Aˇ dahˬ 29:13 - Akha

¹³ Laˬbaˬ-aˬ, aˬ yawꞈ-euˬ zaˬ oeˇ oe keuˆ-euˬ gaˇ kawˆ ya gaˬ ngeh, cehˆ gʼeh-awˇ ha laˬ-iˇ-euˬ meh. Yaˬkoˆ-ahˇ aˬ yawꞈ byaˇ cuꞈ-awˇ, mehˬ cuˇ cuˇ nehˬ gʼaˬ-awˇ , iˇ kahˇ-ahˇ sheuˬ kʼoꞈ laꞈ-euˬ meh. Kʼoeˇ naˇ, kʼaˇ pyeuꞈ laˇ-euˬ gaˇ kawˆ dawˬ tawˆ luꞈ, Laˬbaˬ-ahˇ Yaˬkoˆ dzawˇ nehˬ-euˬ meh,

Aˇ dahˬ 29:13 ပူးပေါင်းရင်းမြစ်များ

Aˇ dahˬ 24:29

Laˬbaˬ lehˇ myahˇ-euˬ Leˬbehˇkaꞈ-euˬ aˬ mahˇ aˬ da tiˬ gʼaˬ jawˇ-eu meh. Lah duˬ-ahˇ Aˬbyaˬhaˬ-euˬ zaˬ kʼaˆ jawˇ gaˇ iˇ-eu lehˇ, Laˬbaˬ coeˬ doˆ gʼeh-euˬ meh.

Aˇ dahˬ 24:31

Zaˬ kʼaˆ kʼoeˇ gʼaˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ nehˬ-ehˇ ngaˬ-euˬ nymˇ-ahˇ laˇ-awˬ. Nawˇ-aˬ, Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ tiˬ gʼaˬ nga. Aˬ jeˬ miˇ neh heu gaˇ yawꞈ yawꞈ-ehˇ jawˇ te. Ngaˬ-euˬ nymˇ-ahˇ nawˬ-euˬ gʼaˇ duˬ yuꞈ duˬ jawˇ duˬ laˆ saˆ taˬ gʼaˬ-euˬ ma. Nawˬ-euˬ law taw deuˬ gʼaˇ duˬ kʼawꞈ, jawˇ duˬ jaˆ ma.”

Aˇ dahˬ 24:32

Kʼoeˇ naˇ, zaˬ kʼaˆ kʼoeˇ gʼaˬ Laˬbaˬ-euˬ nymˇ-ahˇ caw teh gʼeh leꞈ-euˬ meh. Law taw kʼaˆ daˬ deuˬ-ahˇ Laˬbaˬ baꞈ ka-awˇ, gʼoˆ yoeˬ hawˇ-eu dzaˇ bi dzaˬ-euˬ meh. Aˬbyaˬhaˬ-euˬ zaˬ kʼaˆ kʼoeˇ gʼaˬ hawˇ-eu aˬ yawꞈ-euˬ tsawˇ haˬ deuˬ aˬ kuiˇ bi dzuiꞈ-eu gʼaˇ duˬ, aˬ yawꞈ iˇ cuꞈ kʼawꞈ nehˬ-euˬ meh.

Aˇ dahˬ 33:4

Ehˇ kʼawꞈ, Yaˬkoˆ jawˇ gaˇ Iˇsawˇ cehˆ gʼeh-awˇ, Yaˬkoˆ-ahˇ byaˇ cuꞈ-awˇ mehˬ cuˇ cuˇ nehˬ-euˬ meh. Kʼoeˇ ngeh, aˬ yawꞈ nyaꞈ nyiˬ mehˇ nmˇ luꞈ ngoeˇ-euˬ meh.

Aˇ dahˬ 45:15

Yoˇsehˆ ngoeˇ ngoeˇ-ehˇ, aˬ ha mehˇ nmˇ tiˬ gʼaˬ saˇ-iˬ tiˬ gʼaˬ-ahˇ byaˇ cuꞈ-awˇ, mehˬ cuˇ cuˇ nehˬ-euˬ meh. Kʼoeˇ naˇ, aˬ ha mehˇ nmˇ aˬ yawꞈ nehˬ-ehˇ dawˬ ja ja cawˬ-euˬ meh.

2 Saˬmeuˬlaˆ 19:39

Kʼoeˇ naˇ, Daˬbiˇ hawˇ-eu aˬ yawꞈ-euˬ tsawˇ haˬ dawˬ tawˆ luꞈ Yawˇdaˬ lawˇ baˬ tsehˆ doˆ-euˬ meh. Baˬziˇlehˇ-ahˇ aˬ yawꞈ mehˬ cuˇ cuˇ nehˬ-awˇ, dawˬ ngehˬ gʼeh nehˬ yaꞈ-euˬ meh. Kʼoeˇ naˇ, Baˬziˇlehˇ gʼoꞈ leˇ-euˬ meh.

Doˆ-iˇ 18:7

Kʼoeˇ ngeh, Moˇseˬ aˬ yawꞈ-ahˇ tahˬ puˬ leˇ-awˇ, aˬ yawꞈ-euˬ mehˬ shi uˬ duˬ tahˬ moꞈ-awˇ, aˬ yawꞈ-ahˇ mehˬ cuˇ cuˇ-euˬ meh. Aˬ yawꞈ nyaꞈ tiˬ gʼaˬ tiˇ gʼaˬ dawˬ cawˬ puˬ-awˇ, Moˇseˬ-euˬ sehˬ gʼawˆ laꞈ kʼoeˇ uˇ-iˇ-euˬ meh.

Doˆ-iˇ 4:27

Aˇ yamˬ kʼoeˇ yamˬ laꞈ kʼoeˇ, “Moˇseˬ-ahˇ tahˬ puˬ-iˇ-eu gʼaˇ duˬ, bawˇ tsahˬ bawˇ dahˇ-ahˇ iˇ-awˬ” lehˇ, Aˬloˬ-ahˇ Sahˬpaˬ Miˬyehˇ ehˇ nehˬ-euˬ meh. Kʼoeˇ ngeh, Aˬloˬ iˇ-awˇ, Moˇseˬ-ahˇ muiˬ-eu shawˇ-eu gawˬ jawˬ-ahˇ tahˬ puˬ-awˇ, mehˬ cuˇ cuˇ nehˬ-euˬ meh.

Luˇkaꞈ 7:45

Nawˇ ngaˬ-ahˇ mehˬ cuˇ cuˇ-awˇ maˬ ha nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ-aˬ, ngaˇ uˇ laˇ ngeh neh nymˬ-mˇ keuˆ ni, ngaˬ-euˬ aˬ kuiˇ-ahˇ mehˬ cuˇ cuˇ-eu maˬ naˬ leˇ-aˬ siˬ.

Gʼaˬkʼehˇ 20:37

Aˬ yawꞈ maꞈ ngoeˇ ngoeˇ-ehˇ, Pawˇluˆ-ahˇ byaˇ tehˬ-awˇ mehˬ cuˇ cuˇ nehˬ-euˬ meh.

Lormav 16:16

Ka li zaˬ-euˬ gʼoeˇ-eu gaˬ-eu jeˬ laꞈ kʼoeˇ tiˬ gʼaˬ tiˇ gʼaˬ mehˬ cuˇ cuˇ-awˇ ha geuꞈ-awˬ. Ka li-euˬ aˇ muˇ dawˬ tawˆ luꞈ, naw maꞈ-ahˇ noeˬ mawˇ-eu dawˬ tsaꞈ ahˇ laꞈ-eu ma.

Gawˇlawˇsehˇ 4:5

Ka li-ahˇ maˬ jah-eu tsawˇ haˬ deuˬ-euˬ mehˬ shi zaˬ siˬ tsawˇ gahˇ ahˇ-eu tsawˇ haˬ loꞈ-ehˇ dehꞈ-awˬ. Aˇ yamˬ kʼaˇ tsaˬ laˇ ngeh, yawˬ ha jah-eu tsawˇ haˬ pyeuꞈ-eu gaˇ kawˆ aˬ cawˬ-ahˇ bi siˬ bi mawˇ-awˬ.