Aˇ dahˬ 3:24 - Akha

²⁴ Kʼoeˇ naˇ, dehꞈ-eu saꞈ laˇ aˇ bawˇ jaˆ gaˇ tsawˇ haˬ tiˬ gʼaˬ-iˬ maˬ ya iˇ-eu gʼaˇ duˬ, Jeˬluˇbeˬ hawˇ-eu, miˇ ma oeˬ coeˇ oeˬ pyawˬ luꞈ-ahˇ mi seuˬ pyawˇ-eu miˬ dzaˬ doꞈ luꞈ-eu mi cehˇ-ahˇ, yaˇ kmˇ-euˬ nahˇ ma doˆ kʼehˬ paw bi jaˆ-awˇ, dehꞈ-eu saꞈ laˇ aˇ bawˇ dawˬ peh tsawˇ haˬ tiˬ gʼaˬ-iˬ maˬ bi laˇ ni bi loꞈ tsoeˬ-euˬ meh.

Aˇ dahˬ 3:24 ပူးပေါင်းရင်းမြစ်များ

Aˇ dahˬ 3:23

Kʼoeˇ miˇ neh, tsawˇ haˬ kʼoeˇ gʼaˬ-ahˇ yaˇ kmˇ laꞈ nyiˇ teh doˆ nehˬ-awˇ, miˇ tsaˬ yuˇ-awˇ aˬ yawꞈ-ahˇ beh-euˬ loꞈ-ehˇ, miˇ tsaˬ-ahˇ bi ka dzaˬ bi ka dawˇ-iˇ-euˬ meh.

Aˇ dahˬ 4:1

Kʼoeˇ naˇ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ jawˇ taꞈ-awˇ, Eˇbaˆ aˬ nyiˇ pi leˇ-euˬ meh. Eˇbaˆ aˬ nyiˇ ciˬ ngeh, “Sahˬpaˬ Miˬyehˇ-euˬ guiˬ lahˬ baˬ da neh aˬ li tiˬ li jawˇ le-euˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Gaˬiˇnaˆ lehˇ myahˇ nehˬ-euˬ meh.

Aˇ dahˬ 4:14

Miˇ kʼahˬ heu kʼahˬ-ahˇ neh nawˬ-euˬ myaˆ pyawˬ maˬ ya mawˇ-eu jawˇ duˬ-ahˇ, nawˇ ngaˬ-ahˇ teh dzeh nehˬ laꞈ-euˬ meh. Ngaˇ tiˬ gaˇ-iˬ jawˇ duˬ dah leˇ kʼaˇ maˬ za ni, miˇ kʼahˬ doe doe-ehˇ cah cah-ehˇ ya jawˇ naˇ, kʼaˇ puˬ kʼaˇ mawˇ le-eu tsawˇ haˬ deuˬ ngaˬ-ahˇ sehꞈ laˇ tehꞈ-a.”

Jaceuq 104:4

Jaˬ lehˇ-ahˇ nawˬ-euˬ dawˬ tsaꞈ gaˬ-eu gʼaˬ bi geuꞈ-awˇ, mˬ myawꞈ-ahˇ nawˬ-euˬ gaˇ bi mˇ-euˬ meh.

Jaceuq 80:1

Iˇsaˬleˬlaˆ tsawˇ jeuˬ-ahˇ bo-eu yawˇ bo-eu gʼaˬ-oˇ, nga maꞈ-euˬ shaˇ dawˬ-ahˇ naˇ haˬ nehˬ laꞈ. Yawˇ maꞈ-ahˇ sheuˬ gʼeh-eu gʼaˬ-oˇ, nga maꞈ-ahˇ naˬ bawˇ ciˬ kʼmˇ nehˬ laꞈ. Jeˬluˇbeˬ kʼoeˇ taˆ nuiˇ luꞈ-eu gʼaˬ-oˇ,

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Doˆ-iˇ 25:2

“Ngaˬ-ahˇ tiˬ jeˬ paˬ ya damˬ nehˬ laꞈ meh lehˇ, Iˇsaˬleˬlaˆ tsawˇ haˬ deuˬ-ahˇ ehˇ nehˬ-awˬ. Tsawˇ haˬ aˬ geu gʼaˬ maˬ kaˬ, nui ma keuˆ-eu laꞈ kʼoeˇ, tiˬ jeˬ paˬ damˬ laˇ naˇ, ha geuꞈ nehˬ-awˬ.

Yeˬsaˬgeˬlaˇ 10:1

Jeˬluˇbeˬ kʼoeˇ deuˬ-euˬ uˬ duˬ uˬ taˆ jaˆ-eu mˬ-ahˇ duˇ-eu kʼoeˇ hmˬ-ahˇ ngaˇ haw gʼeh ngeh, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ ngaˇ mawˇ-euˬ ma.

Yeˬsaˬgeˬlaˇ 31:11

Kʼoeˇ miˇ neh, aˇ bawˇ kʼoeˇ-ahˇ ngaˇ byehˇ dzeh-awˇ, aˬ cawˬ tsawˇ jeuˬ sahˬ paˬ-euˬ laꞈ-ahˇ bi ahˇ leˇ ma. Aˇ bawˇ kʼoeˇ yaw haiˬ miˇ neh, aˬ yawꞈ-ahˇ kʼaˇ oꞈ kʼaˇ geuˇ-eu loꞈ-ehˇ jahˇ nehˬ tehꞈ-a.

Bawˇtsahˬ 22:23

Mˬ taˆ gʼaˬ kʼehˇ mi cehˇ tuˆ tehˬ-awˇ gaˇ ma-ahˇ yawꞈ luꞈ gaˇ mahˬ tahˬ laˆ kʼoeˇ mawˇ ya mawˇ ngeh, gaˇ ma-ahˇ maˬ cah ni deh yaˇ paw ciˬ pyawˇ-awˇ iˇ uˇ gʼeh-euˬ meh. Baˬlamˬ gʼeh mahˬ tahˬ laˆ-ahˇ diˬ-awˇ gaˇ ma paw paˇ teh daˆ-euˬ meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

HeˬByehˇ 1:7

Ehˇ kʼawꞈ, mˬ taˆ gʼaˬ kʼehˇ deuˬ-ahˇ-aˬ, “Miˬyehˇ-euˬ mˬ taˆ gʼaˬ kʼehˇ deuˬ, jaˬ lehˇ loꞈ-ehˇ bi pyeuꞈ-iˇ-awˇ, aˬ yawꞈ-euˬ zaˬ kʼaˆ deuˬ-ahˇ-aˬ, miˬ dzaˬ miˬ lmˇ bi pyeuꞈ-iˇ meh” lehˇ, Miˬyehˇ neh ehˇ taˬ-euˬ jaˆ-eu meh.

Yawˇshuˆ 5:13

Yeˬliˇkoˇ meuˬ dawˬ peh Yawˇshuˆ le keuˆ ngeh, aˬ yawꞈ mehˬ shi mi cehˇ tuˆ tehˬ-awˇ yawꞈ luꞈ-eu tsawˇ haˬ tiˬ gʼaˬ-ahˇ ja pyuˬ ni aˬ yawꞈ ya mawˇ-euˬ meh. Tsawˇ haˬ kʼoeˇ gʼaˬ dawˬ peh Yawˇ shuˆ le-awˇ, “Nawˇ nga maꞈ-euˬ guiˇ zaˬ te loˇ. Maˬ ngeuˇ naˇ, nga maꞈ-ahˇ muiˇ-eu tsawˇ haˬ te loˇ” lehˇ naˇ haˬ-euˬ meh.

1 Saˬmeuˬlaˆ 4:4

Kʼoeˇ naˇ, Shiˇloˬ meuˬ-ahˇ tsawˇ haˬ pyehˬ gʼeh-awˇ, Baoˬ huiˬ-eu Miˬyehˇ-euˬ muiˬ-eu shawˇ-eu nuiˇ duˬ bi geuꞈ dah taˬ-euˬ, Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ kʼoeˇ keuˆ bi baꞈ laˬ leˇ-euˬ meh. Eˇliˆ-euˬ aˬ li Hawˇpaˬniˇ hawˇ-eu Piˇnaˬhaˇ aˬ nyaꞈ nyiˬ mehˇ nmˇ luꞈ, dawˬ ma saˇ jaˇ Bahˬ keuˆ mehˬ nah caw teh gʼeh leꞈ-euˬ meh.