Aˇ dahˬ 29:3 - Akha

³ Yawˇ yawˇ maꞈ deuˬ kʼoeˇ gaˇ kʼaˇ oe uiˬ jiˇ ngeh, yawˇ bo-eu deuˬ ga uiˬ-awˇ kʼaˬ lo kʼoeˇ siˬ ngawˬ dzeh gʼaˬ miˇ tsa tehꞈ-ehˇ, yawˇ deuˬ-ahˇ iˇ cuꞈ bi dawˇ nya-eu meh. Iˇ cuꞈ bi dawˇ gʼaˬ naˇ, kʼaˬ lo kʼoeˇ siˬ tiˬ poˆ paˇ ya ngawˬ tsoeˬ yaꞈ-eu meh.

Aˇ dahˬ 29:3 ပူးပေါင်းရင်းမြစ်များ

Aˇ dahˬ 29:2

Deh ga-ahˇ jaˆ-eu lah duˬ tiˬ duˬ dawˬ peh aˬ yawꞈ iˇ keuˆ-awˇ, lah duˬ kʼoeˇ duˬ dawˬ peh yawˇ yawˇ maꞈ smˇ maꞈ yawꞈ luꞈ gaˇ aˬ yawꞈ ya mawˇ-euˬ meh. Lah duˬ kʼoeˇ duˬ-aˬ, yawˇ kʼoeˇ deuˬ-ahˇ iˇ cuꞈ bi dawˇ duˬ pyeuꞈ-awˇ, lah duˬ mehˬ kʼehˬ-ahˇ kʼaˬ lo lo ma ngawˬ tsoeˬ taˬ-euˬ meh.

Aˇ dahˬ 29:4

“Mawˬ cawˬ-oˇ , naw maꞈ aˬ gaˇ jawˇ te” lehˇ, yawˇ bo-eu deuˬ-ahˇ Yaˬkoˆ naˇ haˬ ngeh, “Nga maꞈ Haˬlaˬ meuˬ-ahˇ jawˇ-eu ma” lehˇ aˬ yawꞈ maꞈ ehˇ-eu meh.

Aˇ dahˬ 29:8

Aˬ yawꞈ maꞈ ehˇ-eu, “Yawˇ yawˇ maꞈ dawˬ tawˆ luꞈ heu gaˇ teh keuˆ leꞈ jiˇ-awˇ, yawˇ bo-eu deuˬ ga uiˬ-awˇ kʼaˬ lo heu siˬ ngawˬ dzeh gʼaˬ miˇ tsa maˬ ngeuˇ naˇ, yawˇ heu deuˬ-ahˇ iˇ cuꞈ maˬ bi dawˇ nya-a siˬ.”

Doˆ-iˇ 2:17

Ehˇ kʼawꞈ yawˇ bo-eu tsawˇ haˬ tiˬ paˆ na deuˬ, aˬ buˇ kʼoeˇ deuˬ-ahˇ teh dzeh-euˬ meh. Kʼoeˇ ngeh, Moˇseˬ aˬ buˇ kʼoeˇ deuˬ paw pyawˬ-awˇ, jeˬ zaˬ-ahˇ iˇ cuꞈ bi dawˇ-euˬ meh.

Dawˬ caˇ 4:12

Ngaˇ gaˬ-eu ngaˬ-euˬ zaˬ kʼaˬ-aˬ, ciˬ cuˇ ni jaˆ-eu yaˇ kmˇ-ahˇ duˇ nya. Yaw muiˬ paˬ-ehˇ mˇ gʼoeˬ taˬ-awˇ iˇ cuꞈ lah jaˆ-eu yaˇ kmˇ-ahˇ duˇ nya.

Yaˇ kʼaˬ daˇ 5:11

Naˇ haˬ yawˬ. Lah duˬ dawˬ peh uiˬ leˇ-awˇ lawꞈ gʼa luꞈ-eu deuˬ, Sahˬpaˬ Miˬyehˇ gʼaˬ leˇ-euˬ gaˇ kawˆ, Iˇsaˬleˬlaˆ tsawˇ haˬ deuˬ gʼaˬ leˇ-euˬ gaˇ kawˆ, aˬ yawꞈ maꞈ ja luꞈ meh. Kʼoeˇ naˇ, Sahˬpaˬ Miˬyehˇ-euˬ tsawˇ haˬ deuˬ, aˬ yawꞈ maꞈ-euˬ meuˬ-ahˇ neh doˆ-iˇ-euˬ meh.