Aˇ dahˬ 31:46 - Akha

⁴⁶ Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ, kʼoeˇ gaˇ kʼaˬ lo bi gʼoˆ bymˇ-euˬ meh. Kʼaˬ lo lo bymˇ kʼoeˇ-euˬ gaˇ dzeˇ, aˬ yawꞈ maꞈ hawˬ tiˬ byawˇ dzaˬ taꞈ-euˬ meh.

Aˇ dahˬ 31:46 ပူးပေါင်းရင်းမြစ်များ

Aˇ dahˬ 31:23

Kʼoeˇ ngeh, aˬ yawꞈ-euˬ tsawˇ haˬ deuˬ sheuˬ-awˇ, Yaˬkoˆ-euˬ mehˬ nah teh-euˬ meh. Shiꞈ nah teh keuˆ laꞈ ngeh, Giˇlaˆ gawˬ jawˬ kʼoeˇ taˆ, Yaˬkoˆ-ahˇ aˬ yawꞈ teh miˇ leˇ-euˬ meh.

Aˇ dahˬ 31:32

Ehˇ kʼawꞈ, heu gaˇ jawˇ-eu tsawˇ haˬ deuˬ laꞈ kʼoeˇ, tiˬ gʼaˬ na nawˬ-euˬ tahˬ pahˬ aˬ ma mawˇ kawˇ yuˇ lawˬ naˇ, tsawˇ haˬ kʼoeˇ gʼaˬ-ahˇ nawˇ sehꞈ-awˬ. Heu gaˇ jawˇ luꞈ-eu tsawˇ haˬ heu myaˆ ni gʼeh-eu mehˬ shi poˆ haw-awˇ, nawˬ-euˬ mˇ myawˬ jaˆ-eu mawˇ naˇ yuˇ kʼoꞈ-awˬ.” Laˬbaˬ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ, Laˬkeˬlaˇ neh kʼoeˬ taˬ-euˬ gaˇ kawˆ Yaˬkoˆ maˬ siˬ nya-a.

Aˇ dahˬ 31:37

Ngaˬ-euˬ kʼaˆ behˆ dawˬ tawˆ luꞈ nawˇ goˬ doe jiˇ-euˬ maˬ ngeuˇ loˇ. Nawˬ-euˬ mˇ myawˬ aˇ myaˆ hmˬ goˬ mawˇ teˬ. Nawˬ-euˬ tsawˇ haˬ deuˬ hawˇ-eu, ngaˬ-euˬ tsawˇ haˬ deuˬ mehˬ shi, nymˬ-mˇ yuˇ doˆ leꞈ-awˬ. Aˇ nyaꞈ aˬ geu gʼaˬ lehˬ nga lehˇ aˬ yawꞈ maꞈ bi daˇ law.

Aˇ dahˬ 31:45

Kʼoeˇ ngeh, Yaˬkoˆ kʼaˬ lo yaw huiˬ tiˬ siˬ yuˇ-awˇ, noeˬ keuˆ-eu gʼaˇ duˬ kʼahˬ tuˇ-euˬ meh.

Aˇ dahˬ 31:47

Kʼaˬ lo lo bymˇ kʼoeˇ bymˇ-ahˇ, Laˬbaˬ neh Yeˇgaˬsaˬhaˬduˇtaˆ lehˇ myahˇ nehˬ-awˇ, Yaˬkoˆ neh Gaˬliˆ lehˇ myahˇ nehˬ-euˬ meh.

Aˇ dahˬ 31:54

Aˬ yawꞈ jeˬ zaˬ tiˬ mawˇ sehꞈ-awˇ, gawˬ jawˬ kʼoeˇ taˆ Miˬyehˇ-ahˇ lawˇ nehˬ-euˬ meh. Kʼoeˇ naˇ, aˬ yawꞈ-euˬ tsawˇ haˬ deuˬ-ahˇ kuˇ-awˇ, aˬ yawꞈ maꞈ tiˬ kawˆ loꞈ-ehˇ dzaˬ taꞈ dawˇ taꞈ-euˬ meh. Aˬ yawꞈ maꞈ dzaˬ-awˇ dawˇ-awˇ, uˬ ciꞈ jawˇ bya-euˬ meh.

2 Saˬmeuˬlaˆ 18:17

Aˬbaˇsaˬloˬ-euˬ gʼawˇ mawˇ-ahˇ, bawˇ tsahˬ-ahˇ jaˆ-eu naꞈ dui dui-eu duˬ kʼahˬ tiˬ kʼahˬ-ahˇ aˬ yawꞈ maꞈ biˬ ahˇ-awˇ, kʼaˬ lo gahˬ tehˬ-euˬ meh. Kʼoeˇ naˇ, Iˇsaˬleˬlaˆ tsawˇ haˬ dawˬ tawˆ luꞈ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-euˬ meh.

Dawˬ tsoˆ 3:5

Kʼaˬ lo byaˆ dzeh-eu yamˬ baw-awˇ, gʼoˆ bymˇ kʼoꞈ-eu yamˬ baw-eu meh.

Yawˇshuˆ 7:26

Aˬ yawꞈ-euˬ kʼoeˇ taˆ kʼaˬ lo lo bymˇ bymˇ ma baꞈ bymˇ-awˇ, iˬ nah keuˆ ni kʼoeˇ loꞈ-ehˇ jaˆ luꞈ-eu meh. Kʼoeˇ miˇ neh, jawˇ duˬ kʼoeˇ tsahˇ-ahˇ, Shaˬ zahˬ Deh kʼawꞈ lehˇ kuˇ-eu meh. Kʼoeˇ naˇ, Sahˬpaˬ Miˬyehˇ nui ma pehˇ-eu taˬ leˇ-euˬ meh.