Aˇ dahˬ 30:18 - Akha

¹⁸ “Ngaˬ-euˬ kʼaˬ dzeˇ zaˬ-ahˇ, ngaˬ-euˬ zaˬ kʼaˆ ngaˇ biꞈ nehˬ-euˬ miˇ neh, Miˬyehˇ ngaˬ-ahˇ aˇ poeˬ biꞈ laꞈ-euˬ nga” lehˇ Leˇaˬ ehˇ-awˇ, aˬ li kʼoeˇ li-ahˇ Iˇsaˬkaˬ lehˇ myahˇ nehˬ-euˬ meh.

Aˇ dahˬ 30:18 ပူးပေါင်းရင်းမြစ်များ

Aˇ dahˬ 30:17

Leˇaˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ-euˬ miˇ neh, Leˇaˬ aˬ nyiˇ pi leˇ-awˇ, Yaˬkoˆ gʼaˇ duˬ aˬ li ngaˬ gʼaˬ tiˬ gʼaˬ paˇ bi dehꞈ le-euˬ meh.

Aˇ dahˬ 30:19

Kʼoeˇ naˇ, Leˇaˬ aˬ nyiˇ tiˬ poˆ paˇ pi leˇ-awˇ, Yaˬkoˆ gʼaˇ duˬ aˬ li koꞈ li tiˬ li paˇ ciˬ-euˬ meh.

Aˇ dahˬ 35:23

Yaˬkoˆ-euˬ aˬ li tseˇ nyiꞈ li jawˇ-eu meh. Leˇaˬ o neh jawˇ le-euˬ aˬ li deuˬ-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ aˬ ha mehˇ nmˇ meh.

Aˇ dahˬ 46:13

Iˇsaˬkaˬ hawˇ-eu aˬ yawꞈ-euˬ aˬ li deuˬ pyeuꞈ-eu Toˇlaˬ, Puˇhaˬ, Yaˬshuˇbaˬ, Shiˇmyoˬ.

1 Laˬsaˬbaˬ 12:32

Iˇsaˬkaˬ tsawˇ jeuˬ laꞈ kʼoeˇ, aˬ yuiꞈ geuꞈ-eu nyiˬ yaˇ gʼaˬ hawˇ-eu, aˬ yawꞈ maꞈ-euˬ gʼaˬ zaˬ deuˬ (Aˬ yuiꞈ geuꞈ-eu kʼoeˇ deuˬ-aˬ, Iˇsaˬleˬlaˆ miˇ kʼahˬ aˬ geu jeˬ mˇ paˬ-ehˇ gʼeh-eu gaˇ kawˆ hawˇ-eu, aˬ geu ngeh yamˬ-ahˇ mˇ paˬ-ehˇ gʼeh-eu gaˇ kawˆ siˬ nya-eu meh.)

Dawˬmehˬ 33:18

Zeˬbuˬluˬ hawˇ-eu Iˇsaˬkaˬ, heu nyiˬ jeuˬ-euˬ gaˇ kawˆ ehˇ-eu, “Laˆ shaˆ kʼoeˇ taˆ jeˬ gaꞈ gaꞈ-eu, Zeˬbuˬluˬ dehꞈ dzaˬ laˇ luꞈ-uˇ. Iˇsaˬkaˬ-euˬ nymˇ jiˇ laꞈ kʼoeˇ, pyuˇ shuiˇ myawˬ gahˬ byah laˇ luꞈ-uˇ.

Panmaeq 7:7

Suˇmoˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Leˬbiˇ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Iˇsaˬkaˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ,