Aˇ dahˬ 28:3 - Akha

³ Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 28:3 ပူးပေါင်းရင်းမြစ်များ

Aˇ dahˬ 1:28

Kʼoeˇ naˇ, heu loꞈ-ehˇ dawˬ ngehˬ gʼeh-awˇ guiˬ lahˬ biꞈ nehˬ-euˬ meh. “Jeuˬ le o le-awˬ. Naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ-awˇ, miˇ tsaˬ-ahˇ uˆ lahˇ luꞈ-uˇ. Ngaˬ shaˬ ngaˬ deˇ, ho zaˬ nga jiˇ hawˇ-eu, bawˇ tsahˬ jeˬ zaˬ deuˬ-ahˇ haw-eu pyaˆ-eu gʼaˇ duˬ, ngaˇ naw maꞈ-ahˇ gaˇ biꞈ-eu ma.

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 17:20

Iˇshaˬmeˬlaˇ gʼaˇ duˬ kʼawꞈ nawˇ ngaˬ-ahˇ shaˇ-eu ngaˇ ya gaˬ gʼaˬ-euˬ miˇ neh, aˬ yawꞈ-euˬ zaˬ deuˬ uˆ deuˬ-ahˇ ngaˇ bi jeuˬ bi o le ma. Aˬ yawꞈ-ahˇ sahˬpaˬ zaˬ yo tseˇ nyiꞈ gʼaˬ-euˬ aˬ da yaw dzahˇ bi pyeuꞈ laˇ-awˇ, aˬ yawꞈ-euˬ zaˬ deuˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 24:60

Aˬ yawꞈ maꞈ Leˬbehˇkaꞈ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Zaˬ miˬ dmˇ ma-oˇ, nawˇ-aˬ, maˬ gui jiˇ coeˇ-eu tsawˇ haˬ deuˬ-euˬ aˬ ma ma dzahˇ pyeuꞈ laˇ luꞈ-uˇ. Nawˬ-euˬ zaˬ nawˬ-euˬ uˆ deuˬ-aˬ, aˬ yawꞈ maꞈ-ahˇ muiˇ-eu tsawˇ haˬ deuˬ-euˬ meuˬ deuˬ-ahˇ deuˆ gʼaˬ luꞈ-uˇ.”

Aˇ dahˬ 26:24

Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 26:4

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ tsehˬ-eu aˬ guiˇ deuˬ loꞈ-ehˇ bi jeuˬ bi o le-awˇ, miˇ kʼahˬ heu kʼahˬ kʼahˬ lah ni, aˬ yawꞈ maꞈ-ahˇ ngaˇ biꞈ ma. Nawˬ-euˬ zaˬ nawˬ-euˬ uˆ deuˬ-ahˇ ngaˇ guiˬ lahˬ biꞈ nehˬ-eu loꞈ-ehˇ, aˬ yawꞈ maꞈ-ahˇ kʼawꞈ biꞈ nehˬ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.

Aˇ dahˬ 27:33

Kʼoeˇ ngeh, Iˇtsaˆ tsawˬ guˆ-iˇ-awˇ, yaw dzuˬ dzuˬ-eu laꞈ kʼoeˇ ehˇ-eu, “Toˆ-ehˇ maˇ-iˬ, uˬ soe shaˬ jiˇ sehꞈ-awˇ ngaˬ-ahˇ dzaˇ jahˇ ha laˇ-euˬ kʼoeˇ gʼaˬ aˬ suˇ gʼaˬ-a. Nymˬ-mˇ nawˇ uˇ laˇ ngeh, shaˬ jiˇ kʼoeˇ ngaˇ dzaˬ gʼaˬ-euˬ tiˬ dehˬ tehꞈ te siˬ. Aˬ yawꞈ-ahˇ ngaˇ dawˬ ngehˬ gʼeh nehˬ gʼaˬ dzeuˇ-euˬ ma. Aˬ yawꞈ-aˬ, mˬ maˬ maˬ byaˆ zaˇ ziˇ guiˬ lahˬ za-euˬ tsawˇ haˬ pyeuꞈ laˇ gʼaˬ-euˬ meh” lehˇ, Iˇsawˇ-ahˇ ehˇ nehˬ-euˬ meh.

Aˇ dahˬ 35:11

Kʼoeˇ naˇ, Yaˬkoˆ-ahˇ Miˬyehˇ ehˇ nehˬ-eu, “Ngaˇ-aˬ, Baoˬ huiˬ-eu Miˬyehˇ pyeuꞈ-eu ma. Nawˬ-euˬ zaˬ deuˬ jeuˬ le o le luꞈ-uˇ. Nawˬ-euˬ o neh tsawˇ jeuˬ gʼawˬ mya jeuˬ doˆ laˇ-awˇ, nawˇ-aˬ, miˇ kʼahˬ-ahˇ uˆ lahˇ-eu sahˬ paˬ deuˬ-euˬ aˬ da yaw dzahˇ ya pyeuꞈ laˇ tehꞈ-a.

Aˇ dahˬ 41:52

Kʼoeˇ naˇ, “Ngaˇ ya shaˬ ya zahˬ-euˬ miˇ kʼahˬ-ahˇ, Miˬyehˇ ngaˬ-ahˇ guiˬ lahˬ biꞈ-awˇ, zaˬ bi jawˇ le nehˬ laꞈ-euˬ nga” lehˇ aˬ yawꞈ paˇ ehˇ-awˇ, aˬ li aˬ nyiˇ gʼaˬ-ahˇ Eˇpaˬleˬ lehˇ myahˇ nehˬ-euˬ meh.

Aˇ dahˬ 43:14

Tsawˇ haˬ kʼoeˇ gʼaˬ nawˬ ha mehˇ nmˇ-ahˇ gʼawˬ shaˬ gaˬ nehˬ laꞈ-eu laꞈ kʼoeˇ, Beˬyaˬmiˬ hawˇ-eu Suˇmoˬ-ahˇ pyehˬ nehˬ-awˇ bi gʼoꞈ laˇ-eu gʼaˇ duˬ, baoˬ huiˬ-eu Miˬyehˇ aˬ yawꞈ-euˬ nui ma-ahˇ laˆ saˆ nehˬ luꞈ-uˇ. Ngaˬ-euˬ gʼaˇ duˬ law nmˇ-aˬ, ngaˬ-euˬ zaˬ heu deuˬ-ahˇ maˇ maˇ ni ya sm-iˇ meh lehˇ ngeuˇ naˇ kʼawꞈ, bi sm-iˇ-eu maˬ ngeuˇ naˇ tiˬ jeˬ-iˬ maˬ paˇ gʼeh nya miˇ-a” lehˇ ehˇ nehˬ-euˬ meh.

Aˇ dahˬ 48:3

Kʼoeˇ ngeh, Yoˇsehˆ-ahˇ Yaˬkoˆ ehˇ nehˬ-eu, “Kaˬnaˬ miˇ kʼahˬ laꞈ kʼoeˇ jaˆ-eu Luˇzaˆ meuˬ-ahˇ, Baoˬ huiˬ-eu Miˬyehˇ ngaˬ-euˬ mehˬ shi doˆ le-awˇ, ngaˬ-ahˇ guiˬ lahˬ biꞈ nehˬ laꞈ-euˬ meh.

Aˇ dahˬ 48:4

Aˬ yawꞈ ngaˬ-ahˇ ehˇ-eu, ‘Nawˬ-euˬ zaˬ nawˬ-euˬ uˆ deuˬ tsawˇ jeuˬ gʼawˬ mya jeuˬ pyeuꞈ laˇ ni, aˬ yawꞈ maꞈ-ahˇ ngaˇ bi jeuˬ bi o le ma. Miˇ kʼahˬ heu kʼahˬ, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ tsehˆ nehˬ ma’ lehˇ ehˇ-eu meh.

Aˇ dahˬ 49:25

Nawˬ da-euˬ Miˬyehˇ nawˬ-ahˇ caw ba tehꞈ-a. Nawˬ-ahˇ guiˬ lahˬ yaw dzahˇ biꞈ-eu yaw sahˇ Baoˬ huiˬ-eu Miˬyehˇ-aˬ, Mˬ kʼoeˇ taˆ neh yoeˇ le-euˬ uˬ yehˇ iˇ cuꞈ hawˇ-eu Miˇ tsaˬ dawˬ dah neh doˆ laˇ-euˬ iˇ cuꞈ biꞈ nehˬ laꞈ tehꞈ-a. Zaˬ oeˬ sahˇ-awˇ jeˬ zaˬ behˇ ni, aˬ yawꞈ guiˬ lahˬ biꞈ laꞈ tehꞈ-a.

Aˇ dahˬ 9:1

Noˇaˬ hawˇ-eu aˬ yawꞈ-euˬ aˬ li deuˬ-ahˇ Miˬyehˇ guiˬ lahˬ biꞈ-awˇ, heu loꞈ-ehˇ ehˇ nehˬ-euˬ meh. “Miˇ tsaˬ kʼoeˇ taˆ naw maꞈ-euˬ zaˬ deuˬ dehꞈ byah jawˇ byah jiˇ ngeh keuˆ ni jeuˬ le o le-awˬ.

Jaceuq 127:1

Sahˬpaˬ Miˬyehˇ neh tsoˆ-euˬ maˬ ngeuˇ naˇ, nymˇ tsoˆ-eu tsawˇ haˬ deuˬ neh mˇ-euˬ gaˇ yawꞈ ngehꞈ meh. Sahˬpaˬ Miˬyehˇ neh loꞈ piˇ-euˬ maˬ ngeuˇ naˇ, meuˬ-ahˇ loꞈ piˇ-eu tsawˇ haˬ deuˬ maˬ yuꞈ ni loꞈ kʼawꞈ yawꞈ ngehꞈ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Doˆ-iˇ 1:7

Ehˇ kʼawꞈ, aˬ yawꞈ maꞈ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ behˇ laˇ-awˇ, myaˬ dui dui laˇ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ byah-euˬ meh.

Doˆ-iˇ 6:3

Aˬ byaˬ haˬ, Iˇtsaˆ hawˇ-eu Yaˬkoˆ-ahˇ, Baoˬ huiˬ-eu Miˬyehˇ loꞈ-ehˇ ngaˬ-euˬ gʼawˇ mawˇ ngaˇ pah mehˬ nehˬ-euˬ ma. Ehˇ kʼawꞈ, Sahˬpaˬ Miˬyehˇ lehˇ kuˇ-eu muiˬ-eu shawˇ-eu ngaˬ-euˬ tsawˇ myahˇ aˬ yawꞈ maꞈ-ahˇ maˬ bi siˬ-aˬ.

2 Gawˇliˬtu 6:18

Ngaˇ naw maꞈ-euˬ aˬ da geuꞈ-awˇ, naw maꞈ ngaˬ-euˬ zaˬ geuꞈ ma lehˇ, Baoˬ huiˬ Sahˬpaˬ Miˬyehˇ ehˇ meh.”

Panmaeq 21:22

Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.

Luˇta 2:4

Tiˬ kʼehˬ keuˆ laˇ naˇ, Behˬlehˬhehˬ meuˬ-ahˇ neh deh yaˇ-ahˇ Bawˇza oe keuˆ-awˇ, “Sahˬpaˬ Miˬyehˇ naw maꞈ nehˬ-ehˇ jawˇ luꞈ-uˇ” lehˇ cehˇ yehˬ-eu deuˬ-ahˇ aˬ yawꞈ dawˬ cawˬ puˬ nehˬ ngeh, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ aˬ yawꞈ maꞈ aˬ yawꞈ-ahˇ paˇ ehˇ kʼoˬ nehˬ-euˬ meh.