Aˇ dahˬ 31:30 - Akha

³⁰ Nawˇ iˇ kahˇ-ahˇ aˇ dzehˬ dzeuˇ ni gʼoꞈ-iˇ mawꞈ-eu miˇ neh cehˆ-euˬ nga lehˇ, ngaˇ siˬ nya ma. Ehˇ kʼawꞈ, ngaˬ-euˬ nymˇ jiˇ uˬ duˬ tahˬ luꞈ-eu tahˬ pahˬ aˬ ma mawˇ kawˇ deuˬ-ahˇ, aˬ jeˬ miˇ neh nawˇ kʼoeˬ teˬ.”

Aˇ dahˬ 31:30 ပူးပေါင်းရင်းမြစ်များ

Aˇ dahˬ 31:19

Laˬbaˬ yawˇ caꞈ hm tehˬ-iˇ-euˬ kaˬ-ahˇ, Laˬbaˬ-euˬ nymˇ jiˇ uˬ duˬ tahˬ-eu tahˬ pahˬ aˬ ma mawˇ kawˇ deuˬ-ahˇ Laˬkeˬlaˇ kʼoeˬ-euˬ meh.

Aˇ dahˬ 31:31

Yaˬkoˆ ehˇ-eu, “Nawˬ buˇ deuˬ-ahˇ nawˇ paˇ sheuˬ kʼoꞈ jiˇ-eu baw le lehˇ ngaˇ noeˬ guˆ-eu miˇ neh cehˆ-euˬ ma.

Aˇ dahˬ 35:2

Kʼoeˇ ngeh, aˬ yawꞈ-euˬ miˬ sawˇ zaˬ deuˬ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ-ahˇ, Yaˬkoˆ heu loꞈ-ehˇ ehˇ nehˬ-euˬ meh. “Naw maꞈ nehˬ-ehˇ jaˆ-eu aˬ cawˬ tsawˇ jeuˬ-euˬ Miˬyehˇ pyeuꞈ-eu tahˬ pahˬ aˬ ma mawˇ kawˇ dawˬ tawˆ luꞈ, biˬ dzeh jiˇ yaꞈ-awˬ. Yawˬ ha-euˬ gʼawˇ mawˇ shawˇ-awˇ, mehˬ tsoeˬ yaw shawˇ dm-awˬ.

2 Saˬmeuˬlaˆ 5:21

Piˇliˇtiˆ tsawˇ haˬ deuˬ cehˆ byaˆ ngeh, aˬ yawꞈ maꞈ-euˬ tahˬ pahˬ aˬ ma mawˇ kawˇ byehˇ dzeh yaꞈ-awˇ, Daˬbiˇ hawˇ-eu aˬ yawꞈ-euˬ tsawˇ haˬ deuˬ tahˬ pahˬ aˬ ma mawˇ kawˇ kʼoeˇ deuˬ yuˇ kʼoꞈ gʼeh-euˬ meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Iˇsaˬyaˇ 37:19

Kʼoeˇ naˇ, miˬ yehˇ maˇ maˇ ni maˬ ngeuˇ-eu, tsawˇ haˬ zaˬ-euˬ aˬ laꞈ neh jahˇ-euˬ daˇ kawˬ hawˇ-eu kʼaˬ lo tahˬ pahˬ aˬ ma mawˇ kawˇ pyeuꞈ-eu aˬ yawꞈ maꞈ-euˬ miˬ yehˇ deuˬ-ahˇ miˬ dzaˬ keuˬ dzeh nehˬ-euˬ meh.

Yeˬlaˬmiˇ 10:11

(Mˬ hawˇ-eu miˇ-ahˇ beh-euˬ gʼaˬ maˬ ngeuˇ-eu miˬ yehˇ deuˬ ya luˬ ya seˇ-iˇ-awˇ, miˇ tsaˬ kʼoeˇ taˆ tiˬ gʼaˬ-iˬ maˬ jaˆ maˬ jawˇ nya ni pyeuꞈ-iˇ tehꞈ-a lehˇ, tsawˇ haˬ kʼoeˇ deuˬ-ahˇ naw maꞈ ya ehˇ nehˬ meh.)

Yeˬlaˬmiˇ 43:12

Iˇjiˇtuˆ miˬ yehˇ deuˬ-euˬ uˬ duˬ tahˬ nymˇ deuˬ-ahˇ ngaˇ miˬ dzaˬ dzah puiˆ-awˇ, aˬ yawꞈ maꞈ-euˬ miˬ yehˇ tiˬ paˆ na deuˬ-ahˇ Baˬbuˇloˬ sahˬ paˬ neh bi laˆ cawˆ-awˇ, tiˬ paˆ na deuˬ aˬ yawꞈ neh bi yuˇ geuꞈ gʼeh tehꞈ-a. Yawˇ bo-eu tsawˇ haˬ yawˬ ha-euˬ pehˇ kʼahˬ-ahˇ shehˇ mawˇ tseuˆ shawˇ dzeh-eu loꞈ-ehˇ, Baˬbuˇloˬ sahˬ paˬ Iˇjiˇtuˆ miˇ kʼahˬ-ahˇ tseuˆ shawˇ dzeh-awˇ, nui kʼahˇ shiˇ taˆ ni gʼoꞈ leˇ tehꞈ-a.

Yeˬsaˬgeˬlaˇ 21:21

Baˬbuˇloˬ sahˬ paˬ-aˬ, gaˇ ma gaˇ tsmˇ-ahˇ gaˇ ma toeˬ mehˬ-eu sahˬ boꞈ boꞈ myahˬ taˬ-euˬ mehˬ shi yawꞈ-awˇ, gaˇ ma aˬ geu kahˇ iˇ paˬ nga lehˇ, kaˆ myaˬ joˆ poˆ haw, aˬ yawꞈ-euˬ tahˬ pahˬ aˬ ma mawˇ kawˇ deuˬ-ahˇ naˇ haˬ haw, lawˇ-eu gʼaˇ duˬ sehꞈ-euˬ jeˬ zaˬ-euˬ shaˬ tsahˬ-ahˇ haw, lehˇ jahˇ luꞈ meh.

Bawˇtsahˬ 10:30

Hawˇbaˆ ehˇ-eu, “Nawˬ nehˬ-ehˇ ngaˇ maˬ laˇ. Ngaˬ-euˬ miˇ kʼahˬ-ahˇ ngaˬ-euˬ tsawˇ haˬ jawˇ gaˇ ngaˇ gʼoꞈ-iˇ ma.”

Bawˇtsahˬ 33:4

Kʼoeˇ ngeh, Iˇjiˇtuˆ tsawˇ haˬ deuˬ-aˬ, Sahˬpaˬ Miˬyehˇ neh sehꞈ-euˬ aˬ yawꞈ maꞈ-euˬ aˬ li aˬ yuiꞈ deuˬ-ahˇ baꞈ pahˬ luꞈ-eu meh. Sahˬpaˬ Miˬyehˇ kʼoeˇ loꞈ-ehˇ jahˇ-awˇ, Iˇjiˇtuˆ miˬyehˇ deuˬ naˆ maˬ tseˇ aˬ yawꞈ baoˬ huiˬ dzehˬ-eu gaˇ kawˆ bi siˬ bi mawˇ-euˬ meh.

Yawˇshuˆ 24:2

Iˇsaˬleˬlaˆ tsawˇ haˬ dawˬ tawˆ luꞈ-ahˇ Yawˇshuˆ ehˇ nehˬ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Aˇ hu ba naw maꞈ-euˬ aˬ poeˬ aˬ bawˇ deuˬ Uˇpaˬlaˇ lawˇ baˬ nui baˬ paw jawˇ-awˇ, miˬ yehˇ nui deuˬ-ahˇ uˬ duˬ tahˬ-euˬ meh. Aˬ poeˬ aˬ bawˇ kʼoeˇ deuˬ laꞈ kʼoeˇ, Aˬbyaˬhaˬ hawˇ-eu Naˬkawˬ aˬ nyaꞈ nmˇ-euˬ aˬ da kʼawꞈ ahˇ-eu meh.

Yaˇ kʼaˬ daˇ 18:17

Piˇ ma kʼoeˇ gʼaˬ guiˇ deuˆ-eu keu ka baꞈ luꞈ-eu yehˇ kʼoeˇ deuˬ nehˬ-ehˇ kmˇ cehˇ gʼoˆ kʼehˬ-ahˇ yawꞈ luꞈ ngeh, kʼoeˬ sho haw-iˇ-euˬ tsawˇ haˬ kʼoeˇ ngaˬ gʼaˬ tiˬ poˆ tehꞈ-ehˇ nymˇ laꞈ kʼoeˇ uˇ-iˇ-awˇ, daˇ kawˬ-ahˇ pyuˇ yaw taˬ-euˬ tahˬ pahˬ aˬ ma mawˇ kawˇ kʼoeˇ hmˬ maˬ ehˇ, tahˬ pahˬ aˬ ma mawˇ kawˇ nui deuˬ maˬ ehˇ, piˇ ma dm-eu pehˇ kʼahˬ maˬ ehˇ, yuˇ-euˬ meh.

Yaˇ kʼaˬ daˇ 18:24

Miˇkaˬ ehˇ-eu, “Aˬ jeˬ gʼeh-eu guˇ te lehˇ naw maꞈ ngaˬ-ahˇ paˇ naˇ haˬ te loˇ. Ngaˬ-euˬ piˇ ma hawˇ-eu ngaˬ neh jahˇ taˬ-eu miˬ yehˇ deuˬ-ahˇ naw maꞈ yuˇ-awˇ cehˆ-euˬ maˬ ngeuˇ te loˇ. Ngaˇ jawˇ gaˇ aˬ jeˬ paˇ jaˆ yaꞈ taˬ.”

Yaˇ kʼaˬ daˇ 6:31

Ehˇ kʼawꞈ, aˬ yawꞈ-ahˇ kʼaˇ ngehˬ cawˬ laˇ-eu tsawˇ haˬ deuˬ-ahˇ Yawˇshaˆ ehˇ nehˬ-eu, “Naw maꞈ Baˬlaˇ miˬ yehˇ paw pyawˬ te loˇ. Aˬ yawꞈ-ahˇ ka kʼoꞈ-eu gʼeh te loˇ. Aˬ yawꞈ jawˇ paw pyawˬ-eu tsawˇ haˬ aˬ geu gʼaˬ maˬ kaˬ, uˬ shawˬ maˬ buˬ-iˇ mi naˆ-ehˇ ya shiˇ tehꞈ-a. Baˬlaˇ-aˬ, miˬ yehˇ pyeuꞈ-eu ngeuˇ naˇ, aˬ yawꞈ-euˬ lawˇ duˬ bi deh pyaˆ gaˇ keuˆ-eu-aˬ, aˬ yawˆ yawꞈ ka kʼoꞈ tehꞈ-a.”