Aˇ dahˬ 29:31 - Akha

³¹ Leˇaˬ-ahˇ naˆ maˬ tseˇ, Laˬkeˬlaˇ-ahˇ Yaˬkoˆ gaˬ gaˇ Sahˬpaˬ Miˬyehˇ mawˇ ngeh, Leˇaˬ-ahˇ zaˬ bi jawˇ le-euˬ meh. Ehˇ kʼawꞈ, Laˬkeˬlaˇ gʼaˬ-ahˇ aˬ yawꞈ zaˬ maˬ bi jawˇ le-a.

Aˇ dahˬ 29:31 ပူးပေါင်းရင်းမြစ်များ

Aˇ dahˬ 11:30

Saˬlehˇ-aˬ, maˬ baw aˬ ma meh.

Aˇ dahˬ 16:1

Aˬbyaˬ-euˬ nymˇ dahˬ Saˬlehˇ-aˬ, zaˬ tiˬ gʼaˬ-iˬ maˬ jawˇ le-a. Ehˇ kʼawꞈ, Haˬgaˬlaˇ lehˇ myahˇ-euˬ Iˇjiˇtuˆ tsawˇ jeuˬ zaˬ miˬ zaˬ zaˬ kʼaˆ tiˬ gʼaˬ-ahˇ Saˬlehˇ cu taˬ-euˬ meh.

Aˇ dahˬ 25:21

Leˬbehˇkaꞈ zaˬ maˬ jawˇ le-eu miˇ neh, zaˬ jawˇ le nya ni, Sahˬpaˬ Miˬyehˇ-ahˇ Iˇtsaˆ guiˬ lahˬ shaˇ-euˬ meh. Aˬ yawꞈ-euˬ guiˬ lahˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ nyiˇ pi leˇ-euˬ meh.

Aˇ dahˬ 27:41

Iˇtsaˆ neh Yaˬkoˆ-ahˇ dawˬ ngehˬ gʼeh nehˬ-euˬ miˇ neh, Yaˬkoˆ-ahˇ Iˇsawˇ muiˇ-eu meh. Iˇsawˇ-euˬ nui ma laꞈ kʼoeˇ, “Ngaˬ da ziˇ jiˇ-eu dawˬ peh peh laˇ-euˬ meh. Haw taˬ lawˬ. Zaˬ heu gʼaˬ-ahˇ ngaˇ sehꞈ ma” lehˇ noeˬ luꞈ-eu meh.

Aˇ dahˬ 29:30

Laˬkeˬlaˇ nehˬ-ehˇ Yaˬkoˆ yuꞈ taꞈ-awˇ, Leˇaˬ-ahˇ naˆ maˬ tseˇ Laˬkeˬlaˇ-ahˇ aˬ yawꞈ gaˬ-euˬ meh. Kʼoeˇ naˇ, shiꞈ kʼoꞈ keuˆ ni, Laˬbaˬ-euˬ gaˇ aˬ yawꞈ paˇ mˇ nehˬ-euˬ meh.

Aˇ dahˬ 29:32

Kʼoeˇ naˇ, Leˇaˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Ngaˇ shaˬ zahˬ mˇ gaˇ Sahˬpaˬ Miˬyehˇ haw mawˇ le-euˬ loꞈ-ehˇ, aˬ kaˇ naˇ, ngaˬ-euˬ kʼaˬ dzeˇ zaˬ ngaˬ-ahˇ gaˬ luꞈ-uˇ” lehˇ Leˇaˬ ehˇ-awˇ, aˬ li kʼoeˇ li-ahˇ Luˇbeˬ lehˇ myahˇ nehˬ-euˬ meh.

Aˇ dahˬ 30:22

Kʼoeˇ naˇ, Laˬkeˬlaˇ-ahˇ Miˬyehˇ noeˬ keuˆ-awˇ, aˬ yawꞈ-euˬ guiˬ lahˬ shaˇ dawˬ-ahˇ naˇ haˬ nehˬ-eu laꞈ kʼoeˇ, aˬ yawꞈ-ahˇ zaˬ bi jawˇ le-euˬ meh.

Aˇ dahˬ 35:23

Yaˬkoˆ-euˬ aˬ li tseˇ nyiꞈ li jawˇ-eu meh. Leˇaˬ o neh jawˇ le-euˬ aˬ li deuˬ-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ aˬ ha mehˇ nmˇ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Doˆ-iˇ 3:7

Kʼoeˇ naˇ, Miˬyehˇ ehˇ-eu, “Iˇjiˇtuˆ miˇ kʼahˬ laꞈ kʼoeˇ, ngaˬ-euˬ tsawˇ haˬ deuˬ-ahˇ aˬ cawˬ aˇ naˆ ni kʼehˬ nehˬ kʼaˆ nehˬ luꞈ-eu ngaˇ ya mawˇ gʼaˬ-euˬ ma. Aˬ yawꞈ maꞈ-ahˇ kʼehˬ luꞈ-eu, zaˬ kʼaˆ-ahˇ gaˇ bi mˇ-eu tsawˇ haˬ deuˬ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ ka kʼoꞈ nehˬ laꞈ-awˬ lehˇ ngoeˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma. Aˬ yawꞈ maꞈ ya daˬ luꞈ-eu jeˬ dawˬ tawˆ luꞈ, ngaˇ siˬ luꞈ mawˇ luꞈ ma.

Maˬlaˬkiˇ 1:3

Iˇsawˇ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ bye-euˬ ma. Iˇsawˇ jawˇ-eu gawˬ jawˬ gawˬ duˇ miˇ kʼahˬ deuˬ-ahˇ ngaˇ ngehˬ maˬ gʼeh ni byehˇ byoˆ nehˬ-awˇ, bawˇ tsahˬ jeˬ zaˬ jawˇ duˬ bi pyeuꞈ-iˇ-euˬ ma.”

Maꞈtehˬ 10:37

“Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ da aˬ ma-ahˇ gaˬ dzehˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a. Ngaˬ-ahˇ gaˬ-eu naˆ maˬ tseˇ, yawˬ ha-euˬ aˬ buˇ aˬ li-ahˇ gaˬ-eu tsawˇ haˬ aˬ geu gʼaˬ maˬ kaˬ, ngaˬ-euˬ gʼaˬ kʼehˇ geuꞈ-eu maˬ geuˇ-a.

Maꞈtehˬ 6:24

“Tsawˇ haˬ tiˬ gʼaˬ-iˬ sahˬ paˬ nyiˬ gʼaˬ-euˬ zaˬ kʼaˆ maˬ geuꞈ nya-a. Tiˬ gʼaˬ-ahˇ bye naˇ, tiˬ gʼaˬ-ahˇ gaˬ tehꞈ-a. Tiˬ gʼaˬ-ahˇ yaw zeu baw naˇ, tiˬ gʼaˬ-ahˇ yaw zeu maˬ baw-aˇ. Naw maꞈ-aˬ, Miˬyehˇ-euˬ zaˬ kʼaˆ hawˇ-eu pyuˇ shuiˇ myawˬ gahˬ-euˬ zaˬ kʼaˆ, nyiˬ jeˬ luꞈ tiˬ kawˆ loꞈ-ehˇ maˬ geuꞈ nya-a.

Luˇkaꞈ 1:7

Eˇliˇsaˬbehˆ maˬ baw aˬ ma pyeuꞈ-eu miˇ neh, aˬ nyaꞈ dzeˇ zaˬ zaˬ maˬ jawˇ-ehˇ, nyiˬ gʼaˬ luꞈ mawˬ dui dui le-euˬ meh.

Luˇkaꞈ 14:26

“Ngaˬ-euˬ mehˬ nah caw teh laˇ-eu tsawˇ haˬ aˬ geu gʼaˬ maˬ kaˬ, yawˬ ha-euˬ aˬ da aˬ ma, yawˬ ha-euˬ miˬ sawˇ zaˬ, yawˬ ha-euˬ mehˇ nmˇ dmˇ ma deuˬ-ahˇ byehˇ dzeh coeˇ-eu uˬ taꞈ, yawˬ haˇ yawˬ ha maˬ byehˇ dzeh coeˇ naˇ, ngaˬ-euˬ zaˬ lahˇ maˬ geuꞈ nya-a.

Yoˇhaˬ 12:25

Yawˬ ha-euˬ dehꞈ-eu jeˬ-ahˇ gaˬ-eu tsawˇ haˬ-aˬ, dehꞈ-eu jeˬ-ahˇ smˬ-iˇ tehꞈ-a. Miˇ tsaˬ kʼoeˇ taˆ dehꞈ ngeh yawˬ ha-euˬ dehꞈ-eu jeˬ-ahˇ muiˇ-eu tsawˇ haˬ-aˬ, mˬ maˬ maˬ byaˆ zaˇ ziˇ dehꞈ-eu jeˬ-ahˇ za tehꞈ-a.

Gʼaˬkʼehˇ 7:8

Kʼoeˇ naˇ, Miˬyehˇ neh Aˬbyaˬhaˬ-ahˇ baˆ kʼoˆ mehˬ dzaˬ yehˬ-eu zahˇ bi jahˇ-eu laꞈ kʼoeˇ, dawˬ ma saˇ jaˇ dzaˬ-euˬ meh. Kʼoeˇ miˇ neh, Iˇtsaˆ dehꞈ le-awˇ tiˬ jaw byah laˇ ngeh, Aˬbyaˬhaˬ neh aˬ yawꞈ-euˬ aˬ li Iˇtsaˆ-ahˇ baˆ kʼoˆ mehˬ dzaˬ yehˬ nehˬ-euˬ meh. Kʼoeˇ loꞈ-ehˇ duˇ ni, Iˇtsaˆ gʼeh, aˬ yawꞈ-euˬ aˬ li Yaˬkoˆ-ahˇ baˆ kʼoˆ mehˬ dzaˬ yehˬ nehˬ-euˬ meh. Yaˬkoˆ gʼeh, aˬ yawꞈ-euˬ aˬ li tseˇ nyiꞈ li-ahˇ baˆ kʼoˆ mehˬ dzaˬ yehˬ nehˬ-euˬ meh. Aˬ li kʼoeˇ tseˇ nyiꞈ liˬ-aˬ, aˬ dui tsawˇ jeuˬ-euˬ tsawˇ myahˇ doˆ-eu aˬ poeˬ deuˬ pyeuꞈ-eu meh.

Dawˬmehˬ 21:15

“Tsawˇ haˬ tiˬ gʼaˬ miˬ zaˬ nyiˬ gʼaˬ sheuˬ-awˇ, nyiˬ gʼaˬ luꞈ aˬ li jawˇ le-euˬ ehˇ-awˬ. Ehˇ kʼawꞈ, dehꞈ beh beh le-euˬ aˬ li aˬ yuiꞈ gʼaˬ-aˬ, aˬ yawꞈ nui ma tsaˬ dzehˬ-eu ma-euˬ aˬ li maˬ ngeuˇ-eu ehˇ-awˬ.

Luˇta 4:13

Kʼoeˇ naˇ, Luˇta-ahˇ aˬ yawꞈ-euˬ nymˇ-ahˇ Bawˇza sheuˬ kʼoꞈ gʼeh-awˇ, aˬ yawꞈ-euˬ miˬ zaˬ pyeuꞈ laˇ-euˬ meh. Luˇta-ahˇ Sahˬpaˬ Miˬyehˇ guiˬ lahˬ biꞈ nehˬ-euˬ miˇ neh, aˬ nyiˇ pi leˇ-awˇ, aˬ li tiˬ li ciˬ-euˬ meh.

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.

1 Saˬmeuˬlaˆ 1:27

Aˬ li heu li za ni aˬ yawꞈ-ahˇ ngaˇ guiˬ lahˬ shaˇ-awˇ, ngaˬ neh kʼaˇ shaˇ-euˬ loꞈ-ehˇ biꞈ nehˬ laꞈ-euˬ meh.

1 Saˬmeuˬlaˆ 1:5

Haˬnahˬ-ahˇ aˬ yawꞈ gaˬ dui dui kʼawꞈ, shaˬ jiˇ tiˬ bymˇ tehꞈ-ehˇ aˬ yawꞈ biˇ oꞈ nehˬ-eu meh. Aˬ jeˬ miˇ neh ehˇ naˇ, Haˬnahˬ-ahˇ Sahˬpaˬ Miˬyehˇ zaˬ maˬ bi jawˇ le-euˬ miˇ neh meh.

1 Saˬmeuˬlaˆ 2:21

Haˬnahˬ-ahˇ Sahˬpaˬ Miˬyehˇ aˬ diˇ aˬ maˇ guiˬ lahˬ biꞈ nehˬ-awˇ, aˬ li smˬ li hawˇ-eu aˬ buˇ nyiˬ buˇ paˇ bi jawˇ le-euˬ meh. Aˬ li Saˬmeuˬlaˆ gʼaˬ-aˬ, Sahˬpaˬ Miˬyehˇ-euˬ gaˇ mˇ mˇ-ehˇ huiˬ laˇ luꞈ-eu meh.