Aˇ dahˬ 31:36 - Akha

³⁶ Kʼoeˇ ngeh jawˇ, Yaˬkoˆ nui ma pehˇ dui dui laˇ-awˇ ehˇ-eu, “Ngaˇ aˬ jeˬ laˆ ca taˬ-eu jaˆ ta. Ngaˬ-euˬ mehˬ nah nawˇ caw teh laˇ paˬ-ehˇ, ngaˬ neh mˇ bahˬ taˬ-euˬ aˬ jeˬ jaˆ ta.

Aˇ dahˬ 31:36 ပူးပေါင်းရင်းမြစ်များ

Aˇ dahˬ 30:2

Kʼoeˇ ngeh, Yaˬkoˆ nui ma pehˇ laˇ-awˇ, “Ngaˇ Miˬyehˇ-euˬ dah zaˇ mˇ dah nya ta loˇ. Nawˬ-ahˇ zaˬ maˬ bi jawˇ le ni jahˇ nehˬ-euˬ gʼaˬ Miˬyehˇ maˬ ngeuˇ-a loˇ” lehˇ ehˇ nehˬ-euˬ meh.

Aˇ dahˬ 31:35

Kʼoeˇ ngeh, “Ngaˬ-ahˇ nui ma taˬ pehˇ da-oˇ. Nymˬ-mˇ ngaˇ ba la mawˇ-eu aˇ yamˬ pyeuꞈ-eu miˇ neh, gawˬ yawꞈ maˬ yawꞈ nya nya” lehˇ, aˬ yawꞈ aˬ da Laˬbaˬ-ahˇ Laˬkeˬlaˇ ehˇ nehˬ-euˬ meh. Kʼoeˇ naˇ, tahˬ pahˬ aˬ ma mawˇ kawˇ kʼoeˇ deuˬ-ahˇ Laˬbaˬ maˬ goˬ mawˇ nya-ehˇ byehˇ-euˬ meh.

Aˇ dahˬ 31:37

Ngaˬ-euˬ kʼaˆ behˆ dawˬ tawˆ luꞈ nawˇ goˬ doe jiˇ-euˬ maˬ ngeuˇ loˇ. Nawˬ-euˬ mˇ myawˬ aˇ myaˆ hmˬ goˬ mawˇ teˬ. Nawˬ-euˬ tsawˇ haˬ deuˬ hawˇ-eu, ngaˬ-euˬ tsawˇ haˬ deuˬ mehˬ shi, nymˬ-mˇ yuˇ doˆ leꞈ-awˬ. Aˇ nyaꞈ aˬ geu gʼaˬ lehˬ nga lehˇ aˬ yawꞈ maꞈ bi daˇ law.

Aˇ dahˬ 34:7

Kʼoeˇ ngeh, Yaˬkoˆ-euˬ aˬ li deuˬ deh yaˇ-ahˇ iˇ-euˬ gʼoꞈ keuˆ laˇ-euˬ tiˬ dehˬ meh. Yaˬkoˆ-euˬ aˬ buˇ-ahˇ Sheˬkmˬ neh yehˬ bawˬ sehˇ lu-ehˇ jahˇ nehˬ-awˇ, kʼoeˇ loꞈ-ehˇ gʼeh-eu maˬ jahˇ kʼmˬ-eu jeˬ Iˇsaˬleˬlaˆ tsawˇ haˬ-ahˇ jahˇ nehˬ laꞈ-euˬ gaˇ kawˆ-ahˇ, Yaˬkoˆ-euˬ aˬ li deuˬ ya gaˬ ngeh, nui ma daˆ laˇ taˬ-euˬ meh.

Aˇ dahˬ 49:7

Aˬ nyaꞈ nmˇ nui ma pehˇ-eu jeˬ-ahˇ, yaˬ kʼehˇ yaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ nyaꞈ nmˇ nui ma pehˇ-eu, guˆ dui dui laˇ paˬ-ehˇ gʼeh-eu meh. Aˬ nyaꞈ nmˇ nui kʼaˬ tsoꞈ gaˇ yaˬ kʼehˇ yaˬ nehˬ luꞈ-uˇ. Aˬ jeˬ miˇ neh ehˇ naˇ, aˬ yawꞈ nyaꞈ-euˬ nui kʼaˬ aˬ cawˬ-ahˇ gʼawˬ shaˬ gaˬ-eu maˬ siˬ nya-a. Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ nyaꞈ-ahˇ tiˬ gʼaˬ tiˬ gaˇ bi jawˇ byoˆ ma. Iˇsaˬleˬlaˆ tsawˇ jeuˬ deuˬ yaw kaˬ-ahˇ tiˬ gʼaˬ tiˬ paw bi jawˇ gʼawˬ ma.

2 Sahˬpaˬ 13:19

Kʼoeˇ ngeh, Eˇliˇshehˇ nui ma pehˇ laˇ-awˇ ehˇ-eu, “Ngaˬ laꞈ koꞈ laꞈ byah ni beuˆ paˬ law meh tawˇ. Ehˇ law nmˇ-aˬ, Suˇliˆ tsawˇ haˬ deuˬ-ahˇ nawˇ yaw muiˬ paˬ-ehˇ gʼaˬ leˇ tehꞈ-a. Smˇ laꞈ tehꞈ-ehˇ beuˆ-euˬ miˇ neh, smˬ poˆ maˬ ngeuˇ naˇ maˬ paˇ gʼaˬ leˇ nya ngaˇ.”

2 Sahˬpaˬ 5:11

Ehˇ kʼawꞈ, Neˬmaˬ nui ma pehˇ-eu laꞈ kʼoeˇ doˆ-iˇ-awˇ, heu loꞈ-ehˇ ehˇ-eu meh. “Aˬ yawꞈ-euˬ gʼawˇ mawˇ ngaˇ jawˇ gaˇ oe doˆ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ guiˬ lahˬ shaˇ-eu laꞈ kʼoeˇ, ngaˬ-euˬ maˇ naˇ kʼoeˇ taˆ aˬ laꞈ cawˬ ja-awˇ, laˆ taˬ nehˬ laꞈ-eu tsaˬ tehꞈ-a.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Bawˇtsahˬ 16:15

Moˇseˬ nui ma pehˇ laˇ-awˇ, Sahˬpaˬ Miˬyehˇ-ahˇ ehˇ nehˬ-eu, “Tsawˇ haˬ heu deuˬ neh yuˇ laꞈ-euˬ lawˇ-eu jeˬ-ahˇ taˬ ha geuꞈ. Aˬ yawꞈ maꞈ kʼoeˇ taˆ yaw lehˬ tiˬ jeˬ-iˬ ngaˇ maˬ mˇ haw-aˬ. Aˬ yawꞈ maꞈ-euˬ mahˬ tahˬ laˆ tiˬ mawˇ tsahˇ geuꞈ taˬ-euˬ kʼawꞈ maˬ jaˆ.”

Bawˇtsahˬ 20:3

Aˬ yawꞈ maꞈ Moˇseˬ-ahˇ iˬ baˇ taˬ-eu laꞈ kʼoeˇ ehˇ-eu, “Nga maꞈ-euˬ cawˬ Iˇsaˬleˬlaˆ tsawˇ haˬ kʼoeˇ deuˬ nehˬ-ehˇ Sahˬpaˬ Miˬyehˇ-euˬ Sehˬ gʼawˆ mehˬ shi shiˇ yaꞈ law nmˇ-aˬ, zaˬ dzehˬ law hawˇ miˇ-a.

Maˬkuˆ 3:5

Tsawˇ haˬ kʼoeˇ deuˬ-ahˇ Yeˬsuˇ haw-awˇ nui ma pehˇ-eu meh. Ehˇ kʼawꞈ, aˬ yawꞈ maꞈ nui ma gʼahˇ-awˇ lehˬ dui dui gaˇ aˬ yawꞈ gʼawˬ shaˬ gaˬ-euˬ meh. Kʼoeˇ naˇ, tsawˇ haˬ kʼoeˇ gʼaˬ-ahˇ “Aˬ laꞈ cawˬ ja-awˬ” lehˇ Yeˬsuˇ ehˇ nehˬ-awˇ, aˬ yawꞈ aˬ laꞈ caw ja ngeh, laꞈ shiˇ shiˇ-eu taˬ leˇ-euˬ meh.

Eˇpeˇsu 4:26

Naw maꞈ nui ma pehˇ laˇ ngeh, iˬ baˇ mˇ gaˇ maˬ bi keuˆ leˇ-eu uꞈ taꞈ, nahˇ ma ga ahˇ ngeh keuˆ ni nui ma pehˇ-eu jeˬ taˬ bi pyeuꞈ.

1 Saˬmeuˬlaˆ 20:32

Yawˇnaˆshaˬ ehˇ-eu, “Aˬ yawꞈ aˬ jeˬ mˇ taˬ-euˬ jaˆ-eu miˇ neh, aˬ yawꞈ-ahˇ ya sehꞈ ta.”