Aˇ dahˬ 30:27 - Akha

²⁷ Laˬbaˬ ehˇ-eu, “Ngaˇ heu loꞈ-ehˇ ehˇ mawꞈ-eu ma. Nawˇ baˬ da neh Sahˬpaˬ Miˬyehˇ ngaˬ-ahˇ guiˬ lahˬ biꞈ laꞈ-euˬ gaˇ kawˆ-ahˇ, ngaˇ ja maw maw haw-awˇ ya siˬ-euˬ ma.

Aˇ dahˬ 30:27 ပူးပေါင်းရင်းမြစ်များ

Aˇ dahˬ 12:3

Nawˬ-ahˇ guiˬ lahˬ biꞈ-eu tsawˇ haˬ-ahˇ ngaˇ guiˬ lahˬ biꞈ-awˇ, nawˬ-ahˇ yaˬ kʼehˇ yaˬ-eu tsawˇ haˬ-ahˇ ngaˇ yaˬ kʼehˇ yaˬ ma. Nawˬ-ahˇ gʼoe-awˇ tsawˇ jeuˬ dawˬ tawˆ luꞈ-ahˇ, ngaˇ guiˬ lahˬ biꞈ ma.”

Aˇ dahˬ 18:3

“Yaw huiˬ yaw mahˇ deuˬ-oˇ, ngaˬ-euˬ nymˇ-ahˇ maˬ naˬ ni taˬ iˇ dzeuˇ nehˬ laꞈ. Ngaˇ naw maꞈ-ahˇ yaw muiˬ paˬ-ehˇ lehˬ hmˬ-awˇ ha-eu ma.

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 30:30

Ngaˇ maˬ laˇ keuˆ mi naˆ-ehˇ nawˬ-euˬ jeˬ zaˬ ui cuiˆ tehꞈ-ehˇ jawˇ-euˬ kʼawꞈ, nymˬ-mˇ myaˬ dui dui laˇ taˬ-euˬ meh. Ngaˇ kʼaˇ iˇ kʼaˇ laˇ, kʼaˇ mˇ kʼaˇ shaˇ-eu jeˬ laꞈ kʼoeˇ, Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-eu meh. Nymˬ-mˇ poˆ jawˇ-aˬ, ngaˇ kʼawꞈ nymˇ dahˬ dahˬ doˆ-iˇ-awˇ, yawˬ ha-euˬ miˬ sawˇ zaˬ deuˬ-ahˇ mˇ cu-eu aˇ yamˬ tsaˬ laˇ-euˬ meh.”

Aˇ dahˬ 33:15

Iˇsawˇ ehˇ-eu, “Ngaˬ-euˬ tsawˇ haˬ tiˬ deuˬ nawˬ nehˬ-ehˇ bi jawˇ yaꞈ nya ma.” Yaˬkoˆ ehˇ-eu, “Nawˇ ngaˬ-ahˇ ha geuꞈ nehˬ laꞈ-eu tehꞈ-ehˇ kʼawꞈ aˇ dzehˬ dzeuˇ miˇ-a. Nawˬ-euˬ tsawˇ haˬ bi jawˇ yaꞈ-eu maˬ paˇ loˬ-eu duˇ.”

Aˇ dahˬ 34:11

Diˇnaˆ-euˬ aˬ da hawˇ-eu aˬ mahˇ aˬ da deuˬ-ahˇ Sheˬkmˬ ehˇ nehˬ-eu, “Ngaˇ ehˇ-eu loꞈ-ehˇ, naw pehˬ-euˬ zaˬ miˬ ngaˬ-ahˇ bi mˇ dzaˬ laˇ-awˬ. Naw maꞈ kʼaˇ geuꞈ mawꞈ-eu jeˬ ngaˇ biꞈ ma.

Aˇ dahˬ 44:5

Aˬ jeˬ miˇ neh naw maꞈ ngaˬ-euˬ sahˬ paˬ-euˬ pyuˇ kʼmˬ maˬ kʼoeˬ teˬ. Kʼmˬ maˬ heu kʼmˬ-aˬ, ngaˬ-euˬ sahˬ paˬ dawˇ-eu kʼmˬ maˬ pyeuꞈ-awˇ, ja maw maw ngeh kʼawꞈ, kʼmˬ maˬ heu kʼmˬ tehꞈ-ehˇ aˬ yawꞈ zmˬ-eu meh. Tiˬ pawꞈ-iˬ maˬ mˇ kʼmˬ-eu bahˬ dui dui-eu jeˬ-ahˇ naw maꞈ mˇ-euˬ nga’ lehˇ ehˇ nehˬ-awˬ.”

Aˇ dahˬ 47:25

Kʼoeˇ ngeh, miˇ kʼahˬ zaˬ deuˬ ehˇ-eu, “Nga maꞈ maˬ ya shiˇ jiˇ ni, nawˇ nga maꞈ-ahˇ ka kʼoꞈ nehˬ laꞈ-euˬ meh. Yaw huiˬ yaw mahˇ gʼaˬ-oˇ, nawˇ nga maꞈ-ahˇ gʼawˬ shaˬ gaˬ dui dui-awˇ, nga maꞈ-euˬ gʼaˇ duˬ muiˬ dui dui-eu jeˬ mˇ nehˬ laꞈ-euˬ meh. Nga maꞈ sahˬ paˬ-euˬ zaˬ kʼaˆ geuꞈ ma.”

2 Saˬmeuˬlaˆ 6:11

Dawˬ ma saˇ jaˇ Bahˬ keuˆ kʼoeˇ, kʼoeˇ gaˇ ba la smˇ siˬ byah ni jaˆ-awˇ, AwˇbehˆEˬdoˬ hawˇ-eu aˬ yawꞈ-euˬ nymˇ jiˇ-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ meh.

1 Sahˬpaˬ 11:19

Sahˬ paˬ kʼoeˇ gʼaˬ Haˬdaˇ-ahˇ gʼoeˇ dui dui-awˇ, aˬ yawꞈ-euˬ miˬ zaˬ sahˬ paˬ ma Taˬpaˬneˬ-euˬ aˬ nyiˇ pyeuꞈ-eu aˬ yawꞈ-euˬ ciˇ ma-ahˇ, Haˬdaˇ-ahˇ bi mˇ dzaˬ-iˇ-euˬ meh.

Neˬhaˬmiˇ 1:11

Ngaˬ-euˬ shaˇ dawˬ hawˇ-eu, nawˬ-ahˇ yaw zeu baw-eu nawˬ-euˬ zaˬ kʼaˆ deuˬ-euˬ shaˇ dawˬ-ahˇ naˇ haˬ nehˬ laꞈ-awˬ. Ngaˇ mˇ-eu gaˇ pyeuꞈ leˇ-eu gʼaˇ duˬ sahˬ paˬ ngaˬ-ahˇ nui ma tsaˬ ni iˬ nah nawˇ caw ba nehˬ laꞈ-awˬ lehˇ ngaˇ guiˬ lahˬ shaˇ-euˬ ma.” Ngaˇ-aˬ, sahˬ paˬ-ahˇ kʼmˬ maˬ ciˬ miˇ nehˬ-eu gʼaˬ pyeuꞈ-eu ma.

Neˬhaˬmiˇ 2:5

sahˬ paˬ-ahˇ heu loꞈ-ehˇ ehˇ nehˬ-euˬ ma. “Sahˬ paˬ-oˇ, nawˇ ngaˬ-ahˇ nui ma tsaˬ-awˇ ngaˬ neh shaˇ-euˬ jeˬ biꞈ laꞈ ma lehˇ ngeuˇ naˇ, ngaˬ-euˬ aˬ poeˬ aˬ bawˇ deuˬ-euˬ lmˬ bymˇ jaˆ-eu Yuˇdaˆ miˇ kʼahˬ meuˬ kʼoeˇ meuˬ-ahˇ ngaˬ-ahˇ bi gʼoꞈ leˇ laꞈ-awˇ, meuˬ kʼoeˇ meuˬ bi tsoˆ muiˬ leˇ nehˬ laꞈ.”

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

Doˆ-iˇ 3:21

“Ngaˬ-euˬ tsawˇ haˬ deuˬ ya doˆ-iˇ-eu gʼaˇ duˬ, Iˇjiˇtuˆ tsawˇ haˬ deuˬ naw maꞈ-ahˇ yaw zeu baw laˇ ni ngaˇ jahˇ nehˬ ma.

Iˇsaˬyaˇ 6:13

Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)

Iˇsaˬyaˇ 61:9

Miˇ kʼahˬ tsawˇ jeuˬ kʼoeˇ taˆ aˬ yawꞈ maꞈ-euˬ tsawˇ myahˇ doˆ-awˇ, aˬ yawꞈ maꞈ ngaˬ neh guiˬ lahˬ biꞈ nehˬ-euˬ tsawˇ jeuˬ pyeuꞈ-eu gaˇ kawˆ, aˬ yawꞈ maꞈ-ahˇ kʼaˇ mawˇ-eu deuˬ siˬ nya tehꞈ-a.”

Iˇsaˬyaˇ 65:8

Sahˬpaˬ Miˬyehˇ heu loꞈ-ehˇ ehˇ-eu meh. “Aˬ gaꞈ aˇ siˬ yaw muiˬ maˬ laˆ cawˆ ni, aˬ gaꞈ dzaˇ uiˇ jahˇ gaˇ geuꞈ-eu loꞈ-ehˇ, Ngaˬ-euˬ tsawˇ haˬ dawˬ tawˆ luꞈ-ahˇ maˬ laˆ cawˆ ni, ngaˬ-euˬ nui kʼahˇ mˇ-eu deuˬ-ahˇ ngaˇ ka kʼoꞈ ma.

Daˬyeˬlaˇ 1:9

Aˬshaˇpeˬnaˆ Daˬyeˬlaˇ-ahˇ gʼawˬ shaˬ gaˬ-eu nui ma ahˇ laˇ ni, Miˬyehˇ jahˇ-euˬ meh.

Bawˇtsahˬ 11:11

Sahˬpaˬ Miˬyehˇ-ahˇ aˬ yawꞈ ehˇ nehˬ-eu, “Aˬ jeˬ miˇ neh nawˇ ngaˬ-ahˇ heu naˆ naˆ-ehˇ bi shaˬ nehˬ laꞈ te. Aˬ jeˬ miˇ neh nawˇ ngaˬ-ahˇ nui ma maˬ saˇ te. Aˬ jeˬ miˇ neh tsawˇ haˬ heu deuˬ dawˬ tawˆ luꞈ-ahˇ haw-eu pyaˆ-eu gaˇ heu nawˇ ngaˬ-ahˇ ciˬ pi nehˬ laꞈ te.

Bawˇtsahˬ 11:15

Heu loꞈ-ehˇ tehꞈ-ehˇ ngaˬ-ahˇ bi mˇ te lehˇ ngeuˇ naˇ, ngaˬ-ahˇ gʼawˬ shaˬ gaˬ-eu laꞈ kʼoeˇ nymˬ-mˇ mi naˆ-ehˇ bi shiˇ nehˬ laꞈ-awˬ. Nawˇ kʼehˬ nehˬ kʼaˆnehˬ laꞈ-eu heu-ahˇ ngaˇ maˬ paˇ ya daˬ-aˇ.”

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.

Luˇta 2:13

Luˇta ehˇ-eu, “Nawˇ ngaˬ-ahˇ gʼawˬ shaˬ gaˬ dui dui-eu miˇ neh guiˬ lahˬ huiˬ miˇ-a. Ngaˇ-aˬ, nawˬ-euˬ zaˬ kʼaˆ tiˬ gʼaˬ naˆ maˬ tseˇ nyiˇ teˬ dzehˬ-eu kʼawꞈ, nawˇ ngaˬ-ahˇ gʼawˬ shaˬ gaˬ-eu laꞈ kʼoeˇ, dawˬ nahˬ yu ni ngehˬ cawˬ nehˬ laꞈ-eu miˇ neh, ngaˬ-euˬ nui ma-ahˇ gʼaˬ ahˇ dui dui laˇ nya” lehˇ ehˇ nehˬ-euˬ meh.

1 Saˬmeuˬlaˆ 16:22

“Daˬbiˇ-ahˇ ngaˇ nui kʼahˇ shiˇ dui dui nya. Teu miˇ neh ngaˬ-euˬ gaˇ mˇ-awˇ ngaˬ nehˬ-ehˇ bi jawˇ ma” lehˇ, Yeˬshehˇ-ahˇ bi tsaꞈ gaˬ-iˇ-euˬ meh.