Aˇ dahˬ 31:21 - Akha

²¹ Aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ-awˇ, yaw kawˇ-ehˇ doˆ-iˇ-euˬ meh. Uˇpaˬlaˇ lawˇ baˬ tsehˆ doˆ-awˇ, Giˇlaˆ gawˬ jawˬ paw daˆ leˇ-euˬ meh.

Aˇ dahˬ 31:21 ပူးပေါင်းရင်းမြစ်များ

Aˇ dahˬ 15:18

Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.

Aˇ dahˬ 2:14

Lawˇ baˬ smˬ gawˆ tiˬ gawˆ-aˬ, Aˬshuˇliˆ miˇ kʼahˬ nahˇ ma doˆ kʼehˬ paw yoeˇ ka gʼeh-euˬ Tiˇgaˬliˇ lawˇ baˬ pyeuꞈ-awˇ, lawˇ baˬ oeˬ gawˆ tiˬ gawˆ-aˬ, Uˇpaˬlaˇ lawˇ baˬ pyeuꞈ-eu meh.

Aˇ dahˬ 31:20

Yaˬkoˆ-aˬ, aˬ yawꞈ gʼoꞈ-iˇ-eu lehˇ gʼeh-eu gaˇ kawˆ Laˬbaˬ-ahˇ maˬ bi siˬ ni, tsawˇ gahˇ gahˇ dzeuˇ-awˇ cehˆ-euˬ meh.

Aˇ dahˬ 31:22

Smˬ nah byah laˇ ngeh hawˇ-eu, Yaˬkoˆ cehˆ gʼoꞈ-euˬ gaˇ kawˆ Laˬbaˬ ya siˬ-euˬ meh.

Aˇ dahˬ 31:23

Kʼoeˇ ngeh, aˬ yawꞈ-euˬ tsawˇ haˬ deuˬ sheuˬ-awˇ, Yaˬkoˆ-euˬ mehˬ nah teh-euˬ meh. Shiꞈ nah teh keuˆ laꞈ ngeh, Giˇlaˆ gawˬ jawˬ kʼoeˇ taˆ, Yaˬkoˆ-ahˇ aˬ yawꞈ teh miˇ leˇ-euˬ meh.

Aˇ dahˬ 37:25

Aˬ yawꞈ maꞈ kʼoeˇ loꞈ-ehˇ jahˇ gʼaˬ-awˇ hawˬ dzaˬ luꞈ ngeh, Iˇshaˬmeˬlaˇ tsawˇ haˬ tiˬ muˇ, Giˇlaˆ miˇ kʼahˬ paw neh oe-awˇ, Iˇjiˇtuˆ miˇ kʼahˬ-ahˇ iˇ luꞈ gaˇ aˬ yawꞈ maꞈ ya mawˇ-euˬ meh. Tsawˇ haˬ kʼoeˇ deuˬ-aˬ, tsiˇ yaw saw jeˬ hawˇ-eu aˇ poeˬ kʼaˆ-eu dzaˇ muiˇ dzaˇ sawˇ tawˬ luꞈ-eu law taw deuˬ teh luꞈ-eu meh.

Aˇ dahˬ 46:28

Yaˬkoˆ-aˬ, Yuˇdaˆ-ahˇ mehˬ hu paw pyehˬ gʼeh-awˇ, Goˬsheˬ lehˇ kuˇ-eu jawˇ duˬ-ahˇ aˬ yawꞈ maꞈ-ahˇ tahˬ puˬ laˇ-eu gʼaˇ duˬ, Yoˇsehˆ-ahˇ bi tsaꞈ gaˬ-iˇ-euˬ meh.

2 Saˬmeuˬlaˆ 24:6

Kʼoeˇ naˇ, Heˬtaˆ miˇ kʼahˬ-ahˇ jaˆ-eu Giˇlaˆ meuˬ hawˇ-eu Kaˬdeˬshaˇ meuˬ-ahˇ le-euˬ meh. Kʼoeˇ gaˇ neh naˇ, Daˬ meuˬ-ahˇ iˇ-awˇ, Daˬ meuˬ-ahˇ neh Siˇdoˬ meuˬ-ahˇ iˇ gʼeh-euˬ meh.

1 Sahˬpaˬ 17:1

Giˇlaˆ miˇ kʼahˬ Tiˇshaˬbeˬ meuˬ-ahˇ jawˇ-eu Eˇliˇyaˆ lehˇ myahˇ-euˬ Miˬyehˇ gʼaˇ duˬ ngehˬ dah-eu gʼaˬ neh, sahˬ paˬ Aˬhaˆ-ahˇ heu loꞈ-ehˇ ehˇ nehˬ-euˬ meh. “Ngaˇ dawˬ maˬ ngehˬ maˬ tmˇ kʼoeˇ keuˆ ni, smˇ kʼoꞈ byah ni ceuˬ maˬ ga le, uˬ yehˇ maˬ yehˇ le ni jaˆ tehꞈ-a lehˇ, ngaˇ uˬ duˬ tahˬ luꞈ-eu Iˇsaˬleˬlaˆ-euˬ Dehꞈ luꞈ-eu Miˬyehˇ pyeuꞈ-eu Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ ngaˇ ehˇ-eu ma.”

2 Sahˬpaˬ 12:17

Aˇ yamˬ kʼoeˇ yamˬ laꞈ kʼoeˇ, Suˇliˆ sahˬ paˬ Haˬzeˬlaˇ neh Gaˬdaˇ meuˬ-ahˇ deuˆ gʼaˬ-awˇ, Yeˬluˇsaˬlehˬ meuˬ-ahˇ guiˇ deuˆ le-eu lehˇ noeˬ tsehˆ taˬ-euˬ meh.

Yeˬlaˬmiˇ 50:5

Aˬ yawꞈ maꞈ Ziˇoˬ meuˬ-ahˇ le-eu gaˇ ma naˇ haˬ naˇ haˬ-ehˇ laˇ tehꞈ-a. Mˬ maˬ maˬ byaˆ zaˇ ziˇ ziꞈ-eu saˇ jaˇ ngaˬ nehˬ-ehˇ aˬ yawꞈ maꞈ dzaˬ-awˇ, tiˬ jawˇ-iˬ maˬ paˇ puiˬ ni dehꞈ tehꞈ-a.

Bawˇtsahˬ 24:1

Nymˬ-mˇ poˆ jawˇ-aˬ, Sahˬpaˬ Miˬyehˇ aˬ yawꞈ-ahˇ Iˇsaˬleˬlaˆ tsawˇ haˬ deuˬ kʼoeˇ taˆ dawˬ bi ngehˬ gʼeh mawꞈ-eu Baˬlamˬ siˬ duˬ-euˬ miˇ neh, yaw beh loꞈ-ehˇ ja maw maw maw-ehˇ maˬ jawˇ ni, bawˇ tsahˬ bawˇ dahˇ paw haw ka gʼeh-euˬ meh.

Bawˇtsahˬ 32:1

Luˇbeˬ tsawˇ jeuˬ hawˇ-eu Gaˆ tsawˇ jeuˬ jeˬ zaˬ myaˬ dui dui-awˇ, Yaˬzeuˬ meuˬ hawˇ-eu Giˇlaˆ meuˬ-aˬ, jeˬ zaˬ jawˇ duˬ muiˬ dui dui gaˇ aˬ yawꞈ maꞈ ya mawˇ-euˬ meh.

Dawˬmehˬ 3:12

“Miˇ kʼahˬ kʼoeˇ kʼahˬ aˬ dui za gʼaˬ ngeh, Aˬyawˬ meuˬ-euˬ laꞈ taˆ paw pyawˬ-ahˇ Aˬnoˬ lawˇ baˬ dawˬ peh jaˆ-eu gahˬ kaˬ hawˇ-eu, Giˇlaˆ gawˬ jawˬ gawˬ duˇ gahˬ kaˬ hawˇ-eu kʼoeˇ gaˇ jaˆ-eu meuˬ deuˬ ahˇ leˇ-ehˇ, Luˇbeˬ tsawˇ jeuˬ hawˇ-eu Gaˆ tsawˇ jeuˬ-ahˇ ngaˇ biꞈ-euˬ ma.

Yaˇ kʼaˬ daˇ 10:18

Kʼoeˇ gaˇ, Iˇsaˬleˬlaˆ tsawˇ haˬ aˬ yuiꞈ aˬ tsu deuˬ tiˬ gʼaˬ tiˇ gʼaˬ ehˇ-eu, “Aˬmoˬ tsawˇ haˬ deuˬ-ahˇ guiˇ deuˆ-eu gʼaˇ duˬ aˬ suˇ gʼaˬ aˬ yuiꞈ geuꞈ-awˇ sheuˬ gʼeh nmˇ. Kʼaˇ sheuˬ gʼeh-eu gʼaˬ-aˬ, Giˇlaˆ miˇ kʼahˬ laꞈ kʼoeˇ kʼaˇ jawˇ-eu tsawˇ haˬ yawˬ gʼaˬ na luꞈ kʼoeˇ taˆ aˬ yuiꞈ aˬ tsu ya geuꞈ tehꞈ-a.”