Aˇ dahˬ 32:11 - Akha

¹¹ Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

Aˇ dahˬ 32:11 ပူးပေါင်းရင်းမြစ်များ

Aˇ dahˬ 24:27

“Ngaˬ-euˬ baw leˬ Aˬbyaˬhaˬ-ahˇ saˇ jaˇ ziꞈ-eu aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ huiˬ luꞈ-uˇ. Sahˬpaˬ Miˬyehˇ-aˬ, ngaˬ-euˬ baw leˬ Aˬbyaˬhaˬ-euˬ aˬ yuiꞈ aˬ nyiˇ deuˬ jawˇ gaˇ, ngaˬ-ahˇ dawˇ coe ni sheuˬ ahˇ nehˬ laꞈ-euˬ nga” lehˇ ehˇ-eu meh.

Aˇ dahˬ 27:41

Iˇtsaˆ neh Yaˬkoˆ-ahˇ dawˬ ngehˬ gʼeh nehˬ-euˬ miˇ neh, Yaˬkoˆ-ahˇ Iˇsawˇ muiˇ-eu meh. Iˇsawˇ-euˬ nui ma laꞈ kʼoeˇ, “Ngaˬ da ziˇ jiˇ-eu dawˬ peh peh laˇ-euˬ meh. Haw taˬ lawˬ. Zaˬ heu gʼaˬ-ahˇ ngaˇ sehꞈ ma” lehˇ noeˬ luꞈ-eu meh.

Aˇ dahˬ 27:42

Ehˇ kʼawꞈ, Yaˬkoˆ-ahˇ Iˇsawˇ sehꞈ-eu lehˇ lehˬ hmˬ luꞈ-eu gaˇ kawˆ Leˬbehˇkaꞈ ya gaˬ ngeh, Yaˬkoˆ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Ngaˇ ehˇ gaˇ naˇ haˬ sheˇ. Nawˬ-euˬ aˇ doˆ nawˬ-ahˇ sehꞈ-eu lehˇ lehˬ hmˬ luꞈ meh.

Aˇ dahˬ 32:3

Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Aˇ dahˬ 32:7

Aˬ yawꞈ nehˬ-ehˇ jawˇ luꞈ-eu tsawˇ haˬ deuˬ hawˇ-eu, yawˇ, ciꞈ myehꞈ, mawˇ neˇ, law taw kʼoeˇ deuˬ dawˬ tawˆ luꞈ-ahˇ, nyiˬ muˇ muˇ-euˬ meh.

Aˇ dahˬ 33:4

Ehˇ kʼawꞈ, Yaˬkoˆ jawˇ gaˇ Iˇsawˇ cehˆ gʼeh-awˇ, Yaˬkoˆ-ahˇ byaˇ cuꞈ-awˇ mehˬ cuˇ cuˇ nehˬ-euˬ meh. Kʼoeˇ ngeh, aˬ yawꞈ nyaꞈ nyiˬ mehˇ nmˇ luꞈ ngoeˇ-euˬ meh.

2 Saˬmeuˬlaˆ 7:18

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ sahˬ paˬ Daˬbiˇ uˇ leˇ-awˇ, nuiˇ-awˇ heu loꞈ-ehˇ guiˬ lahˬ shaˇ-euˬ meh. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ maˬ ehˇ, ngaˬ-euˬ nymˇ jiˇ maˬ ehˇ, nawˬ neh mˇ nehˬ laꞈ-euˬ guiˬ lahˬ-ahˇ za-eu maˬ geuˇ-a.

Jaceuq 119:134

Nawˬ-euˬ dawˬ-ahˇ ngaˇ naˇ haˬ geuꞈ nya ni, ngaˬ-ahˇ kʼehˬ-eu deuˬ-euˬ laꞈ-ahˇ ka kʼoꞈ nehˬ laꞈ.

Jaceuq 142:6

Caw ba nehˬ laꞈ lehˇ ngaˇ guˇ gaˇ naˇ haˬ nehˬ laꞈ-awˬ. Naꞈ dui dui-eu nui ma cawˆ-eu jeˬ laꞈ kʼoeˇ ngaˇ ga nuiꞈ-iˇ luꞈ-eu ma. Muiˇ-eu deuˬ-euˬ aˬ laꞈ laꞈ kʼoeˇ ngaˬ-ahˇ ka kʼoꞈ nehˬ laꞈ. Aˬ yawꞈ maꞈ gʼaˬ kʼaˆ dui dui-eu meh.

Jaceuq 16:1

Miˬyehˇngaˬ-ahˇhaw piˇnehˬlaꞈ. Nawˬ-ahˇngaˇtahˬshaˇlaˇ-eu ma.

Jaceuq 25:20

Ngaˬ-ahˇtahˬpiˇ-awˇ ka kʼoꞈlaꞈ. Nawˇjawˇgaˇtah uˇlaˇ-eu ma. Aˬcawˬneh taˬbi gʼaˬleˇlaꞈ.

Jaceuq 31:2

Ngaˬ-euˬshaˇdawˬ-ahˇ naˇhaˬ-awˇ, yaw kawˇ-ehˇ ka kʼoꞈle nehˬlaꞈ. Ngaˬ-euˬgʼoe duˬlo guˇhawˇ-eu, ziꞈdah ni gʼeh-eu taˆloꞈ-ehˇ, ngaˬ-ahˇhaw teˬhaw piˇnehˬlaꞈ.

Jaceuq 43:1

Miˬyehˇ-oˇ, miˬyehˇmaˬbaw-eu deuˬmehˬshi, ngaˇiˬbaˇmaˬahˇ-eu gaˇkawˆ, nawˇyaˇkʼaˬdaˇtsehˆnehˬlaꞈ-awˬ. Jaˬmyawꞈmehˇshuiˇyaw haiˬmehˬshi, ngaˬ-ahˇnawˇka kʼoꞈnehˬlaꞈ-awˬ.

Dawqdaq 18:19

Mehˇ nmˇ yaw kaˬ ngehˬ gʼeh-eu jeˬ-aˬ, meuˬ meuˬ lahˇ loꞈ-ehˇ ziꞈ dah ni gʼeh-awˇ, mehˇ nmˇ yaw kaˬ ceh dzaˬ-eu jeˬ-aˬ, miˇ kaˬ taw paˆ gaˇ duˇ-eu meh.

Daˬyeˬlaˇ 3:17

Doꞈ luꞈ-eu miˬ dzaˬ tsawˬ bu hawˇ-eu nawˬ-euˬ baoˬ laꞈ kʼoeˇ, nga maꞈ uˬ duˬ tahˬ-eu Miˬyehˇ ngaˬ ha smˇ gʼaˬ-ahˇ ka kʼoꞈ nehˬ laꞈ nya naˇ ka kʼoꞈ nehˬ laꞈ luꞈ-uˇ.

Hawˇseˬ 10:14

naw maꞈ kʼoeˇ taˆ guiˇ keuˆ le-awˇ, taˆ dawˬ tawˆ luꞈ cawˆ jiˇ tehꞈ-a. Sahˬpaˬ Shaˬlaˬmaˬ guiˇ deuˆ-awˇ, Behˬaˬbeˬlaˇ meuˬ laˆ cawˆ ngeh, aˬ ma hawˇ-eu zaˬ dawˬ tawˆ luꞈ, coeˇ tsehˆ nehˬ gaˇ duˇ leˇ tehꞈ-a.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Dawˬmehˬ 22:6

“Aˇ bawˇ kʼoeˇ taˆ jaˆ-eu aˇ jiˇ bahˬ laꞈ kʼoeˇ maˬ ehˇ, miˇ tsaˬ-ahˇ jaˆ-eu aˇ jiˇ bahˬ laꞈ kʼoeˇ maˬ ehˇ, ya uˆ uˆ luꞈ-eu aˇ jiˇ maˬ kaˬ, zaˬ ceuꞈ ahˇ taˬ-awˇ jawˇ-eu aˇ jiˇ maˬ kaˬ, nawˇ ya mawˇ ngeh, aˬ ma mawˇ maˬ ya nyehꞈ-a.

1 Saˬmeuˬlaˆ 12:10

Kʼoeˇ ngeh, aˬ yawꞈ maꞈ Sahˬpaˬ Miˬyehˇ-ahˇ guˇ guˇ-ehˇ, heu loꞈ-ehˇ shaˇ-eu meh. “Miˬyehˇ-oˇ, nga maꞈ iˬ baˇ mˇ gʼaˬ-euˬ ma. Aˬ jeˬ miˇ neh ehˇ naˇ, nga maꞈ nawˬ-ahˇ byehˇ dzeh-awˇ, Baˬlaˇ miˬyehˇ-euˬ tahˬ pahˬ aˬ ma mawˇ kawˇ hawˇ-eu, Aˬshaˇtaˬyoˇ miˬyehˇ ma-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ ma. Muiˇ-eu deuˬ-euˬ aˬ laꞈ laꞈ kʼoeˇ, nga maꞈ-ahˇ ka kʼoꞈ nehˬ laꞈ-awˬ.

1 Saˬmeuˬlaˆ 24:15

Maˬ ngeuˇ naˇ, kuiˬ shehˇ-euˬ mehˬ nah teh luꞈ ta loˇ. Aˇ nyaꞈ aˬ geu gʼaˬ lehˬ nga lehˇ, Sahˬpaˬ Miˬyehˇ noeˬ tsehˆ-awˇ yaˇ kʼaˬ daˇ luꞈ-uˇ. Gaˇ kawˆ heu hmˬ-ahˇ aˬ yawꞈ haw-awˇ, ngaˬ-ahˇ haw piˇ-eu laꞈ kʼoeˇ, nawˬ-euˬ aˬ laꞈ laꞈ kʼoeˇ aˬ yawꞈ ngaˬ-ahˇ ka kʼoꞈ nehˬ laꞈ luꞈ-uˇ.”