawˬ-euˬ dehꞈ jeˬ dehꞈ kʼawˆ Sahˬpaˬ Miˬyehˇ nui kʼahˇ shiˇ naˇ, muiˇ-eu deuˬ nawˬ-ahˇ gʼoeˇ laˇ ni aˬ yawꞈ jahˇ meh.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.

Iˇsaˬyaˇ 65:15

Ngaˬ neh tseˇ doˆ-euˬ deuˬ yaˬ kʼehˇ yaˬ ngeh, naw maꞈ-euˬ tsawˇ myahˇ zmˬ tehꞈ-a. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, shiˇ-eu jeˬ-ahˇ naw maꞈ kʼoeˇ taˆ bi keuˆ le ma. Ehˇ kʼawꞈ, ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, tsawˇ myahˇ yaw shuiꞈ myahˇ paˇ nehˬ ma.

Bawˇtsahˬ 13:16

Heu deuˬ-aˬ, miˇ kʼahˬ kʼoeˇ kʼahˬ-ahˇ bi kʼoeˬ sho haw leˇ-eu gʼaˇ duˬ, Moˇseˬ neh pyehˬ gʼeh-euˬ tsawˇ haˬ deuˬ meh. Nuˬ-euˬ aˬ li Awˇsheˬ-ahˇ, Yawˇshuˆ lehˇ aˬ yawꞈ myahˇ paˇ nehˬ-euˬ meh.

Yoˇhaˬ 1:42

Kʼoeˇ naˇ, Siˇmoˬ-ahˇ Yeˬsuˇ jawˇ gaˇ aˬ yawꞈ sheuˬ gʼeh-euˬ meh. Yeˬsuˇ Siˇmoˬ-ahˇ haw-awˇ ehˇ-eu, “Nawˬ-euˬ tsawˇ myahˇ-aˬ, Yoˇhaˬ-euˬ aˬ li Siˇmoˬ meh. Ehˇ kʼawꞈ, nawˬ-ahˇ Geˬpaˇ lehˇ kuˇ tehꞈ-a.” lehˇ ehˇ nehˬ-euˬ meh. (ʼGeˬpaˇʼ hawˇ-eu ʼBeˬtuˆluˆʼ lehˇ ehˇ-eu tsawˇ myahˇ heu nyiˬ myahˇ dawˬ tsuiꞈ duˇ leˇ-awˇ, ʼKʼaˬ loʼ lehˇ ehˇ mawꞈ-eu meh.

Panmaeq 2:17

“Nawˇ naˬ bawˇ tsoꞈ-eu ngeuˇ naˇ, Ka li zaˬ aˇ muˇ deuˬ-ahˇ Yaw sahˇ Miˬyehˇ neh ehˇ nehˬ-euˬ dawˬ deuˬ-ahˇ naˇ haˬ-awˬ. “Gʼaˬ leˇ-euˬ tsawˇ haˬ deuˬ-ahˇ, zaꞈ taˬ-euˬ maˬ naˆ kaˬ muˇ ngaˇ bi dzaˬ ma. Aˬ yawꞈ maꞈ yawˬ gʼaˬ na luꞈ-ahˇ, kʼaˬ lo lo pyuˇ ngaˇ biꞈ ma. Kʼaˬ lo lo pyuˇ kʼoeˇ-euˬ kʼoeˇ taˆ tsawˇ myahˇ yaw shuiꞈ toeˬ boꞈ taˬ-awˇ, kʼaˬ lo kʼoeˇ za-euˬ gʼaˬ maˬ ngeuˇ naˇ nui gʼaˬ tiˬ gʼaˬ-iˬ tsawˇ myahˇ kʼoeˇ-ahˇ maˬ siˬ nya-a.

1 Saˬmeuˬlaˆ 26:25

Sawˇluˆ ehˇ-eu, “Ngaˬ li-oˇ, Miˬyehˇ nawˬ-ahˇ guiˬ lahˬ biꞈ luꞈ-uˇ. Nawˇ kʼaˇ mˇ kʼaˇ shaˇ-eu jeˬ mˇ pyeuꞈ shaˇ pyeuꞈ nya luꞈ-uˇ.” Kʼoeˇ naˇ, Daˬbiˇ iˇ byoˆ gʼeh-awˇ, Sawˇluˆ gʼoꞈ-iˇ-euˬ meh.