Aˇ dahˬ 31:12 - Akha

¹² Aˬ yawꞈ ehˇ-eu, Haw sheˇ. Zaˬ shaˇ luꞈ-eu jeˬ zaˬ aˬ buˬ deuˬ dawˬ tawˆ luꞈ, yaw byaꞈ byaꞈ-ehˇ gʼeh-eu deuˬ hawˇ-eu, yaw kawˆ kawˆ-ehˇ byaꞈ-eu deuˬ tehꞈ maˬ ngeuˇ nga loˇ. Laˬbaˬ neh nawˬ-ahˇ kʼaˇ jahˇ nehˬ-euˬ dawˬ tawˆ luꞈ ngaˇ siˬ nya-eu miˇ neh, nawˬ-ahˇ muiˬ leˇ ni ngaˇ heu loꞈ-ehˇ jahˇ nehˬ laꞈ-eu ma.

Aˇ dahˬ 31:12 ပူးပေါင်းရင်းမြစ်များ

Aˇ dahˬ 31:10

“Jeˬ zaˬ deuˬ zaˬ shaˇ-eu aˇ yamˬ keuˆ laˇ ngeh, yaw byaꞈ byaꞈ-ehˇ gʼeh-eu jeˬ zaˬ aˬ buˬ deuˬ hawˇ-eu, yaw kawˆ kawˆ-ehˇ byaꞈ-eu jeˬ zaˬ aˬ buˬ deuˬ zaˬ shaˇ luꞈ gaˇ ngaˇ yuꞈ maˆ maˆ mawˇ-euˬ ma.

Aˇ dahˬ 31:42

Nymˬ-mˇ kʼawꞈ ni, ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ-euˬ Miˬyehˇ ngaˬ nehˬ-ehˇ maˬ jawˇ law nmˇ-aˬ, nawˇ ngaˬ-ahˇ tiˬ jeˬ-iˬ maˬ bi yuˇ ni, yawꞈ ngehꞈ-ehˇ bi gʼoꞈ-iˇ laꞈ-eu yaw duˬ baw tehꞈ-a. Ehˇ kʼawꞈ, ngaˬ neh mˇ-euˬ gaˇ hawˇ-eu, ngaˇ ya daˬ-eu shaˬ zahˬ-ahˇ Miˬyehˇ mawˇ-euˬ miˇ neh, miˇ ciꞈ nawˬ-ahˇ laˆ tsoeˬ-euˬ meh.”

Jaceuq 10:14

Ehˇkʼawꞈkʼehˬ-eu kʼaˆ-eu jeˬ-ahˇ, nawˇsiˬluꞈmawˇluꞈ-eu laꞈkʼoeˇ, aˬmyah luꞈ caw ba nehˬ-eu meh. Nawˬ-ahˇuˬduˬtahˬshaˇlaˇngeh, maˬbyehˇdzeh ni caw ba-euˬmeh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 139:3

Ngaˇ gaˇ mˇ-eu maˬ ehˇ, gʼaˬ naˬ naˬ-euˬ maˬ ehˇ, nawˇ mawˇ luꞈ-eu meh. Ngaˇ kʼaˇ luˆ kʼaˇ laˆ-eu jeˬ dawˬ tawˆ luꞈ, nawˇ siˬ nya jiˇ-eu meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Doˆ-iˇ 3:9

Ngaˬ-euˬ tsawˇ haˬ deuˬ ngoeˇ luꞈ-eu teˇ saˇ-ahˇ, ngaˇ aˬ diˇ aˬ maˇ ya gaˬ gʼaˬ-awˇ, Iˇjiˇtuˆ tsawˇ haˬ deuˬ aˬ yawꞈ maꞈ-ahˇ aˬ joˆ-ehˇ kʼehˬ luꞈ-eu ngaˇ mawˇ duˬ gʼaˬ-euˬ ma.

Dawˬ tsoˆ 5:8

Iˇ shaˬ zaˬ deuˬ-ahˇ sahˬ paˬ sahˬ ma deuˬ kʼehˬ-awˇ kʼaˆ-awˇ nawˬ dzaˬ kʼaˆ dzaˬ gaˇ ya mawˇ ngeh, taˬ zahˬ leˇ. Sahˬ paˬ sahˬ ma aˬ geu gʼaˬ maˬ kaˬ, aˬ yawꞈ taꞈ-ehˇ huiˬ dzehˬ-eu gʼaˬ jawˇ-awˇ, tiˬ gʼaˬ kʼoeˇ taˆ tiˬ gʼaˬ huiˬ daˆ leꞈ-eu meh.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Gʼaˬkʼehˇ 7:34

Ngaˬ-euˬ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ luꞈ gaˇ ngaˇ mawˇ-euˬ ma. Aˬ yawꞈ maꞈ shaˬ zahˬ naꞈ dui dui-eu laꞈ kʼoeˇ mahˇ luꞈ-eu teˇ saˇ-ahˇ ngaˇ gaˬ-awˇ, aˬ yawꞈ maꞈ-ahˇ bi buˬ bi law-iˇ-eu lehˇ ngaˇ zaꞈ ka le-euˬ ma. Laˇ-awˬ. Ngaˇ nawˬ-ahˇ Iˇjiˇtuˆ miˇ kʼahˬ-ahˇ kʼehˇ gʼeh-eu ma.’

Eˇpeˇsu 6:9

Baw leˬ deuˬ-oˇ, kʼoeˇ loꞈ-ehˇ duˇ ni, naw maꞈ kʼawꞈ zaˬ kʼaˆ deuˬ gʼaˇ duˬ shaˇ noeˬ nehˬ-awˬ. Aˬ yawꞈ maꞈ-ahˇ guˆ tsiˬ taˬ nyehꞈ. Naw maꞈ maˬ ehˇ, naw maꞈ-euˬ zaˬ kʼaˆ deuˬ maˬ ehˇ, dawˬ tawˆ luꞈ tiˬ kawˆ loꞈ-ehˇ mˬ kʼoeˇ taˆ jawˇ-eu Baw leˬ kʼoeˇ gʼaˬ-euˬ zaˬ kʼaˆ pyeuꞈ-eu ma lehˇ siˬ nya-awˬ. Aˬ yawꞈ-aˬ, yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ-ehˇ tiˬ kawˆ di ni yaˇ kʼaˬ daˇ-eu meh.

Dawˬmehˬ 24:15

Aˬ yawꞈ nah yawꞈ nahˇ ma maˬ ga ahˇ mi naˆ-ehˇ, tiˬ nah mˇ-euˬ gʼaˬ gaˇ poeˬ ya biꞈ meh. Gʼaˬ gaˇ poeˬ kʼoeˇ aˬ yawꞈ loˬ dui dui-awˇ, kʼoeˇ za ni aˬ yawꞈ leh jeh-euˬ meh. Gʼaˬ gaˇ poeˬ maˬ biꞈ nehˬ-eu miˇ neh, Sahˬpaˬ Miˬyehˇ-ahˇ aˬ yawꞈ ngoeˇ gaˬ nehˬ naˇ, nawˬ-euˬ kʼoeˇ taˆ iˬ baˇ jaˆ-eu meh.