Aˇ dahˬ 31:37 - Akha

³⁷ Ngaˬ-euˬ kʼaˆ behˆ dawˬ tawˆ luꞈ nawˇ goˬ doe jiˇ-euˬ maˬ ngeuˇ loˇ. Nawˬ-euˬ mˇ myawˬ aˇ myaˆ hmˬ goˬ mawˇ teˬ. Nawˬ-euˬ tsawˇ haˬ deuˬ hawˇ-eu, ngaˬ-euˬ tsawˇ haˬ deuˬ mehˬ shi, nymˬ-mˇ yuˇ doˆ leꞈ-awˬ. Aˇ nyaꞈ aˬ geu gʼaˬ lehˬ nga lehˇ aˬ yawꞈ maꞈ bi daˇ law.

Aˇ dahˬ 31:37 ပူးပေါင်းရင်းမြစ်များ

Aˇ dahˬ 31:32

Ehˇ kʼawꞈ, heu gaˇ jawˇ-eu tsawˇ haˬ deuˬ laꞈ kʼoeˇ, tiˬ gʼaˬ na nawˬ-euˬ tahˬ pahˬ aˬ ma mawˇ kawˇ yuˇ lawˬ naˇ, tsawˇ haˬ kʼoeˇ gʼaˬ-ahˇ nawˇ sehꞈ-awˬ. Heu gaˇ jawˇ luꞈ-eu tsawˇ haˬ heu myaˆ ni gʼeh-eu mehˬ shi poˆ haw-awˇ, nawˬ-euˬ mˇ myawˬ jaˆ-eu mawˇ naˇ yuˇ kʼoꞈ-awˬ.” Laˬbaˬ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ, Laˬkeˬlaˇ neh kʼoeˬ taˬ-euˬ gaˇ kawˆ Yaˬkoˆ maˬ siˬ nya-a.

Aˇ dahˬ 31:36

Kʼoeˇ ngeh jawˇ, Yaˬkoˆ nui ma pehˇ dui dui laˇ-awˇ ehˇ-eu, “Ngaˇ aˬ jeˬ laˆ ca taˬ-eu jaˆ ta. Ngaˬ-euˬ mehˬ nah nawˇ caw teh laˇ paˬ-ehˇ, ngaˬ neh mˇ bahˬ taˬ-euˬ aˬ jeˬ jaˆ ta.

Aˇ dahˬ 31:38

Ngaˇ nawˬ nehˬ-ehˇ jawˇ laꞈ-euˬ, nyiˬ tseˇ kʼoꞈ byah laˇ-euˬ ma. Aˇ yamˬ heu myah ni gʼeh-eu laꞈ kʼoeˇ, nawˬ-euˬ yawˇ hawˇ-eu ciꞈ myehꞈ deuˬ myaˬ laˇ behˇ laˇ tehˇ tehˬ luꞈ-eu kʼawꞈ, nawˬ-euˬ yawˇ yawˇ maꞈ laꞈ kʼoeˇ-euˬ yawˇ tiˬ mawˇ-iˬ ngaˇ maˬ sehꞈ dzaˬ haw-aˬ.

Maꞈtehˬ 18:16

Ehˇ kʼawꞈ, nawˬ neh ehˇ-euˬ gaˇ aˬ yawꞈ maˬ geuꞈ nehˬ laꞈ naˇ, Jaˇ liꞈ laꞈ kʼoeˇ ehˇ taˬ-euˬ loꞈ-ehˇ, kʼaˇ ngehˬ-euˬ yawˬ dawˬ na luꞈ-ahˇ gaˬ-eu tsawˇ kaˬ nyiˬ gʼaˬ smˇ gʼaˬ byah ni bi jawˇ-eu gʼaˇ duˬ, nawˬ nehˬ-ehˇ tsawˇ kaˬ tiˬ gʼaˬ nyiˬ gʼaˬ sheuˬ caw gʼeh-awˬ.

1 Teˇsaˬloˇni 2:10

Naw maꞈ jawˇ gaˇ nga maꞈ neh mˇ yaꞈ shaˇ yaꞈ-euˬ kʼoeˇ-aˬ, muiˬ-eu shawˇ-eu tsaˬ-eu dawˇ-eu jeˬ pyeuꞈ-awˇ, iˬ baˇ taˬ kʼaˇ maˬ za-eu gaˇ kawˆ naw maꞈ hawˇ-eu Miˬyehˇ siˬ duˬ mawˇ duˬ-euˬ meh.

HeˬByehˇ 13:18

Nga maꞈ gʼaˇ duˬ maˬ tsehˆ leˇ ni guiˬ lahˬ shaˇ nehˬ laꞈ-awˬ. Nga maꞈ-euˬ siˬ nya-eu nui ma shawˇ jehˆ ni jaˆ ma lehˇ nga maꞈ jah-eu ma. Aˬ jeˬ miˇ neh ehˇ naˇ, aˬ myah luꞈ yaw muiˬ jeˬ-ahˇ tehꞈ-ehˇ nga maꞈ mˇ mawꞈ-eu ma.

Yawˇshuˆ 7:23

Aˬ yawꞈ maꞈ myawˬ kʼoeˇ deuˬ-ahˇ sehˬ gʼawˆ laꞈ kʼoeˇ neh yuˇ doˆ laꞈ-awˇ, Yawˇshuˆ hawˇ-eu Iˇsaˬleˬlaˆ tsawˇ haˬ dawˬ tawˆ luꞈ jawˇ gaˇ yuˇ gʼeh-awˇ, Sahˬpaˬ Miˬyehˇ-euˬ mehˬ shi bi jaˆ-euˬ meh.

1 Beˬtuˆluˆ 2:12

Miˬyehˇ-ahˇ maˬ jah-eu tsawˇ haˬ deuˬ-euˬ mehˬ shi naw maꞈ dehꞈ-eu jawˇ-eu gaˇ kawˆ muiˬ dui bi dui-awˬ. Kʼoeˇ loꞈ-ehˇ dehꞈ naˇ, naw maꞈ-ahˇ yaw haiˬ jeˬ mˇ-eu tsawˇ haˬ lehˇ aˬ yawꞈ maꞈ ja doeˇ kʼawꞈ, naw maꞈ yaw muiˬ jeˬ mˇ-euˬ meh lehˇ aˬ yawꞈ maꞈ ya ha geuꞈ-awˇ, Miˬyehˇ yaˇ kʼaˬ daˇ le ngeh Nah, aˬ yawꞈ maꞈ Miˬyehˇ-ahˇ ja ceuˬ tehꞈ-a.

1 Beˬtuˆluˆ 3:16

Ehˇ kʼawꞈ, kʼoeˇ loꞈ-ehˇ ja mehˬ nehˬ ngeh, nui ma nahˬ yu ni taˬ-awˇ yaw zeu baw-eu laꞈ kʼoeˇ ja mehˬ nehˬ-awˬ. Aˬ cawˬ yehˬ bawˬ sehˇ lu-ehˇ ehˇ laˇ gaˇ naw maꞈ ya daˬ ngeh, Ka li laꞈ kʼoeˇ naw maꞈ yaw muiˬ jeˬ mˇ luꞈ gaˇ ja doeˇ-eu tsawˇ haˬ deuˬ yawˬ ha-euˬ dawˬ-ahˇ yawˬ ha ya shaꞈ dawˇ-iˇ ni, naw maꞈ-euˬ siˬ nya-eu nui ma shawˇ jehˆ ni taˬ-awˬ.