Aˇ dahˬ 30:16 - Akha

¹⁶ Kʼoeˇ ngeh miˇ, Yaˬkoˆ deh yaˇ-ahˇ iˇ-euˬ gʼoꞈ laˇ luꞈ gaˇ Leˇaˬ ha laˬ-iˇ-awˇ, “Nymˇ ciꞈ nawˇ ngaˬ nehˬ-ehˇ ya yuꞈ laˇ meh. Aˬ jeˬ miˇ neh ehˇ naˇ, ngaˬ li neh ngaˬ-ahˇ pyaˆ kʼoꞈ nehˬ laꞈ-euˬ zaˬ jawˇ lehˬ oꞈ aˇ siˬ Laˬkeˬlaˇ-ahˇ ngaˇ biꞈ-awˇ, nawˬ-ahˇ ngaˬ nehˬ-ehˇ bi yuꞈ-eu gʼaˇ duˬ shaˇ ngaˬ taˬ-euˬ ma” lehˇ ehˇ nehˬ-euˬ meh. Kʼoeˇ miˇ neh, kʼoeˇ ngeh miˇ Yaˬkoˆ hawˇ-eu Leˇaˬ aˬ nyaꞈ dzeˇ zaˬ yuꞈ taꞈ-euˬ meh.

Aˇ dahˬ 30:16 ပူးပေါင်းရင်းမြစ်များ

Aˇ dahˬ 30:14

Cehˇ laˆ luiˆ yamˬ-ahˇ Luˇbeˬ deh yaˇ-ahˇ iˇ ngeh, zaˬ jawˇ lehˬ oꞈ aˇ siˬ mawˇ-awˇ, aˬ yawꞈ aˬ ma-ahˇ pyaˆ kʼoꞈ nehˬ leꞈ-euˬ meh. “Nawˬ li neh pyaˆ kʼoꞈ laꞈ-euˬ zaˬ jawˇ lehˬ oꞈ aˇ siˬ kʼoeˇ, ngaˬ-ahˇ ui cuiˆ biꞈ laꞈ sheˇ” lehˇ, Leˇaˬ-ahˇ Laˬkeˬlaˇ shaˇ leˇ-euˬ meh.

Aˇ dahˬ 30:15

“Ngaˬ-euˬ kʼaˬ dzeˇ zaˬ-ahˇ sheuˬ geuꞈ-euˬ tehꞈ-ehˇ maˬ juˬ ni, ngaˬ li-euˬ zaˬ jawˇ lehˬ oꞈ aˇ siˬ gʼeh paˇ yuˇ-eu gʼeh te loˇ” lehˇ, Leˇaˬ ehˇ-eu meh. “Nawˬ li-euˬ zaˬ jawˇ lehˬ oꞈ aˇ siˬ kʼoeˇ ngaˬ-ahˇ biꞈ laꞈ naˇ, nymˇ ciꞈ nawˬ-ahˇ Yaˬkoˆ nehˬ-ehˇ bi yuꞈ taꞈ ma” lehˇ, Leˇaˬ-ahˇ Laˬkeˬlaˇ paˇ ehˇ nehˬ-euˬ meh.

Aˇ dahˬ 30:17

Leˇaˬ-euˬ guiˬ lahˬ shaˇ dawˬ-ahˇ Miˬyehˇ naˇ haˬ nehˬ-euˬ miˇ neh, Leˇaˬ aˬ nyiˇ pi leˇ-awˇ, Yaˬkoˆ gʼaˇ duˬ aˬ li ngaˬ gʼaˬ tiˬ gʼaˬ paˇ bi dehꞈ le-euˬ meh.