Aˇ dahˬ 3:20 - Akha

²⁰ Aˬdaˬ-aˬ, aˬ yawꞈ-euˬ miˬ zaˬ-ahˇ Eˇbaˆ lehˇ myahˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ-aˬ, tsawˇ haˬ zaˬ dawˬ tawˆ luꞈ-euˬ aˬ ma ma dzahˇ gʼaˬ pyeuꞈ-eu meh.

Aˇ dahˬ 3:20 ပူးပေါင်းရင်းမြစ်များ

Aˇ dahˬ 16:11

Nawˇ aˬ li tiˬ li jawˇ le-awˇ, aˬ li kʼoeˇ li-ahˇ Iˇshaˬmeˬlaˇ lehˇ ya myahˇ nehˬ tehꞈ-a. Aˬ jeˬ miˇ neh ehˇ naˇ, nawˇ shaˬ zahˬ naꞈ-eu laꞈ kʼoeˇ ngoeˇ luꞈ-eu teˇ saˇ-ahˇ, Sahˬpaˬ Miˬyehˇ ya gaˬ gʼaˬ-euˬ meh.

Aˇ dahˬ 2:20

Jeˬ zaˬ hawˇ-eu aˇ jiˇ dawˬ tawˆ luꞈ-ahˇ tsawˇ haˬ zaˬ neh aˇ myahˇ myahˇ nehˬ-euˬ meh. Ehˇ kʼawꞈ, jeˬ zaˬ aˇ jiˇ kʼoeˇ deuˬ laꞈ kʼoeˇ, aˬ yawꞈ-ahˇ caw ba nya-eu cawˬ maˬ jawˇ-a.

Aˇ dahˬ 2:23

Kʼoeˇ ngeh, tsawˇ haˬ zaˬ kʼoeˇ gʼaˬ ehˇ-eu, “Aˇ saˬ saˬ laˇ ngeh-aˬ, ngaˬ-euˬ shaˬ yoeˬ-ahˇ neh doˆ le-euˬ shaˬ yoeˬ ngaˬ-euˬ shaˬ jiˇ-ahˇ neh doˆ le-euˬ shaˬ jiˇ, ngaˬ-ahˇ duˇ leˇ-eu ngaˬ-euˬ aˇ jeuˬ tiˬ gʼaˬ doˆ le-euˬ nga. Aˬ yawꞈ-ahˇ zaˬ miˬ zaˬ lehˇ ngaˇ kuˇ ma. Aˬ jeˬ miˇ neh ehˇ naˇ, kʼaˬ dzeˇ zaˬ laꞈ kʼoeˇ neh aˬ yawꞈ doˆ le-euˬ meh” lehˇ ehˇ-eu meh.

Aˇ dahˬ 3:21

Miˬyehˇ pyuꞈ-eu Sahˬpaˬ Miˬyehˇ-aˬ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ-ahˇ, jeˬ zaˬ baˆ kʼoˆ mehˬ tsoeˬ guꞈ-awˇ bi dm-euˬ meh.

Aˇ dahˬ 35:18

Ehˇ kʼawꞈ, Laˬkeˬlaˇ shiˇ leˇ-awˇ, maˬ shiˇ tsehˆ mi naˆ-ehˇ aˬ li kʼoeˇ li-ahˇ Beˬnoˇniˆ lehˇ myahˇ nehˬ yaꞈ-euˬ meh. Aˬ da gʼaˬ neh, aˬ li kʼoeˇ li-ahˇ, Beˬyaˬmiˬ lehˇ myahˇ nehˬ-euˬ meh.

Aˇ dahˬ 5:29

Kʼoeˇ ngeh, “Sahˬpaˬ Miˬyehˇ neh yaˬ kʼehˇ yaˬ taˬ-euˬ miˇ tsaˬ heu kʼoeˇ taˆ, shaˬ-eu zahˬ-eu laꞈ kʼoeˇ aˬ dui ya mˇ dzaˬ ya kʼawꞈ dawˇ-eu jeˬ-ahˇ, aˬ li heu li bi buˬ-iˇ laꞈ luꞈ-uˇ” lehˇ aˬ yawꞈ ehˇ-awˇ, aˬ li kʼoeˇ li-ahˇ Noˇaˬ lehˇ myahˇ nehˬ-euˬ meh.

Doˆ-iˇ 2:10

Aˬ li kʼoeˇ li huiˬ laˇ ngeh, sahˬ paˬ zaˬ miˬ jawˇ gaˇ sheuˬ gʼeh nehˬ-euˬ meh. Sahˬ paˬ zaˬ miˬ kʼoeˇ gʼaˬ, aˬ li kʼoeˇ li-ahˇ, aˬ yawꞈ-euˬ aˬ li tiˬ gʼaˬ loꞈ-ehˇ cu geuꞈ-euˬ meh. “Aˬ li heu li-ahˇ iˇ cuꞈ laꞈ kʼoeˇ ngaˬ neh gʼeu doˆ-euˬ miˇ neh, Moˇseˬ lehˇ myahˇ nehˬ ma” lehˇ, sahˬ paˬ zaˬ miˬ kʼoeˇ gʼaˬ, yawˬ haˇ yawˬ ha ehˇ-euˬ meh.

Maꞈtehˬ 1:21

Aˬ yawꞈ aˬ li tiˬ li ciˬ tehꞈ-a. Aˬ li kʼoeˇ li-ahˇ Yeˬsuˇ lehˇ nawˇ myahˇ nehˬ-awˬ. Aˬ jeˬ miˇ neh ehˇ naˇ, aˬ li kʼoeˇ li-aˬ, aˬ yawꞈ-euˬ tsawˇ haˬ deuˬ-ahˇ iˬ baˇ laꞈ kʼoeˇ ka kʼoꞈ doˆ nehˬ tehꞈ-a.”

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Gʼaˬkʼehˇ 17:26

Tsawˇ haˬ tiˬ gʼaˬ o neh miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ beh taˬ-euˬ jeˬ pyeuꞈ-awˇ, miˇ tsaˬ tahˬ kʼawˇ bi jawˇ byah taˬ-euˬ meh. Aˬ yawꞈ maꞈ yaw dehꞈ ya dehꞈ-eu aˇ yamˬ hawˇ-eu jawˇ duˬ-ahˇ, aˇ dahˬ beh ngeh neh neh lehˬ hmˬ taˬ-awˇ toꞈ tsaˬ jiˆ tsaˬ jiˇ taˬ-euˬ meh.

2 Gawˇliˬtu 11:3

Eˇbaˆ-ahˇ aˇ lawˇ neh mehˇ shuiˇ bi shuiˇ tawˆ-euˬ loꞈ-ehˇ, Ka li-ahˇ maˇ maˇ ni shawˇ jehˆ ni gaˬ-eu naw maꞈ-euˬ nui ma bi tsahˇ pyawˇ gaˇ ngaˇ kʼahˬ lahˇ dui dui nya.

1 Tiˆmoˇseˬ 2:13

Aˬ jeˬ miˇ neh ehˇ naˇ, Aˬdaˬ-ahˇ jeˬ huˬ beh gʼaˬ miˇ tsa, Eˇbaˆ-ahˇ beh-euˬ meh.

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.