Aˇ dahˬ 30:29 - Akha

²⁹ Yaˬkoˆ ehˇ-eu, “Nawˬ-euˬ gʼaˇ duˬ ngaˇ gaˇ aˇ naˆ ni mˇ-euˬ gaˇ kawˆ maˬ ehˇ, ngaˬ-euˬ aˬ laꞈ laꞈ kʼoeˇ nawˬ-euˬ yawˇ aˇ myaˆ ni myaˬ laˇ behˇ laˇ-euˬ gaˇ kawˆ maˬ ehˇ, nawˇ siˬ nya luꞈ meh.

Aˇ dahˬ 30:29 ပူးပေါင်းရင်းမြစ်များ

Aˇ dahˬ 30:30

Ngaˇ maˬ laˇ keuˆ mi naˆ-ehˇ nawˬ-euˬ jeˬ zaˬ ui cuiˆ tehꞈ-ehˇ jawˇ-euˬ kʼawꞈ, nymˬ-mˇ myaˬ dui dui laˇ taˬ-euˬ meh. Ngaˇ kʼaˇ iˇ kʼaˇ laˇ, kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-eu meh. Nymˬ-mˇ poˆ jawˇ-aˬ, ngaˇ kʼawꞈ nymˇ dahˬ dahˬ doˆ-iˇ-awˇ, yawˬ ha-euˬ miˬ sawˇ zaˬ deuˬ-ahˇ mˇ cu-eu aˇ yamˬ tsaˬ laˇ-euˬ meh.”

Aˇ dahˬ 30:5

Biˇlaˬhaˇ aˬ nyiˇ pi leˇ-awˇ, Yaˬkoˆ gʼaˇ duˬ aˬ li tiˬ li ciˬ-euˬ meh.

Aˇ dahˬ 31:6

Naw nyaꞈ-euˬ aˬ da gʼaˇ duˬ, ngaˇ aˇ naˆ ni leh jeh-awˇ gaˇ mˇ-euˬ naw nyaꞈ nyiˬ gʼaˬ luꞈ siˬ nya meh.

Maꞈtehˬ 24:45

“Saˇ jaˇ ziꞈ-awˇ noeˬ dahˇ doe-eu zaˬ kʼaˆ aˬ geu gʼaˬ-a. Aˬ yawꞈ-aˬ, zaˬ kʼaˆ nui deuˬ-ahˇ aˇ yamˬ tsaˬ tsaˬ ni bi dzaˬ bi dawˇ-awˇ bi haw bi pyaˆ-eu gʼaˇ duˬ, baw leˬ neh kʼehˇ taˬ-euˬ zaˬ kʼaˆ kʼoeˇ gʼaˬ meh.

1 Beˬtuˆluˆ 2:15

Aˬ jeˬ miˇ neh ehˇ naˇ, naw maꞈ neh mˇ-euˬ yaw muiˬ jeˬ baˬ da neh, aˬ dzawˬ aˇ gah deuˬ maˬ siˬ nya-ehˇ ngehˬ luꞈ-eu gaˇ dahˇ maˬ tsoeˬ-eu dawˬ deuˬ ciˬ cuˇ ni bi pyeuꞈ-iˇ-eu gʼaˇ duˬ, Miˬyehˇ mawꞈ-eu meh.

1 Beˬtuˆluˆ 2:18

Zaˬ kʼaˆ deuˬ-oˇ, yawˬ ha-euˬ baw leˬ ehˇ dawˬ naˇ haˬ-awˇ yaw zeu baw nehˬ-awˬ. Gʼawˬ shaˬ gaˬ-eu siˬ nya-awˇ naw maꞈ shaˇ noeˬ nehˬ laꞈ nya-eu baw leˬ deuˬ-ahˇ tehꞈ-ehˇ maˬ ngeuˇ ni, gʼawˬ shaˬ gaˬ-eu maˬ siˬ nya-eu baw leˬ deuˬ-ahˇ kʼawꞈ yaw zeu baw-awˬ.