Aˇ dahˬ 29:33 - Akha

³³ Kʼoeˇ naˇ, Leˇaˬ aˬ nyiˇ paˇ pi leˇ-awˇ, aˬ li tiˬ li paˇ ciˬ-euˬ meh. Kʼoeˇ ngeh, “Ngaˬ-euˬ kʼaˬ dzeˇ zaˬ ngaˬ-ahˇ maˬ gaˬ-eu gaˇ kawˆ, Sahˬpaˬ Miˬyehˇ ya siˬ-euˬ miˇ neh, aˬ li heu li paˇ biꞈ laꞈ-euˬ nga” lehˇ Leˇaˬ ehˇ-awˇ, aˬ li kʼoeˇ li-ahˇ Suˇmoˬ lehˇ myahˇ nehˬ-euˬ meh.

Aˇ dahˬ 29:33 ပူးပေါင်းရင်းမြစ်များ

Aˇ dahˬ 30:18

“Ngaˬ-euˬ kʼaˬ dzeˇ zaˬ-ahˇ, ngaˬ-euˬ zaˬ kʼaˆ ngaˇ biꞈ nehˬ-euˬ miˇ neh, Miˬyehˇ ngaˬ-ahˇ aˇ poeˬ biꞈ laꞈ-euˬ nga” lehˇ Leˇaˬ ehˇ-awˇ, aˬ li kʼoeˇ li-ahˇ Iˇsaˬkaˬ lehˇ myahˇ nehˬ-euˬ meh.

Aˇ dahˬ 30:20

Kʼoeˇ ngeh, “Miˬyehˇ ngaˬ-ahˇ muiˬ-eu laꞈ sawˬ biꞈ laꞈ-euˬ nga. Nymˬ-mˇ poˆ jawˇ-aˬ, ngaˬ-euˬ kʼaˬ dzeˇ zaˬ ngaˬ-ahˇ ha geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ gʼaˇ duˬ ngaˇ aˬ li koꞈ li bi jawˇ le gʼaˬ-euˬ ma” lehˇ Leˇaˬ ehˇ-awˇ, aˬ li kʼoeˇ li-ahˇ Zeˬbuˬloˬ lehˇ myahˇ nehˬ-euˬ meh.

Aˇ dahˬ 30:6

Kʼoeˇ ngeh, “Miˬyehˇ ngaˬ-euˬ myaˆ pyawˬ-ahˇ haw-awˇ yaˇ kʼaˬ daˇ-euˬ meh. Ngaˬ-euˬ shaˇ dawˬ-ahˇ aˬ yawꞈ naˇ haˬ-eu laꞈ kʼoeˇ, ngaˬ-ahˇ aˬ li tiˬ li biꞈ leꞈ-euˬ nga” lehˇ Laˬkeˬlaˇ ehˇ-awˇ, aˬ li kʼoeˇ li-ahˇ Daˬ lehˇ myahˇ nehˬ-euˬ meh.

Aˇ dahˬ 30:8

Kʼoeˇ ngeh, “Ngaˬ-euˬ aˬ yuiꞈ nehˬ-ehˇ ngaˇ yaw kʼaˆ-ehˇ ya dawꞈ ceh ceh-awˇ, nymˬ-mˇ ngaˇ dawꞈ gʼaˬ-euˬ ma” lehˇ Laˬkeˬlaˇ ehˇ-awˇ, aˬ li kʼoeˇ li-ahˇ Naˬtaˬliˇ lehˇ myahˇ nehˬ-euˬ meh.

Aˇ dahˬ 34:25

Smˬ nah byah laˇ-awˇ, tsawˇ haˬ kʼoeˇ deuˬ baˆ kʼoˆ mehˬ dzaˬ yehˬ-euˬ maˇ naˇ maˬ taˬ leˇ mi naˆ-ehˇ, Yaˬkoˆ-euˬ aˬ li deuˬ pyeuꞈ-eu, Diˇnaˆ-euˬ aˇ doˆ Suˇmoˬ hawˇ-eu Leˬbiˇ aˬ nyaꞈ nmˇ mi cehˇ shaꞈ-awˇ, tsawˇ haˬ tiˬ gʼaˬ-iˬ maˬ bi haw siˬ ni meuˬ laꞈ kʼoeˇ le uˇ-awˇ, kʼaˬ dzeˇ zaˬ dawˬ tawˆ luꞈ-ahˇ coeˇ sehꞈ jiˇ-euˬ meh.

Aˇ dahˬ 34:30

Suˇmoˬ hawˇ-eu Leˬbiˇ aˬ nyaꞈ nmˇ-ahˇ Yaˬkoˆ ehˇ nehˬ-eu, “Naw nyaꞈ nmˇ ngaˬ-ahˇ laˆ shaˬ nehˬ laꞈ-euˬ nga. Nymˬ-mˇ poˆ jawˇ-aˬ, miˇ kʼahˬ heu kʼahˬ laꞈ kʼoeˇ kʼaˇ jawˇ-eu Kaˬnaˬ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, nui deuˬ tsawˇ jeuˬ dawˬ tawˆ luꞈ maˬ ehˇ, ngaˬ-ahˇ muiˇ-eu nga. Ngaˬ nehˬ-ehˇ tsawˇ haˬ gʼawˬ mya ni jawˇ-eu maˬ ngeuˇ. Aˬ yawꞈ maꞈ dawˬ tawˆ luꞈ ga uiˬ-awˇ ngaˬ-ahˇ guiˇ deuˆ laˇ naˇ, aˬ dui pehˬ pehˬ zaˬ ma zaˬ-ehˇ bi sehꞈ jiˇ gaˇ keuˆ-eu nga.”

Aˇ dahˬ 35:23

Yaˬkoˆ-euˬ aˬ li tseˇ nyiꞈ li jawˇ-eu meh. Leˇaˬ o neh jawˇ le-euˬ aˬ li deuˬ-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ aˬ ha mehˇ nmˇ meh.

Aˇ dahˬ 42:24

Kʼoeˇ ngeh, aˬ yawꞈ maꞈ jawˇ gaˇ neh Yoˇsehˆ doˆ-iˇ-awˇ, ngoeˇ-euˬ meh. Aˬ yawꞈ ngoeˇ taˬ gʼaˬ ngeh, aˬ yawꞈ maꞈ jawˇ gaˇ paˇ gʼoꞈ laˇ-awˇ, aˬ yawꞈ maꞈ-euˬ mehˬ shi Suˇmoˬ-ahˇ gʼeu doˆ-awˇ, paꞈ cuꞈ-euˬ meh.

Yeˬsaˬgeˬlaˇ 48:24

Beˬyaˬmiˬ tsawˇ jeuˬ-euˬ miˇ tsaˬ laꞈ oˆ, Suˇmoˬ tsawˇ jeuˬ-euˬ miˇ tsaˬ jaˆ-eu meh.

Bawˇtsahˬ 34:20

Suˇmoˬ tsawˇ jeuˬ laꞈ kʼoeˇ, Aˬmiˇhuˆ-euˬ aˬ li Sheˬluˇmeˬlaˇ.

Dawˬmehˬ 21:15

“Tsawˇ haˬ tiˬ gʼaˬ miˬ zaˬ nyiˬ gʼaˬ sheuˬ-awˇ, nyiˬ gʼaˬ luꞈ aˬ li jawˇ le-euˬ ehˇ-awˬ. Ehˇ kʼawꞈ, dehꞈ beh beh le-euˬ aˬ li aˬ yuiꞈ gʼaˬ-aˬ, aˬ yawꞈ nui ma tsaˬ dzehˬ-eu ma-euˬ aˬ li maˬ ngeuˇ-eu ehˇ-awˬ.