Aˇ dahˬ 30:1 - Akha

¹ Laˬkeˬlaˇ-aˬ, Yaˬkoˆ gʼaˇ duˬ zaˬ tiˬ gʼaˬ-iˬ maˬ bi jawˇ le nya-eu miˇ neh aˬ yawꞈ-euˬ aˬ yuiꞈ Leˇaˬ-ahˇ myaˆ naˆ-awˇ, “Ngaˬ-ahˇ zaˬ bi jawˇ le nehˬ laꞈ. Zaˬ maˬ jawˇ le naˇ, shiˇ-eu maˬ ngeuˇ naˇ maˬ paˇ dzeˇ miˇ-a” lehˇ Yaˬkoˆ-ahˇ ehˇ nehˬ-euˬ meh.

Aˇ dahˬ 30:1 ပူးပေါင်းရင်းမြစ်များ

Aˇ dahˬ 29:31

Leˇaˬ-ahˇ naˆ maˬ tseˇ, Laˬkeˬlaˇ-ahˇ Yaˬkoˆ gaˬ gaˇ Sahˬpaˬ Miˬyehˇ mawˇ ngeh, Leˇaˬ-ahˇ zaˬ bi jawˇ le-euˬ meh. Ehˇ kʼawꞈ, Laˬkeˬlaˇ gʼaˬ-ahˇ aˬ yawꞈ zaˬ maˬ bi jawˇ le-a.

Aˇ dahˬ 37:11

Aˬ yawꞈ-euˬ aˇ doˆ deuˬ aˬ yawꞈ-ahˇ myaˆ naˆ laˇ taˬ-euˬ meh. Ehˇ kʼawꞈ, aˬ yawꞈ-euˬ aˬ da-aˬ, aˬ yawꞈ neh yuꞈ maˆ maˆ-euˬ gaˇ kawˆ-ahˇ shaˇ noeˬ shaˇ noeˬ-ehˇ jawˇ-eu meh.

1 Sahˬpaˬ 19:4

Kʼoeˇ naˇ, nah ga-ehˇ bawˇ tsahˬ bawˇ dahˇ paw aˬ yawꞈ le gʼeh leꞈ-euˬ meh. Aˇ bawˇ naˇ shmˇ dawˬ pehˬ-ahˇ aˬ yawꞈ gʼaˬ naˬ naˬ-awˇ nuiˇ-eu laꞈ kʼoeˇ, yaw dehꞈ dehꞈ-awˇ maˬ paˇ jawˇ mawꞈ-eu miˇ neh, “Sahˬpaˬ Miˬyehˇ-oˇ, gʼaˬ dzaˬ gʼaˬ dawˇ miˇ-a. Ngaˬ-euˬ saꞈ laˇ yuˇ kʼoꞈ nehˬ laꞈ-awˬ. Ngaˇ yaw dehꞈ maˬ paˇ dehꞈ mawꞈ miˇ-a” lehˇ guiˬ lahˬ shaˇ-euˬ meh.

Yawˇbaˆ 13:19

Miˬyehˇ-oˇ, nawˇ ngaˬ-ahˇ iˬ baˇ ahˇ nga lehˇ ehˇ le-eu gʼeh te loˇ. Toˆ-ehˇ ngeuˇ naˇ, ngaˇ dawˬ maˬ tmˇ ni shiˇ ma.

Yawˇbaˆ 3:11

“Ngaˬ ma-euˬ uˬ maˆ laꞈ kʼoeˇ neh shiˇ-euˬ law nmˇ-aˬ gʼaˬ miˇ-a. Maˬ ngeuˇ naˇ kʼawꞈ, dehꞈ le-euˬ nehˬ-ehˇ shiˇ-euˬ law nmˇ-aˬ shaw miˇ-a.

Yawˇbaˆ 5:2

Shiˇ gaˇ keuˆ ni noeˬ shaˬ-eu-aˬ, tsawˇ uˬ deuˬ mˇ-eu gaˇ meh.

Jaceuq 106:16

Sahˬpaˬ Miˬyehˇ-euˬ muiˬ-eu shawˇ-eu zaˬ kʼaˆ pyeuꞈ-eu Moˇseˬ hawˇ-eu Aˬloˬ-ahˇ, kʼaˇ shuiꞈ deh yaˇ laꞈ kʼoeˇ aˬ yawꞈ maꞈ myaˆ naˆ-euˬ meh.

Dawqdaq 14:30

Nui saˇ oꞈ-eu jeˬ jawˇ saˇ bi doˆ-awˇ, myaˆ naˆ-eu jeˬ shaˬ yoeˬ peuˬ-iˇ-eu naˇ gawˇ meh.

Dawqdaq 30:16

Shiˇ-eu miˇ kʼahˬ, zaˬ maˬ jawˇ-eu aˬ ma, uˬ yehˇ-ahˇ dawˬ luꞈ-eu gui coˇ ni gʼeh-eu miˇ tsaˬ, maˬ laˆ miˆ nya-eu miˬ dzaˬ, heu oeˬ jeˬ meh.

Dawˬ tsoˆ 4:4

Tsawˇ haˬ zaˬ dehꞈ dzaˬ laˇ ni gaˇ mˇ-eu leh jeh-eu-aˬ, yawˬ ha dawˬ peh dehꞈ-eu deuˬ-ahˇ myaˆ naˆ-eu miˇ neh meh lehˇ ngaˇ haw siˬ-euˬ ma. Ehˇ kʼawꞈ, kʼoeˇ loꞈ-ehˇ mˇ-eu tiˬ jeˬ-iˬ gaˇ dahˇ maˬ tsoeˬ-a. Jaˬ lehˇ mehˬ nah teh-eu loꞈ-ehˇ tehꞈ meh.

Bawˇtsahˬ 11:15

Heu loꞈ-ehˇ tehꞈ-ehˇ ngaˬ-ahˇ bi mˇ te lehˇ ngeuˇ naˇ, ngaˬ-ahˇ gʼawˬ shaˬ gaˬ-eu laꞈ kʼoeˇ nymˬ-mˇ mi naˆ-ehˇ bi shiˇ nehˬ laꞈ-awˬ. Nawˇ kʼehˬ nehˬ kʼaˆnehˬ laꞈ-eu heu-ahˇ ngaˇ maˬ paˇ ya daˬ-aˇ.”

Bawˇtsahˬ 11:29

Moˇseˬ ehˇ-eu, “Ngaˬ-euˬ doˇ daˇ nawˇ myaˆ naˆ te loˇ. Sahˬpaˬ Miˬyehˇ-euˬ tsawˇ haˬ dawˬ tawˆ luꞈ-ahˇ Sahˬpaˬ Miˬyehˇ yaw sahˇ biꞈ nehˬ-awˇ, aˬ yawꞈ maꞈ dawˬ tawˆ luꞈ Miˬyehˇ gʼaˇ duˬ ngehˬ dah-eu deuˬ loꞈ-ehˇ guˇ gaˇ ngaˇ gaˬ mawꞈ-eu ma.”

Yoˇhaˬ 4:3

Aˬ cawˬ kʼoeˇ loꞈ-ehˇ ehˇ-eu Yeˬsuˇ ya gaˬ ngeh, Yuˇdaˆ miˇ kʼahˬ-ahˇ neh doˆ-iˇ-awˇ, Gaˬliˬlehˇ miˇ kʼahˬ-ahˇ gʼoꞈ leˇ-euˬ meh.

Yoˇhaˬ 4:8

(Aˬ yawꞈ-euˬ zaˬ lahˇ deuˬ-aˬ, dzaˬ dzaˬ dawˇ dawˇ zeuˇ-eu gʼaˇ duˬ meuˬ-ahˇ le uˇ-euˬ meh.)

1 Gawˇliˬtu 3:3

Aˬ jeˬ miˇ neh ehˇ naˇ, miˇ tsaˬ zaˬ deuˬ dehꞈ-eu loꞈ-ehˇ naw ma dehꞈ luꞈ-a siˬ. Naw maꞈ yaw kaˬ myaˆ naˆ-awˇ iˬ dehˬ iˬ ceh jaˆ-eu kʼoeˇ-aˬ, naw maꞈ miˇ tsaˬ heu-ahˇ taꞈ-awˇ miˇ tsaˬ zaˬ deuˬ dehꞈ-eu aˇ tiˆ-ahˇ dehꞈ luꞈ-eu gaˇ kawˆ saˇ kiˇ pyeuꞈ-eu meh.

2 Gawˇliˬtu 7:10

Miˬyehˇ nui ma tsaˬ-eu laꞈ kʼoeˇ ya noeˬ shaˬ-eu jeˬ-aˬ, nui ma-ahˇ bi noeˬ paˇ-awˇ, ka kʼoꞈ-eu jeˬ za ni sheuˬ gʼeh-eu jeˬ pyeuꞈ-eu meh. Kʼoeˇ baˬ da neh nui ma maˬ saˇ-ehˇ gʼeh-eu maˬ loˬ-a. Ehˇ kʼawꞈ, tsawˇ haˬ zaˬ-ahˇ taꞈ leˇ-awˇ noeˬ shaˬ-eu jeˬ-aˬ, shiˇ-eu jeˬ-ahˇ uˬ duˬ duˬ leˇ-eu meh.

Gaˬlaˬtiˆ 5:21

myaˆ naˆ-eu, dzaˬ yehꞈ dawˇ yehꞈ-eu, maˬ tsaˬ maˬ dawˇ-eu bawˬ-iˬ gʼeh-eu, heu loꞈ-ehˇ gʼeh-eu deuˬ mˇ doˆ laꞈ-eu meh. Kʼoeˇ loꞈ-ehˇ dehꞈ-eu tsawˇ haˬ deuˬ-aˬ, Miˬyehˇ Miˇ kʼahˬ-ahˇ maˬ ya uˇ lehˇ-a lehˇ dzeuˇ laˇ ngeh ngaˬ neh naw maꞈ-ahˇ ehˇ-euˬ loꞈ-ehˇ, nymˬ-mˇ kʼawꞈ tiˬ poˆ paˇ ehˇ-eu ma.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.

Yaˬkoˆ 3:14

Ehˇ kʼawꞈ, myaˆ naˆ-eu jeˬ, aˬ cawˬ-ahˇ nui ma naˇ-eu jeˬ hawˇ-eu, yawˬ ha-euˬ gʼaˇ duˬ tehꞈ-ehˇ shaˇ noeˬ-eu jeˬ naw maꞈ-euˬ nui ma laꞈ kʼoeˇ ahˇ naˇ, zaˬ siˬ tsawˇ gahˇ ahˇ ma lehˇ kʼahˬ sehˇ jehˆ-awˇ yaw tsaˬ yaw dawˇ jeˬ-ahˇ taˬ mˇ bahˬ.

Yaˬkoˆ 4:5

“Miˬyehˇ neh aˬ dui-euˬ laꞈ kʼoeˇ dawˆ ahˇ nehˬ laꞈ-euˬ nui ma-aˬ, guˆ laˇ paˬ-ehˇ gʼeh-eu nui kʼahˇ tiˬ byah ni ahˇ-eu meh” lehˇ ehˇ-eu Jaˇliꞈ dawˬ kawˬ kʼoeˇ, aˬ diˇ aˬ maˇ maˬ ngeuˇ-a lehˇ taˬ noeˬ.

1 Saˬmeuˬlaˆ 1:10

Haˬnahˬ nui ma cawˆ dui dui-eu laꞈ kʼoeˇ, guˇ guˇ-ehˇ ngoeˇ-awˇ, Sahˬpaˬ Miˬyehˇ-ahˇ guiˬ lahˬ shaˇ-euˬ meh.