Aˇ dahˬ 29:20 - Akha

²⁰ Yaˬkoˆ-aˬ, Laˬkeˬlaˇ-ahˇ ya sheuˬ-eu gʼaˇ duˬ, shiꞈ kʼoꞈ keuˆ ni Laˬbaˬ-euˬ gaˇ mˇ nehˬ-euˬ meh. Laˬkeˬlaˇ-ahˇ aˬ yawꞈ gaˬ dui dui-eu miˇ neh, aˇ yamˬ kʼoeˇ myah ni ga-iˇ-euˬ kʼawꞈ, tiˬ kʼehˇ laˇ kʼehˬ tehꞈ nya lehˇ aˬ yawꞈ noeˬ-euˬ meh.

Aˇ dahˬ 29:20 ပူးပေါင်းရင်းမြစ်များ

Aˇ dahˬ 24:67

Kʼoeˇ ngeh, Iˇtsaˆ-aˬ, aˬ yawꞈ aˬ ma Saˬlaˇ yaw dehꞈ dehꞈ ngeh jawˇ-euˬ sehˬ gʼawˆ laꞈ kʼoeˇ Leˬbehˇkaꞈ-ahˇ sheuˬ uˇ gʼeh-awˇ, aˬ yawꞈ-euˬ miˬ zaˬ bi pyeuꞈ laˇ-euˬ meh. Iˇtsaˆ Leˬbehˇkaꞈ-ahˇ gaˬ-eu miˇ neh, aˬ yawꞈ aˬ ma shiˇ-euˬ gaˇ noeˬ luꞈ-eu nui ma byoˆ-iˇ-euˬ meh.

Aˇ dahˬ 29:19

Laˬbaˬ ehˇ-eu, “Aˬ cawˬ-ahˇ bi mˇ dzaˬ-iˇ-eu naˆ maˬ tseˇ, nawˬ-ahˇ bi mˇ dzaˬ le ma. Nawˇ ngaˬ nehˬ-ehˇ jawˇ-awˬ.”

Aˇ dahˬ 29:27

Oeˇ mˇ baˇ-eu zahˇ jahˇ gʼaˬ jiˇ-awˇ, dzaˬ byawˇ lawˇ-eu aˇ yamˬ heu shiꞈ nah buˬ-iˇ ngeh keuˆ ni dawˬ tawˬ siˬ. Nawˇ ngaˬ-ahˇ dzaiˇ shiꞈ kʼoꞈ gaˇ paˇ mˇ nehˬ laꞈ naˇ, Laˬkeˬlaˇ nawˬ-ahˇ bi mˇ dzaˬ laˇ ma.”

Aˇ dahˬ 29:30

Laˬkeˬlaˇ nehˬ-ehˇ Yaˬkoˆ yuꞈ taꞈ-awˇ, Leˇaˬ-ahˇ naˆ maˬ tseˇ Laˬkeˬlaˇ-ahˇ aˬ yawꞈ gaˬ-euˬ meh. Kʼoeˇ naˇ, shiꞈ kʼoꞈ keuˆ ni, Laˬbaˬ-euˬ gaˇ aˬ yawꞈ paˇ mˇ nehˬ-euˬ meh.

Aˇ dahˬ 30:26

Ngaˇ nawˬ-euˬ gaˇ mˇ nehˬ-euˬ baˬ da neh nawˬ neh bi sheuˬ dahˬ dzaˬ laꞈ-euˬ nawˬ buˇ deuˬ hawˇ-eu, ngaˬ-euˬ zaˬ deuˬ-ahˇ kʼawꞈ, bi sheuˬ kʼoꞈ gʼeh nehˬ laꞈ-awˬ. Ngaˇ nawˬ-ahˇ aˇ naˆ ni caw ba nehˬ-euˬ nawˇ siˬ nya meh.”

Aˇ dahˬ 31:15

Nga nyaꞈ nmˇ-ahˇ, boeˇ miˬ siˬ kʼaˬ loꞈ-ehˇ aˬ yawꞈ sawˇ dzeh nehˬ laꞈ-euˬ meh. Nga nyaꞈ nmˇ-ahˇ ahˬ dzaˬ-awˇ za-euˬ aˇ poeˬ dawˬ tawˆ luꞈ, aˬ yawꞈ zmˬ dzeh jiˇ-euˬ meh.

Aˇ dahˬ 34:19

Yaˬkoˆ-euˬ aˬ buˇ-ahˇ Sheˬkmˬ mawꞈ dui dui leˇ-eu miˇ neh, nyi naˬ nyi naˬ-ehˇ maˬ jawˇ ni, aˬ ha mehˇ nmˇ neh kʼaˇ ehˇ-euˬ loꞈ-ehˇ geuꞈ ma lehˇ, tiˬ poˆ tehꞈ-ehˇ ehˇ tsehˆ-euˬ meh. Sheˬkmˬ-aˬ, Hiˇbiˇ tsawˇ jeuˬ laꞈ kʼoeˇ aˬ cawˬ naˆ maˬ tseˇ myaˆ pyawˬ naˇ mehˇ jaˆ-eu gʼaˬ pyeuꞈ-eu meh.

Hawˇseˬ 12:12

Aˬ dui-euˬ aˬ poeˬ Yaˬkoˆ-aˬ, miˬ zaˬ tiˬ gʼaˬ sheuˬ-euˬ aˇ poeˬ, aˬ cawˬ-euˬ yawˇ bo nehˬ-euˬ meh.

Hawˇseˬ 12:13

Iˇjiˇtuˆ-ahˇ zaˬ kʼaˆ geuꞈ-eu, Iˇsaˬleˬlaˆ tsawˇ haˬ deuˬ-ahˇ, ka kʼoꞈ-awˇ sheuˬ gʼeh-eu gʼaˇ duˬ, aˬ dui Miˬyehˇ neh kʼehˇ doˆ-euˬ, Bawˇlawˇpeh tiˬ gʼaˬ oe-euˬ meh.

1 Gawˇliˬtu 13:7

Gʼoeˇ-eu gaˬ-eu jeˬ-aˬ, dawˬ tawˆ luꞈ-ahˇ daˬ coeˇ-eu meh. Dawˬ tawˆ luꞈ-ahˇ jah coeˇ-eu meh. Dawˬ tawˆ luꞈ-ahˇ noeˬ tmˬ coeˇ-eu meh. Dawˬ tawˆ luꞈ-ahˇ oˇ coeˇ-eu meh.

2 Gawˇliˬtu 5:14

Ka li-euˬ gʼoeˇ-eu gaˬ-eu jeˬ nga maꞈ-ahˇ uˆ lahˇ luꞈ-eu meh. Tsawˇ haˬ dawˬ tawˆ luꞈ gʼaˇ duˬ tsawˇ haˬ tiˬ gʼaˬ shiˇ dah-euˬ meh lehˇ nga maꞈ jah duˬ taˬ-euˬ ma. Kʼoeˇ miˇ neh, dawˬ tawˆ luꞈ aˬ yawꞈ nehˬ-ehˇ shiˇ-euˬ gaˇ duˇ-eu meh.

Eˇpeˇsu 5:2

Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

1 Saˬmeuˬlaˆ 18:23

Gaˇ kawˆ kʼoeˇ Daˬbiˇ-ahˇ aˬ yawꞈ maꞈ ehˇ nehˬ ngeh, “Ngaˇ loꞈ-ehˇ gʼeh-eu teˬ dui dui-eu yaw shaˬ zaˬ tiˬ gʼaˬ, sahˬ paˬ-euˬ zaˬ miˬ yuˇ-eu gʼaˇ duˬ maˬ awˬ-a” lehˇ Daˬbiˇ ehˇ-eu meh.