Aˇ dahˬ 32:10 - Akha

¹⁰ Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Aˇ dahˬ 32:10 ပူးပေါင်းရင်းမြစ်များ

Aˇ dahˬ 18:27

Aˬbyaˬhaˬ paˇ ehˇ-eu, “Sahˬpaˬ Miˬyehˇ-oˇ, ngaˇ nawˬ-ahˇ dawˬ ngehˬ cawˬ laˇ gaˇ iˬ baˇ taˬ taˬ nehˬ laꞈ. Ngaˇ-aˬ, tsawˇ haˬ zaˬ tiˬ gʼaˬ pyeuꞈ-eu miˇ neh, nawˬ-ahˇ teh ngehˬ laˇ-eu maˬ tsaˬ-a. Ehˇ kʼawꞈ, oˇ oꞈ-eu laꞈ kʼoeˇ tiˬ poˆ naˇ haˬ nehˬ laꞈ siˬ.

Aˇ dahˬ 24:12

“Zaˬ kʼaˆ kʼoeˇ gʼaˬ heu loꞈ-ehˇ guiˬ lahˬ shaˇ-euˬ meh. Ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˬ-euˬ baw leˬ Aˬbyaˬhaˬ-ahˇ nawˬ neh biꞈ taˬ-euˬ saˇ jaˇ-ahˇ noeˬ keuˆ-awˇ, iˬ nah ngaˇ mˇ-eu lehˇ gʼeh-eu gaˇ heu hmˬ pyeuꞈ leˇ ni caw ba nehˬ laꞈ-awˬ.

Aˇ dahˬ 24:27

“Ngaˬ-euˬ baw leˬ Aˬbyaˬhaˬ-ahˇ saˇ jaˇ ziꞈ-eu aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ huiˬ luꞈ-uˇ. Sahˬpaˬ Miˬyehˇ-aˬ, ngaˬ-euˬ baw leˬ Aˬbyaˬhaˬ-euˬ aˬ yuiꞈ aˬ nyiˇ deuˬ jawˇ gaˇ, ngaˬ-ahˇ dawˇ coe ni sheuˬ ahˇ nehˬ laꞈ-euˬ nga” lehˇ ehˇ-eu meh.

Aˇ dahˬ 28:13

Sahˬpaˬ Miˬyehˇ aˬ yawꞈ dawˬ peh yawꞈ-awˇ ehˇ-eu, “Ngaˇ-aˬ, Aˬbyaˬhaˬ hawˇ-eu Iˇtsaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˇ yuꞈ luꞈ-eu miˇ tsaˬ heu tsahˇ, nawˇ hawˇ-eu nawˬ-euˬ zaˬ deuˬ-ahˇ ngaˇ biꞈ ma.

Aˇ dahˬ 28:15

Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

Aˇ dahˬ 30:43

Kʼoeˇ miˇ neh, Yaˬkoˆ smˇ muiˬ muiˬ dui dui laˇ-awˇ, yawˇ maˬ ehˇ, ciꞈ myehꞈ maˬ ehˇ, zaˬ kʼaˆ maˬ ehˇ, law taw maˬ ehˇ, mahˬ tahˬ laˆ maˬ ehˇ, jawˇ myaˬ dui dui laˇ-euˬ meh.

Aˇ dahˬ 31:3

Kʼoeˇ ngeh, “Nawˬ da jawˇ-eu miˇ kʼahˬ-ahˇ, nawˬ-euˬ aˬ yuiꞈ aˬ nyiˇ deuˬ jawˇ gaˇ gʼoꞈ-iˇ-awˬ. Nawˬ nehˬ-ehˇ ngaˇ jawˇ ma” lehˇ, Yaˬkoˆ-ahˇ Sahˬpaˬ Miˬyehˇ ehˇ nehˬ-euˬ meh.

Aˇ dahˬ 32:5

Ngaˇ-aˬ, mawˇ neˇ, mahˬ tahˬ laˆ, yawˇ, ciꞈ myehꞈ deuˬ jawˇ-awˇ, zaˬ kʼaˆ deuˬ kʼawꞈ cu taˬ-euˬ ma. Nawˇ ngaˬ-ahˇ gʼawˬ shaˬ gaˬ nehˬ laꞈ-awˇ, bi gʼoꞈ jawˇ le tehꞈ-a lehˇ noeˬ tmˬ dui dui-eu laꞈ kʼoeˇ, heu loꞈ-ehˇ tsaꞈ ahˇ leꞈ-euˬ ma.”

Aˇ dahˬ 32:7

Aˬ yawꞈ nehˬ-ehˇ jawˇ luꞈ-eu tsawˇ haˬ deuˬ hawˇ-eu, yawˇ, ciꞈ myehꞈ, mawˇ neˇ, law taw kʼoeˇ deuˬ dawˬ tawˆ luꞈ-ahˇ, nyiˬ muˇ muˇ-euˬ meh.

2 Saˬmeuˬlaˆ 17:24

Aˬbaˇsaˬloˬ hawˇ-eu Iˇsaˬleˬlaˆ tsawˇ haˬ deuˬ Yawˇdaˬ lawˇ ba tsehˆ doˆ ngeh, Daˬbiˇ Maˬhaˬneˬ meuˬ-ahˇ le keuˆ-euˬ meh.

2 Saˬmeuˬlaˆ 7:18

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ sahˬ paˬ Daˬbiˇ uˇ leˇ-awˇ, nuiˇ-awˇ heu loꞈ-ehˇ guiˬ lahˬ shaˇ-euˬ meh. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ maˬ ehˇ, ngaˬ-euˬ nymˇ jiˇ maˬ ehˇ, nawˬ neh mˇ nehˬ laꞈ-euˬ guiˬ lahˬ-ahˇ za-eu maˬ geuˇ-a.

Yawˇbaˆ 17:9

Yawˬ haˇ yawˬ ha yaw tsaˬ yaw dawˇ ma lehˇ ehˇ-eu tsawˇ haˬ deuˬ, aˬ yawꞈ maꞈ yaw tsaˬ ma lehˇ, ngehˬ jawˇ ngehˬ noeˬ luꞈ meh.

Yawˇbaˆ 8:7

Nawˬ neh smˬ jiˇ-euˬ pyuˇ shuiˇ myawˬ gahˬ deuˬ-aˬ, Miˬyehˇ nawˬ-ahˇ biꞈ-eu lehˇ gʼeh-eu jeˬ nehˬ-ehˇ shaˇ cehˆ haw ngeh, ehˇ nyaꞈ maˬ nyeuˆ-a.

Jaceuq 16:2

“Nawˇngaˬ-euˬSahˬpaˬMiˬyehˇma, nawˬ-ahˇdzeuˇnaˇ ngaˬ-euˬgʼaˇduˬ, yaw muiˬtiˬjeˬ-iˬ maˬjaˆ” lehˇ, SahˬpaˬMiˬyehˇ-ahˇehˇ-eu ma.

Jaceuq 18:35

Nawˬ-euˬka kʼoꞈ-eu dehˬdaˬduˬ, nawˬneh ngaˬ-ahˇbiꞈlaꞈ-euˬmeh. aˇmaˇlaꞈneh caw ba laꞈ-awˇ, baoˬneh haw piˇnehˬlaꞈ-euˬmeh.

Jaceuq 61:7

Miˬyehˇ-oˇ, nawˬ-euˬ mehˬ shi aˬ yawꞈ aˬ myah luꞈ sahˬpaˬ ya geuꞈ luꞈ-uˇ. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ laꞈ kʼoeˇ aˬ yawꞈ-ahˇ haw piˇ nehˬ-awˬ.

Jaceuq 8:5

Ehˇkʼawꞈni, tsawˇhaˬzaˬ-ahˇnawˇ, nawˬ-euˬlaꞈoˆsaˬ-i taˬ-awˇ, yaw shehꞈkʼehˬsehˇbiꞈ-eu laꞈkʼoeˇ, taˬhuiˬtaˬmahˇnehˬtaˬ-euˬ meh.

Jaceuq 84:7

Aˬ yawꞈ maꞈ mehˬ hu paw le ngeh gʼaˬ ahˇ dzehˬ laˇ-awˇ, miˬyehˇ dawˬ tawˆ luꞈ-euˬ Miˬyehˇ-ahˇ, Ziˇoˬ gawˬ jawˬ kʼoeˇ taˆ aˬ yawꞈ maꞈ ya tahˬ puˬ tehꞈ-a.

Jaceuq 85:10

Gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ tahˬ dzoeˇ tehꞈ-a. Yaw tsaˬ yaw dawˇ jeˬ hawˇ-eu nui saˇ oꞈ-eu jeˬ tiˬ gaˇ jaˆ le tehꞈ-a.

Dawqdaq 4:18

Yaw tsaˬ yaw dawˇ tsawˇ haˬ-euˬ gaˇ ma-aˬ, uˬ shawˬ paw bya-eu nahˇ ma yaw shehꞈ-ahˇ duˇ-awˇ, nah loˆ ceh laˇ ngeh keuˆ ni, ngehˬ jawˇ ngehˬ bya-eu meh.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Iˇsaˬyaˇ 63:7

Sahˬpaˬ Miˬyehˇ-euˬ gʼoeˇ-eu gaˬ-eu jeˬ, maˬ poˆ maˬ paˇ laˇ-eu gaˇ kawˆ ngaˇ ja gaˬ ma. Aˬ dui kʼoeˇ taˆ aˬ yawꞈ neh kʼaˇ mˇ taˬ-euˬ jeˬ gʼaˇ duˬ, aˬ yawꞈ-euˬ guiˬ lahˬ-ahˇ ngaˇ ja ceuˬ ma. Aˬ yawꞈ-euˬ gʼawˬ shaˬ gaˬ-eu jeˬ hawˇ-eu, maˬ tsehˆ leˇ nya-eu gʼoeˇ-eu gaˬ-eu jeˬ baˬ da, aˬ yawꞈ-euˬ Iˇsaˬleˬlaˆ tsawˇ jeuˬ-ahˇ, muiˬ-eu guiˬ lahˬ tiˬ byah biꞈ nehˬ-euˬ meh.

Miˇkaˬ 7:20

Aˇ hu ba nga maꞈ-euˬ aˬ poeˬ aˬ bawˇ deuˬ-ahˇ saˇ jaˇ dzaˬ taˬ-euˬ jaˆ-eu loꞈ-ehˇ, Aˬbyaˬhaˬ hawˇ-eu Yaˬkoˆ-euˬ zaˬ deuˬ uˆ deuˬ pyeuꞈ-eu nawˬ-euˬ tsawˇ haˬ deuˬ-ahˇ, nawˬ-euˬ saˇ jaˇ ziꞈ-eu jeˬ hawˇ-eu maˬ tsehˆ leˇ nya-eu gʼoeˇ-eu gaˬ-eu jeˬ nawˇ bi mawˇ tehꞈ-a.

Luˇkaꞈ 17:10

Kʼoeˇ loꞈ-ehˇ duˇ ni, naw maꞈ kʼawꞈ, naw maꞈ-ahˇ kʼaˇ kʼehˇ-euˬ jeˬ mˇ gʼaˬ jiˇ ngeh, ‘Nga maꞈ-aˬ, maˬ poeˬ maˬ lawˬ-eu zaˬ kʼaˆ tehꞈ ma. Nga maꞈ-ahˇ daˇ-eu gaˇ-ahˇ nga maꞈ mˇ jiˇ-euˬ tehꞈ ma’ lehˇ ehˇ-awˬ.”

Luˇkaꞈ 5:8

Kʼoeˇ loꞈ-ehˇ pyeuꞈ laˇ-euˬ gaˇ Siˇmoˬ Beˬtuˆluˆ ya mawˇ ngeh, Yeˬsuˇ-euˬ mehˬ shi aˬ yawꞈ pawˬ tsuiꞈ pawˬ dmˬ dmˬ-awˇ ehˇ-eu, “Sahˬpaˬ-oˇ, ngaˇ jawˇ gaˇ neh doˆ-iˇ-awˬ. Ngaˇ-aˬ, iˬ baˇ huiˬ dui dui-eu tsawˇ haˬ tiˬ gʼaˬ ma.”

2 Gawˇliˬtu 12:11

Ngaˇ aˬ dzawˬ aˇ gah-euˬ dawˬ ngehˬ la. Kʼoeˇ loꞈ-ehˇ ngehˬ ni naw maꞈ neh teh suꞈ nehˬ laꞈ-euˬ meh. Naw maꞈ ngaˬ-ahˇ noeˬ muiˬ nehˬ laꞈ paˬ-ehˇ gʼeh-eu meh. Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ kʼawꞈ, naw maꞈ-euˬ huiˬ dzehˬ mahˇ dzeuˬ-eu gʼaˬ kʼehˇ kʼoeˇ deuˬ taꞈ-ehˇ tiˬ pawꞈ-iˬ maˬ nyiˇ teˬ.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.