Aˇ dahˬ 29:35 - Akha

³⁵ Kʼoeˇ naˇ, aˬ yawꞈ aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. “Heu poˆ-aˬ, Sahˬpaˬ Miˬyehˇ-euˬ guiˬ lahˬ-ahˇ ngaˇ ja ceuˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Yuˇdaˆ lehˇ myahˇ nehˬ-euˬ meh. Yuˇdaˆ dehꞈ le gʼaˬ ngeh jawˇ, aˬ yawꞈ zaˬ maˬ paˇ jawˇ le ni pyeuꞈ-iˇ-euˬ meh.

Aˇ dahˬ 29:35 ပူးပေါင်းရင်းမြစ်များ

Aˇ dahˬ 30:9

Leˇaˬ-aˬ, yawˬ ha zaˬ maˬ paˇ jawˇ le nya-euˬ gaˇ kawˆ ya siˬ duˬ ngeh, Yaˬkoˆ-ahˇ aˬ yawꞈ-euˬ zaˬ kʼaˆ Ziˇlaˬpaˬ-ahˇ bi sheuˬ-euˬ meh.

Aˇ dahˬ 35:26

Leˇaˬ-euˬ zaˬ kʼaˆ pyeuꞈ-eu Yaˬkoˆ-euˬ ma nyiˇ Ziˇlaˬpaˬ o neh jawˇ le-euˬ aˬ li deuˬ-aˬ, Gaˆ hawˇ-eu Aˬsaˬ aˬ nyaꞈ nmˇ meh. Aˬ li heu deuˬ dawˬ tawˆ luꞈ, Maˬsoˬpoˬtaˬmiˇ miˇ kʼahˬ-ahˇ jawˇ ngeh dehꞈ le-euˬ meh.

Aˇ dahˬ 46:12

Yuˇdaˆ hawˇ-eu aˬ yawꞈ-euˬ aˬ li deuˬ pyeuꞈ-eu Sheˬlahˬ, Paˬyehˆ, Zeˬlahˬ. (Yuˇdaˆ-euˬ aˬ li deuˬ pyeuꞈ-eu Iˇlehˆ hawˇ-eu Awˇnaˬ aˬ nyaꞈ nmˇ-aˬ, Kaˬnaˬ miˇ kʼahˬ-ahˇ shiˇ yaꞈ-euˬ meh. Paˬyehˆ-euˬ aˬ li deuˬ pyeuꞈ-eu Heˬzaˬloˬ hawˇ-eu Haˬmuˇlaˬ.

1 Laˬsaˬbaˬ 5:2

Ehˇ kʼawꞈ, Yuˇdaˆ tsawˇ jeuˬ-aˬ, aˬ cawˬ naˆ maˬ tseˇ gʼaˬ kʼaˆ dzehˬ-eu tsawˇ jeuˬ pyeuꞈ laˇ-awˇ, Iˇsaˬleˬlaˆ tsawˇ jeuˬ dawˬ tawˆ luꞈ kʼoeˇ taˆ uˆ lahˇ-euˬ meh.)

Yeˬsaˬgeˬlaˇ 48:7

Luˇbeˬ tsawˇ jeuˬ-euˬ miˇ tsaˬ laꞈ oˆ, Yuˇdaˆ tsawˇ jeuˬ-euˬ miˇ tsaˬ jaˆ-eu meh.

Bawˇtsahˬ 1:26

Yuˇdaˆ-euˬ zaˬ deuˬ uˆ deuˬ laꞈ kʼoeˇ, nyiˬ tseˇ kʼoꞈ-ahˇ neh laꞈ taˆ paw-euˬ guiˇ kʼaˇ deuˆ nya-eu kʼaˬ dzeˇ zaˬ dawˬ tawˆ luꞈ-ahˇ, aˇ jeuˬ aˬ yawꞈ jeuˬ yawꞈ hawˇ-eu nymˇ jiˇ aˬ yawꞈ jiˇ yawꞈ-ahˇ kʼaˇ taꞈ-euˬ loꞈ-ehˇ, tiˬ gʼaˬ saˇ-iˬ tiˬ gʼaˬ-euˬ tsawˇ myahˇ yuˇ-euˬ meh.

Bawˇtsahˬ 34:19

Heu-aˬ, Sahˬpaˬ Miˬyehˇ neh tseˇ doˆ-euˬ tsawˇ haˬ deuˬ-euˬ tsawˇ myahˇ meh. Yuˇdaˆ tsawˇ jeuˬ laꞈ kʼoeˇ, Yeˬpuˬnehˇ-euˬ aˬ li Gaˬlehˆ.

Maꞈtehˬ 1:2

Aˬbyaˬ-euˬ aˬ li Iˇtsaˆ, Iˇtsaˆ-euˬ aˬ li Yaˬkoˆ, Yaˬkoˆ-euˬ aˬ li Yuˇdaˆ aˬ ha mehˇ nmˇ meh.

Dawˬmehˬ 33:7

Yuˇdaˆ gaˇ kawˆ Moˇseˬ ehˇ-eu, “Yuˇdaˆ tsawˇ jeuˬ-euˬ shaˇ dawˬ-ahˇ, Sahˬpaˬ Miˬyehˇ naˇ haˬ nehˬ-awˬ. Iˇsaˬleˬlaˆ tsawˇ jeuˬ deuˬ-ahˇ, aˬ yawꞈ maꞈ bi gʼoꞈ gm leˇ-awˬ. Muiˇ-eu deuˬ neh maˬ bi gʼaˬ ni, Sahˬpaˬ Miˬyehˇ caw ba nehˬ-awˬ.”