Aˇ dahˬ 31:35 - Akha

³⁵ Kʼoeˇ ngeh, “Ngaˬ-ahˇ nui ma taˬ pehˇ da-oˇ. Nymˬ-mˇ ngaˇ ba la mawˇ-eu aˇ yamˬ pyeuꞈ-eu miˇ neh, gawˬ yawꞈ maˬ yawꞈ nya nya” lehˇ, aˬ yawꞈ aˬ da Laˬbaˬ-ahˇ Laˬkeˬlaˇ ehˇ nehˬ-euˬ meh. Kʼoeˇ naˇ, tahˬ pahˬ aˬ ma mawˇ kawˇ kʼoeˇ deuˬ-ahˇ Laˬbaˬ maˬ goˬ mawˇ nya-ehˇ byehˇ-euˬ meh.

Aˇ dahˬ 31:35 ပူးပေါင်းရင်းမြစ်များ

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

Aˇ dahˬ 31:34

Tahˬ pahˬ aˬ ma mawˇ kawˇ kʼoeˇ deuˬ-ahˇ Laˬkeˬlaˇ yuˇ-awˇ, law taw kʼaˆ daˬ laꞈ kʼoeˇ nmꞈ zaꞈ-awˇ, kʼaˆ daˬ kʼoeˇ taˆ nuiˇ luꞈ-eu meh. Laˬkeˬlaˇ-euˬ sehˬ gʼawˆ gʼawˆ lah-ehˇ Laˬbaˬ goˬ doe jiˇ-euˬ kʼawꞈ, tahˬ pahˬ aˬ ma mawˇ kawˇ kʼoeˇ deuˬ-ahˇ maˬ goˬ mawˇ nya-a.

Aˇ dahˬ 31:36

Kʼoeˇ ngeh jawˇ, Yaˬkoˆ nui ma pehˇ dui dui laˇ-awˇ ehˇ-eu, “Ngaˇ aˬ jeˬ laˆ ca taˬ-eu jaˆ ta. Ngaˬ-euˬ mehˬ nah nawˇ caw teh laˇ paˬ-ehˇ, ngaˬ neh mˇ bahˬ taˬ-euˬ aˬ jeˬ jaˆ ta.

1 Sahˬpaˬ 2:19

Kʼoeˇ naˇ, Aˬdawˇniˇyaˆ-euˬ dah zaˇ sahˬ paˬ-ahˇ dawˬ ngehˬ cawˬ leˇ-eu lehˇ, Baˬsheˬba le-euˬ meh. Sahˬpaˬ tsawˬ tuˇ laˇ-awˇ, aˬ yawꞈ-euˬ aˬ ma-ahˇ ha-awˇ, aˬ yawꞈ aˬ ma-euˬ mehˬ shi awˆ byaˆ-eu laꞈ kʼoeˇ yaw zeu baw nehˬ-euˬ meh. Kʼoeˇ naˇ, dzoeˬ dzaˬ nuiˇ mahˬ-ahˇ aˬ yawꞈ paˇ nuiˇ-awˇ, nuiˇ mahˬ yawˬ hmˬ yawˬ paˇ bi baꞈ laꞈ-awˇ, aˬ yawꞈ aˬ ma-ahˇ aˬ yawꞈ-euˬ aˇ maˇ paw bi nuiˇ-euˬ meh.

Doˆ-iˇ 20:12

“Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ tsaˬ kʼoeˇ taˆ, nawˇ ziˇ baw ni, nawˬ-euˬ aˬ da aˬ ma-ahˇ nawˇ yaw zeu ya baw meh.

Uˬ duˬ 15:19

Zaˬ miˬ zaˬ tiˬ gʼaˬ ba la mawˇ ngeh, shiꞈ nah keuˆ ni maˬ shawˇ-a. Zaˬ miˬ zaˬ kʼoeˇ gʼaˬ-ahˇ kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, uˬ ciꞈ paw keuˆ ni maˬ shawˇ-a.

Uˬ duˬ 19:3

Ngaˬ neh dawˬ biꞈ taˬ-euˬ loꞈ-ehˇ, naw maꞈ yawˬ gʼaˬ na luꞈ, yawˬ ha-euˬ aˬ ma aˬ da-ahˇ yaw zeu baw-awˇ, jawˇ nah-ahˇ lah daw-awˬ. Ngaˇ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma.

Uˬ duˬ 19:32

“Tsawˇ mawˬ tsawˇ kʼaˆ deuˬ-ahˇ yaw zeu baw-awˇ, taˬ huiˬ taˬ mahˇ-awˬ.

Eˇpeˇsu 6:1

Zaˬ deuˬ-oˇ, Sahˬpaˬ Yeˬsuˇ laꞈ kʼoeˇ yawˬ ha-euˬ aˬ da aˬ ma ehˇ dawˬ naˇ haˬ-awˬ. Naw maꞈ kʼoeˇ loꞈ-ehˇ mˇ-eu tsaˬ dui dui meh.

1 Beˬtuˆluˆ 2:18

Zaˬ kʼaˆ deuˬ-oˇ, yawˬ ha-euˬ baw leˬ ehˇ dawˬ naˇ haˬ-awˇ yaw zeu baw nehˬ-awˬ. Gʼawˬ shaˬ gaˬ-eu siˬ nya-awˇ naw maꞈ shaˇ noeˬ nehˬ laꞈ nya-eu baw leˬ deuˬ-ahˇ tehꞈ-ehˇ maˬ ngeuˇ ni, gʼawˬ shaˬ gaˬ-eu maˬ siˬ nya-eu baw leˬ deuˬ-ahˇ kʼawꞈ yaw zeu baw-awˬ.

1 Beˬtuˆluˆ 3:6

Saˬlaˇ kʼawꞈ, kʼoeˇ loꞈ-ehˇ dehꞈ yaꞈ-euˬ meh. Aˬ yawꞈ Aˬhyaˬhaˬ-euˬ ehˇ dawˬ naˇ haˬ-awˇ, Aˬbyaˬhaˬ-ahˇ sahˬ paˬ lehˇ kuˇ-euˬ meh. Naw maꞈ kʼawꞈ, yaw muiˬ jeˬ-ahˇ mˇ-awˇ guˆ-eu nui ma maˬ ahˇ naˇ, Saˬlaˇ-euˬ aˬ buˇ deuˬ pyeuꞈ-eu meh.