Aˇ dahˬ 31:27 - Akha

²⁷ Aˬ jeˬ miˇ neh, ngaˬ-ahˇ tiˬ pawꞈ-iˬ maˬ bi siˬ ni tsawˇ gahˇ gahˇ dzeuˇ-awˇ cehˆ kʼoeˬ kʼoeˬ te. Nawˇ ngaˬ-ahˇ yaw muiˬ paˬ-ehˇ ehˇ gaˬ law nmˇ-aˬ, tahˬ hawˇ-eu deuˇ-mˬ diˬ-awˇ gaˇ nyeh nyeh-eu laꞈ kʼoeˇ, gaˇ pehˇ sheuˬ keuˆ ha laˇ-eu ma tawˇ.

Aˇ dahˬ 31:27 ပူးပေါင်းရင်းမြစ်များ

Aˇ dahˬ 31:26

Yaˬkoˆ-ahˇ Laˬbaˬ ehˇ nehˬ-eu, “Aˬ jeˬ miˇ neh nawˇ ngaˬ-ahˇ tsawˇ gahˇ gahˇ-awˇ, ngaˬ buˇ deuˬ-ahˇ guiˇ deuˆ gaˇ nyehꞈ mi-euˬ zaˬ mi zaˬ deuˬ loꞈ-ehˇ, aˬ joˆ-ehˇ toˆ-ehˇ sheuˬ-awˇ cehˆ te.

Aˇ dahˬ 31:31

Yaˬkoˆ ehˇ-eu, “Nawˬ buˇ deuˬ-ahˇ nawˇ paˇ sheuˬ kʼoꞈ jiˇ-eu baw le lehˇ ngaˇ noeˬ guˆ-eu miˇ neh cehˆ-euˬ ma.

Aˇ dahˬ 4:21

Yuˇbaˬlaˇ lehˇ myahˇ-euˬ aˬ yawꞈ-euˬ aˬ nyiˇ gʼaˬ-aˬ, bawˬ law baw, deuˇ-mˬ diˬ, laꞈ jeˬ tsawˬ, gaˇ nyeh nyeh-eu heu deuˬ kʼaˇ mˇ nya-eu tsawˇ haˬ dawˬ tawˆ luꞈ-euˬ aˬ da yaw dzahˇ gʼaˬ pyeuꞈ-eu meh.

Doˆ-iˇ 15:20

Miˬyehˇ gʼaˇ duˬ ngehˬ dah-eu tsawˇ haˬ pyeuꞈ-eu Aˬloˬ-euˬ dmˇ ma Miˇliˬyaˬ bawˬ tsahˬ baꞈ-awˇ doˆ le ngeh, zaˬ miˬ zaˬ dawˬ tawˆ luꞈ bawˬ tsahˬ baꞈ-awˇ, aˬ yawꞈ nehˬ-ehˇ gaˇ nyeh nyeh-euˬ meh.

Iˇsaˬyaˇ 5:12

Aˬ yawꞈ maꞈ dzaˬ byawˬ dawˇ byawˬ byawˬ gaˇ, deuˇ-mˬ, bawˬ law, cehˇ lehˇ hawˇ-eu jiˇ baˬ jaˆ kʼawꞈ, Sahˬpaˬ Miˬyehˇ neh mˇ-euˬ gaˇ-ahˇ maˬ shaˇ sawˇ-ehˇ, aˬ yawꞈ-euˬ kuiˇ zaˇ laꞈ zaˇ maˬ siˬ nya-a.

Yaˇ kʼaˬ daˇ 6:27

Kʼoeˇ ngeh, Giˇdoˬ-aˬ, aˬ yawꞈ-euˬ zaˬ kʼaˆ tseˇ gʼaˬ sheuˬ-awˇ, Sahˬpaˬ Miˬyehˇ neh aˬ yawꞈ-ahˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ pehˬ-euˬ nymˇ jiˇ hawˇ-eu, meuˬ kʼoeˇ meuˬ laꞈ kʼoeˇ jawˇ-eu tsawˇ haˬ deuˬ-ahˇ aˬ yawꞈ guˆ-eu miˇ neh, nah gʼahˇ paw maˬ mˇ peuˬ-ehˇ, uˬ ciꞈ paw mˇ-euˬ meh.