Aˇ dahˬ 30:20 - Akha

²⁰ Kʼoeˇ ngeh, “Miˬyehˇ ngaˬ-ahˇ muiˬ-eu laꞈ sawˬ biꞈ laꞈ-euˬ nga. Nymˬ-mˇ poˆ jawˇ-aˬ, ngaˬ-euˬ kʼaˬ dzeˇ zaˬ ngaˬ-ahˇ ha geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ gʼaˇ duˬ ngaˇ aˬ li koꞈ li bi jawˇ le gʼaˬ-euˬ ma” lehˇ Leˇaˬ ehˇ-awˇ, aˬ li kʼoeˇ li-ahˇ Zeˬbuˬloˬ lehˇ myahˇ nehˬ-euˬ meh.

Aˇ dahˬ 30:20 ပူးပေါင်းရင်းမြစ်များ

Aˇ dahˬ 29:34

Aˬ yawꞈ aˬ nyiˇ tiˬ poˆ paˇ pi leˇ-awˇ, aˬ li tiˬ li paˇ ciˬ-euˬ meh. “Nymˬ-mˇ poˆ jawˇ-aˬ, aˬ yawꞈ gʼaˇ duˬ aˬ li smˬ li ngaˇ ciˬ-euˬ miˇ neh, dzeuˇ laˇ ngeh naˆ maˬ tseˇ, ngaˬ-euˬ kʼaˬ dzeˇ zaˬ ngaˬ-ahˇ nui ma taꞈ tehꞈ-a” lehˇ aˬ yawꞈ ehˇ-awˇ, aˬ li kʼoeˇ li-ahˇ Leˬbiˇ lehˇ myahˇ nehˬ-euˬ meh.

Aˇ dahˬ 30:15

“Ngaˬ-euˬ kʼaˬ dzeˇ zaˬ-ahˇ sheuˬ geuꞈ-euˬ tehꞈ-ehˇ maˬ juˬ ni, ngaˬ li-euˬ zaˬ jawˇ lehˬ oꞈ aˇ siˬ gʼeh paˇ yuˇ-eu gʼeh te loˇ” lehˇ, Leˇaˬ ehˇ-eu meh. “Nawˬ li-euˬ zaˬ jawˇ lehˬ oꞈ aˇ siˬ kʼoeˇ ngaˬ-ahˇ biꞈ laꞈ naˇ, nymˇ ciꞈ nawˬ-ahˇ Yaˬkoˆ nehˬ-ehˇ bi yuꞈ taꞈ ma” lehˇ, Leˇaˬ-ahˇ Laˬkeˬlaˇ paˇ ehˇ nehˬ-euˬ meh.

Aˇ dahˬ 30:19

Kʼoeˇ naˇ, Leˇaˬ aˬ nyiˇ tiˬ poˆ paˇ pi leˇ-awˇ, Yaˬkoˆ gʼaˇ duˬ aˬ li koꞈ li tiˬ li paˇ ciˬ-euˬ meh.

Aˇ dahˬ 30:21

Kʼoeˇ naˇ, aˬ yawꞈ aˬ buˇ tiˬ buˇ paˇ jawˇ le-awˇ, Diˇnaˆ lehˇ myahˇ nehˬ-euˬ meh.

Aˇ dahˬ 34:12

Naw pehˬ-euˬ zaˬ miˬ heu gʼaˬ aˇ poeˬ, aˬ geu jeˬ aˇ myaˆ ni geuꞈ mawꞈ nya lehˇ ehˇ-awˬ. Zaˬ miˬ heu gʼaˬ ngaˬ-ahˇ bi mˇ dzaˬ laˇ naˇ, naw maꞈ kʼaˇ shaˇ-eu myaˆ ni ngaˇ biꞈ ma.”

Aˇ dahˬ 35:23

Yaˬkoˆ-euˬ aˬ li tseˇ nyiꞈ li jawˇ-eu meh. Leˇaˬ o neh jawˇ le-euˬ aˬ li deuˬ-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ aˬ ha mehˇ nmˇ meh.

Aˇ dahˬ 46:14

Zeˬbuˬloˬ hawˇ-eu aˬ yawꞈ-euˬ aˬ li deuˬ pyeuꞈ-eu Seˬyehˆ, Eˇloˬ, Yaˬleˬlaˇ.

Aˇ dahˬ 49:13

Zeˬbuˬloˬ-aˬ, iˬ ma laˆ shaˆ dawˬ peh jawˇ tehꞈ-a. Aˬ yawꞈ-euˬ iˬ ma laˆ shaˆ lawˇ deh-aˬ, saˇ baoˬ naˬ duˬ pyeuꞈ laˇ tehꞈ-a. Aˬ yawꞈ jawˇ-eu miˇ kʼahˬ Siˇdoˬ meuˬ-ahˇ keuˆ ni jeˇ laˇ tehꞈ-a.

Jaceuq 68:27

Aˬ cawˬ naˆ maˬ tseˇ nyiˇ teˬ-eu Beˬyaˬmiˬ tsawˇ jeuˬ aˬ cawˬ jeˬ hu doˆ laˇ-awˬ. Kʼoeˇ naˇ, Yuˇdaˆ tsawˇ jeuˬ aˬ yuiꞈ aˬ tsu deuˬ, aˇ muˇ muˇ muˇ-ehˇ doˆ laˇ-awˬ. Kʼoeˇ naˇ, Zeˬbuˬloˬ tsawˇ jeuˬ hawˇ-eu Naˬtaˬliˇ tsawˇ jeuˬ-euˬ aˬ yuiꞈ aˬ tsu deuˬ doˆ laˇ-awˬ.

Doˆ-iˇ 22:17

Ehˇ kʼawꞈ, aˬ da gʼaˬ, aˬ yawꞈ-euˬ aˬ buˇ miˬ daꞈ-ahˇ, tsawˇ haˬ kʼoeˇ gʼaˬ-ahˇ maˬ bi mˇ dzaˬ-iˇ mawꞈ naˇ, tsawˇ haˬ kʼoeˇ gʼaˬ, aˬ da gʼaˬ-ahˇ zahˇ shaˇ poeˬ ya biꞈ-eu meh.

Maꞈtehˬ 4:13

Naˬzaˬlehˇ meuˬ-ahˇ maˬ paˇ jawˇ ni, Gaˬliˬlehˇ lah lah dzeˇ jaˆ-eu Gaˬbeˬneˬoˬ meuˬ-ahˇ aˬ yawꞈ jawˇ-iˇ-euˬ meh. Gaˬliˬlehˇ lah-aˬ, Zeˬbuˬloˬ hawˇ-eu Naˬtaˬliˇ miˇ kʼahˬ laꞈ kʼoeˇ jaˆ-eu meh.

Dawˬmehˬ 27:13

Kʼoeˇ naˇ, yaˬ kʼehˇ yaˬ-eu dawˬ ngehˬ ngeh, Luˇbeˬ tsawˇ jeuˬ, Gaˆ tsawˇ jeuˬ, Aˬshaˬ tsawˇ jeuˬ, Zeˬbuˬluˬ tsawˇ jeuˬ, Daˬ tsawˇ jeuˬ hawˇ-eu Naˬtaˬliˇ tsawˇ jeuˬ heu deuˬ, Eˇbaˬlaˇ gawˬ jawˬ kʼoeˇ taˆ ya yawꞈ meh.

Yaˇ kʼaˬ daˇ 4:10

Zeˬbuˬluˬ tsawˇ jeuˬ hawˇ-eu Naˬtaˬliˇ tsawˇ jeuˬ-ahˇ Geˬdeˬshaˆ meuˬ-ahˇ Baˬyehˇ sheuˬ gʼeh ngeh, tsawˇ haˬ tiˬ muiˇ gʼaˬ aˬ yawꞈ mehˬ nah caw teh gʼeh-euˬ meh. Diˬboˇlaˬ kʼawꞈ, aˬ yawꞈ nehˬ-ehˇ le-euˬ meh.

Yaˇ kʼaˬ daˇ 5:14

Eˇpaˬleˬ miˇ kʼahˬ-ahˇ neh deh kʼawꞈ paw, Beˬyaˬmiˬ tsawˇ jeuˬ hawˇ-eu aˬ yawꞈ maꞈ-euˬ tsawˇ haˬ mehˬ nah, aˬ yawꞈ maꞈ oe-euˬ meh. Aˬ yuiꞈ geuꞈ-awˇ uˆ lahˇ-eu deuˬ Maˬkiˬlaˇ-ahˇ neh oe ka-awˇ, yaw huiˬ yaw mahˇ deuˬ Zeˬbuˬluˬ-ahˇ neh oe ka-euˬ meh.

1 Saˬmeuˬlaˆ 18:25

Kʼoeˇ ngeh, “Sahˬ paˬ-euˬ aˬ buˇ-ahˇ sheuˬ-euˬ aˇ poeˬ sahˬ paˬ nawˬ-ahˇ shaˇ mawꞈ-eu jeˬ-aˬ, aˬ yawꞈ-ahˇ muiˇ-eu Piˇliˇtiˆ tsawˇ haˬ deuˬ-ahˇ nawˇ laꞈ poˆ poˆ nehˬ-eu laꞈ kʼoeˇ, Piˇliˇtiˆ tsawˇ haˬ deuˬ-euˬ baˆ kʼoˆ mehˬ dzaˬ tiˬ yaˇ hmˬ yuˇ kʼoꞈ nehˬ laꞈ naˇ gʼaˬ meh lehˇ, Daˬbiˇ-ahˇ naw maꞈ ehˇ nehˬ-awˬ” lehˇ, aˬ yawꞈ maꞈ-ahˇ Sawˇluˆ ehˇ nehˬ-euˬ meh. Daˬbiˇ-ahˇ Piˇliˇtiˆ tsawˇ haˬ deuˬ neh bi sehꞈ ni, Sawˇluˆ kʼoeˇ loꞈ-ehˇ tsawˇ gahˇ gahˇ-euˬ meh.