Aˇ dahˬ 31:6 - Akha

⁶ Naw nyaꞈ-euˬ aˬ da gʼaˇ duˬ, ngaˇ aˇ naˆ ni leh jeh-awˇ gaˇ mˇ-euˬ naw nyaꞈ nyiˬ gʼaˬ luꞈ siˬ nya meh.

Aˇ dahˬ 31:6 ပူးပေါင်းရင်းမြစ်များ

Aˇ dahˬ 30:26

Ngaˇ nawˬ-euˬ gaˇ mˇ nehˬ-euˬ baˬ da neh nawˬ neh bi sheuˬ dahˬ dzaˬ laꞈ-euˬ nawˬ buˇ deuˬ hawˇ-eu, ngaˬ-euˬ zaˬ deuˬ-ahˇ kʼawꞈ, bi sheuˬ kʼoꞈ gʼeh nehˬ laꞈ-awˬ. Ngaˇ nawˬ-ahˇ aˇ naˆ ni caw ba nehˬ-euˬ nawˇ siˬ nya meh.”

Aˇ dahˬ 30:29

Yaˬkoˆ ehˇ-eu, “Nawˬ-euˬ gʼaˇ duˬ ngaˇ gaˇ aˇ naˆ ni mˇ-euˬ gaˇ kawˆ maˬ ehˇ, ngaˬ-euˬ aˬ laꞈ laꞈ kʼoeˇ nawˬ-euˬ yawˇ aˇ myaˆ ni myaˬ laˇ behˇ laˇ-euˬ gaˇ kawˆ maˬ ehˇ, nawˇ siˬ nya luꞈ meh.

Aˇ dahˬ 31:7

Aˬ yawꞈ gʼaˇ duˬ kʼoeˇ naˆ ni ngaˇ mˇ nehˬ gʼaˬ-euˬ kʼawꞈ, aˬ yawꞈ ngaˬ-ahˇ jaˬ myawꞈ myawꞈ-awˇ, tseˇ poˆ keuˆ ni ngaˬ-euˬ gʼaˬ gaˇ aˇ poeˬ-ahˇ mehˇ shuiˇ shuiˇ dzaˬ-euˬ meh. Ehˇ kʼawꞈ, aˬ yawꞈ ngaˬ-ahˇ yehˬ bawˬ sehˇ lu-ehˇ maˬ ya jahˇ ni, Miˬyehˇ haw piˇ nehˬ laꞈ-euˬ meh.

1 Beˬtuˆluˆ 2:18

Zaˬ kʼaˆ deuˬ-oˇ, yawˬ ha-euˬ baw leˬ ehˇ dawˬ naˇ haˬ-awˇ yaw zeu baw nehˬ-awˬ. Gʼawˬ shaˬ gaˬ-eu siˬ nya-awˇ naw maꞈ shaˇ noeˬ nehˬ laꞈ nya-eu baw leˬ deuˬ-ahˇ tehꞈ-ehˇ maˬ ngeuˇ ni, gʼawˬ shaˬ gaˬ-eu maˬ siˬ nya-eu baw leˬ deuˬ-ahˇ kʼawꞈ yaw zeu baw-awˬ.