Aˇ dahˬ 28:21 - Akha

²¹ ngaˇ tiˬ jeˬ-iˬ maˬ ca laˇ ni ngaˬ da-euˬ nymˇ-ahˇ gʼoꞈ keuˆ-iˇ nya naˇ, nawˇ ngaˬ-euˬ Miˬyehˇ pyeuꞈ tehꞈ-a.

Aˇ dahˬ 28:21 ပူးပေါင်းရင်းမြစ်များ

2 Saˬmeuˬlaˆ 15:8

Suˇliˆ miˇ kʼahˬ Geˬshuˇlaˆ meuˬ-ahˇ ngaˇ jawˇ luꞈ ngeh, Sahˬpaˬ Miˬyehˇ ngaˬ-ahˇ Yeˬluˇsaˬlehˬ meuˬ-ahˇ sheuˬ kʼoꞈ gʼeh nehˬ laꞈ naˇ, Heˬbyoˬ meuˬ-ahˇ le-awˇ aˬ yawꞈ-ahˇ uˬ duˬ tahˬ leˇ ma lehˇ, ngaˬ neh saˇ jaˇ dzaˬ taˬ-euˬ jaˆ-eu ma.”

2 Saˬmeuˬlaˆ 19:24

Kʼoeˇ naˇ, Sawˇluˆ-euˬ oeˬ paˬ Meˬpiˇbawˇshehˆ gʼaˬ, Daˬbiˇ-ahˇ tahˬ puˬ le-eu lehˇ oe-euˬ meh. sahˬ paˬ doˆ-iˇ ngeh tiˬ nah neh, laˬ kʼaˬ tiˬ cehˇ paˇ gʼoꞈ keuˆ laˇ ngeh tiˬ nah keuˆ ni, aˬ yawꞈ aˬ kuiˇ maˬ dzuiꞈ, mehˬ mahˬ maˬ jehˆ-ehˇ, mehˬ tsoeˬ kʼawꞈ maˬ lehˬ tsiˬ dm ni jawˇ-euˬ meh.

2 Saˬmeuˬlaˆ 19:30

Meˬpiˇbawˇshehˆ ehˇ-eu, “Ziˇbaˬ tehꞈ-ehˇ dawˬ tawˆ luꞈ bi geuꞈ jiˇ-awˬ. Nawˬ-euˬ gʼawˇ mawˇ iˇ kahˇ-ahˇ laˬ kʼaˬ tiˬ cehˇ ya gʼoꞈ keuˆ laˇ-euˬ tehꞈ-ehˇ kʼawꞈ, ngaˬ-euˬ gʼaˇ duˬ gʼaˬ miˇ-a.”

2 Sahˬpaˬ 5:17

Neˬmaˬ ehˇ-eu, “Ngaˬ neh biꞈ-euˬ laꞈ sawˬ-ahˇ nawˇ maˬ ha geuꞈ te lehˇ ngeuˇ naˇ kʼawꞈ, mahˬ shaˆ lawˬ nyiˬ mawˇ byah ni miˇ tsaˬ bi tawˬ kʼoꞈ gʼeh nehˬ laꞈ-awˬ. Aˬ jeˬ miˇ neh ehˇ naˇ, nymˬ-mˇ neh aˇ dahˬ beh-awˇ, Sahˬpaˬ Miˬyehˇ-ahˇ maˬ ngeuˇ naˇ, miˬ yehˇ nui gʼaˬ-ahˇ lawˇ-eu shehˇ-eu hawˇ-eu miˬ dzaˬ dzah puiˆ-awˇ lawˇ-eu jeˬ ngaˇ maˬ paˇ lawˇ ma.

1 Laˬsaˬbaˬ 4:10

Ehˇ kʼawꞈ, yaˬbehˆ-aˬ, Iˇsaˬleˬlaˆ tsawˇ jeuˬ-euˬ Miˬyehˇ-ahˇ heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, ngaˬ-ahˇ guiˬ lahˬ biꞈ-eu laꞈ kʼoeˇ, miˇ tsaˬ gʼawˬ mya ni biꞈ laꞈ-awˬ. Ngaˬ nehˬ-ehˇ jawˇ-awˇ, ngaˬ-ahˇ bi shaˬ bi zahˬ nehˬ laꞈ-eu maˬ muiˬ-eu jeˬ laꞈ kʼoeˇ bi law-iˇ nehˬ laꞈ-awˬ” lehˇ shaˇ-euˬ meh. Aˬ yawꞈ neh kʼaˇ shaˇ-euˬ jeˬ-ahˇ, Miˬyehˇ naˇ haˬ geuꞈ nehˬ-euˬ meh.

Doˆ-iˇ 15:2

Sahˬpaˬ Miˬyehˇ-aˬ, gʼaˬ huiˬ-awˇ, ngaˬ-ahˇ haw piˇ-eu gʼaˬ pyeuꞈ-eu meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ pyeuꞈ-eu meh. Aˬ yawꞈ ngaˬ-euˬ Miˬyehˇ pyeuꞈ-awˇ, aˬ yawꞈ-ahˇ ngaˇ ja ceuˬ ma. Aˬ yawꞈ ngaˬ da-euˬ Miˬyehˇ pyeuꞈ-awˇ, aˬ yawꞈ huiˬ-eu mahˇ-eu gaˇ kawˆ, ngaˇ caˇ-awˇ ja ceuˬ ma.

Dawˬmehˬ 26:17

“Sahˬpaˬ Miˬyehˇ-aˬ, nawˬ-euˬ Miˬyehˇ ma lehˇ nawˇ ehˇ tsehˆ-eu laꞈ kʼoeˇ, aˬ yawꞈ-euˬ ehˇ dawˬ-ahˇ naˇ haˬ-awˇ, aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-eu uˬ taꞈ, aˬ yawꞈ neh dawˬ kʼaˇ biꞈ taˬ-eu loꞈ-ehˇ dawˬ tawˆ luꞈ mˇ ma lehˇ nawˇ saˇ jaˇ dzaˬ gʼaˬ taˬ-euˬ meh.

Yaˇ kʼaˬ daˇ 11:31

guiˇ deuˆ gʼaˬ-awˇ gʼoꞈ laˇ ngeh, ngaˬ-euˬ nymˇ laꞈ kʼoeˇ neh aˬ cawˬ jeˬ hu doˆ le-awˇ ngaˬ-ahˇ ha le-euˬ tsawˇ haˬ-ahˇ, miˬ dzaˬ-ahˇ dzah puiˆ-awˇ nawˬ-ahˇ lawˇ nehˬ ma.”