Aˇ dahˬ 31:32 - Akha

³² Ehˇ kʼawꞈ, heu gaˇ jawˇ-eu tsawˇ haˬ deuˬ laꞈ kʼoeˇ, tiˬ gʼaˬ na nawˬ-euˬ tahˬ pahˬ aˬ ma mawˇ kawˇ yuˇ lawˬ naˇ, tsawˇ haˬ kʼoeˇ gʼaˬ-ahˇ nawˇ sehꞈ-awˬ. Heu gaˇ jawˇ luꞈ-eu tsawˇ haˬ heu myaˆ ni gʼeh-eu mehˬ shi poˆ haw-awˇ, nawˬ-euˬ mˇ myawˬ jaˆ-eu mawˇ naˇ yuˇ kʼoꞈ-awˬ.” Laˬbaˬ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ, Laˬkeˬlaˇ neh kʼoeˬ taˬ-euˬ gaˇ kawˆ Yaˬkoˆ maˬ siˬ nya-a.

Aˇ dahˬ 31:32 ပူးပေါင်းရင်းမြစ်များ

Aˇ dahˬ 13:8

Kʼoeˇ ngeh, Lawˇtaˬ-ahˇ Aˬbyaˬ ehˇ nehˬ-eu, “Aˇ nyaꞈ-aˬ, aˬ uiˬ hawˇ-eu aˬ duˇ lehˇ gʼeh-eu miˇ neh, nawˬ-euˬ tsawˇ haˬ hawˇ-eu ngaˬ-euˬ tsawˇ haˬ yaw kaˬ dawˬ ja bi laˆ doˆ-eu maˬ muiˬ-a.

Aˇ dahˬ 19:7

Kʼoeˇ naˇ, tsawˇ haˬ kʼoeˇ deuˬ-ahˇ aˬ yawꞈ heu loꞈ-ehˇ ehˇ nehˬ-euˬ meh.“Cawˬ deuˬ-oˇ, naw maꞈ-ahˇ ngaˇ shaˇ-eu ma. Heu loꞈ-ehˇ gʼeh-eu jawꞈ dui dui-eu jeˬ taˬ mˇ nehˬ laꞈ. Ngaˬ-euˬ dawˬ-ahˇ tiˬ poˆ naˇ haˬ nehˬ laꞈ sheˇ.

Aˇ dahˬ 30:33

Nawˬ-euˬ kʼoeˇ taˆ ngaˇ nui ma dawˇ coe ni taˬ nga loˇ, maˬ taˬ nga loˇ lehˇ, nawˇ yaw awˇ laꞈ-ehˇ pyehˆ tseˇ duˬ nya tehꞈ-a. Aˬ kaˇ ngaˬ-euˬ jeˬ zaˬ-ahˇ nawˇ pyehˆ tseˇ laˇ ngeh, yaw byaꞈ maˬ byaꞈ-eu ciˬ myehꞈ tiˬ mawˇ na maˬ ehˇ, yaw naˆ maˬ naˆ-eu yawˇ tiˬ mawˇ na maˬ ehˇ, nawˇ ya mawˇ lawˬ naˇ, ngaˬ neh kʼoeˬ geuꞈ-euˬ jeˬ zaˬ nga lehˇ, nawˇ ehˇ nya tehꞈ-a.”

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

Aˇ dahˬ 31:23

Kʼoeˇ ngeh, aˬ yawꞈ-euˬ tsawˇ haˬ deuˬ sheuˬ-awˇ, Yaˬkoˆ-euˬ mehˬ nah teh-euˬ meh. Shiꞈ nah teh keuˆ laꞈ ngeh, Giˇlaˆ gawˬ jawˬ kʼoeˇ taˆ, Yaˬkoˆ-ahˇ aˬ yawꞈ teh miˇ leˇ-euˬ meh.

Aˇ dahˬ 31:30

Nawˇ iˇ kahˇ-ahˇ aˇ dzehˬ dzeuˇ ni gʼoꞈ-iˇ mawꞈ-eu miˇ neh cehˆ-euˬ nga lehˇ, ngaˇ siˬ nya ma. Ehˇ kʼawꞈ, ngaˬ-euˬ nymˇ jiˇ uˬ duˬ tahˬ luꞈ-eu tahˬ pahˬ aˬ ma mawˇ kawˇ deuˬ-ahˇ, aˬ jeˬ miˇ neh nawˇ kʼoeˬ teˬ.”

Aˇ dahˬ 31:31

Yaˬkoˆ ehˇ-eu, “Nawˬ buˇ deuˬ-ahˇ nawˇ paˇ sheuˬ kʼoꞈ jiˇ-eu baw le lehˇ ngaˇ noeˬ guˆ-eu miˇ neh cehˆ-euˬ ma.

Aˇ dahˬ 31:33

Yaˬkoˆ-euˬ sehˬ gʼawˆ laꞈ kʼoeˇ maˬ ehˇ, Leˇaˬ-euˬ sehˬ gʼawˆ laꞈ kʼoeˇ maˬ ehˇ, zaˬ miˬ zaˬ zaˬ kʼaˆ nyiˬ gʼaˬ luꞈ-euˬ sehˬ gʼawˆ laꞈ kʼoeˇ maˬ ehˇ, Laˬbaˬ uˇ-iˇ-awˇ goˬ doe kʼawꞈ, aˬ yawꞈ-euˬ tahˬ pahˬ aˬ ma mawˇ kawˇ kʼoeˇ deuˬ maˬ goˬ mawˇ nya-a. Kʼoeˇ naˇ, Laˬkeˬlaˇ-euˬ sehˬ gʼawˆ laꞈ kʼoeˇ aˬ yawꞈ uˇ-iˇ-euˬ meh.