Aˇ dahˬ 28:18 - Akha

¹⁸ Yawˬ nah yawˬ uˬ shawˬ yaw naꞈ-ehˇ Yaˬkoˆ tuˇ-awˇ, aˬ yawꞈ neh uˬ gʼmˬ gʼmˬ-awˇ yuꞈ-euˬ kʼaˬ lo kʼoeˇ siˬ yuˇ-awˇ, noeˬ keuˆ-eu gʼaˇ duˬ miˇ tsaˬ-ahˇ ka tuˇ-euˬ meh. Kʼoeˇ naˇ, kʼaˬ lo kʼoeˇ siˬ kʼoeˇ taˆ tsiˇ shehˆ daˆ-awˇ, Miˬyehˇ-ahˇ damˬ nehˬ-euˬ meh.

Aˇ dahˬ 28:18 ပူးပေါင်းရင်းမြစ်များ

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 22:3

Yawˬ nah yawˬ uˬ shawˬ yaw naꞈ-ehˇ Aˬbyaˬhaˬ tuˇ-awˇ, lawˇ gaˇ shehˇ gaˇ geuꞈ-eu gʼaˇ duˬ miˬ dzaˬ kʼehꞈ-euˬ meh. Kʼoeˇ naˇ, miˬ dzaˬ kʼoeˇ deuˬ-ahˇ mahˬ tahˬ laˆ neh tawˬ-awˇ, Iˇtsaˆ hawˇ-eu aˬ yawꞈ-euˬ zaˬ kʼaˆ nyiˬ gʼaˬ sheuˬ-awˇ, Miˬyehˇ neh aˬ yawꞈ-ahˇ ehˇ nehˬ taˬ-euˬ jawˇ duˬ-ahˇ le-euˬ meh.

Aˇ dahˬ 28:11

Nahˇ ma ga ahˇ ngeh, muiˬ-eu shawˇ-eu jawˇ duˬ tiˬ tsahˇ-ahˇ iˇ keuˆ-awˇ naˬ-euˬ meh. Kʼoeˇ ngeh, kʼaˬ lo tiˬ siˬ-ahˇ uˬ gʼmˬ gʼmˬ-awˇ, kʼoeˇ gaˇ yuꞈ kʼaˆ-euˬ meh.

Aˇ dahˬ 31:13

Beˬdeˬlaˇ lehˇ kuˇ-euˬ jawˇ duˬ-ahˇ, kʼaˬ lo tiˬ siˬ kʼoeˇ taˆ nawˇ tsiˇ shehˆ daˆ-awˇ, noeˬ mawˇ-eu gʼaˇ duˬ damˬ nehˬ-eu laꞈ kʼoeˇ, saˇ jaˇ dzaˬ ngeh, nawˬ-euˬ mehˬ shi doˆ le-euˬ Miˬyehˇ-aˬ, ngaˇ ma. Nawˇ dehꞈ le-euˬ miˇ kʼahˬ-ahˇ gʼoꞈ-iˇ-eu gʼaˇ duˬ, nymˬ-mˇ lehˬ hmˬ-awˬ lehˇ ehˇ-eu meh.”

Aˇ dahˬ 31:45

Kʼoeˇ ngeh, Yaˬkoˆ kʼaˬ lo yaw huiˬ tiˬ siˬ yuˇ-awˇ, noeˬ keuˆ-eu gʼaˇ duˬ kʼahˬ tuˇ-euˬ meh.

Aˇ dahˬ 35:14

Jawˇ duˬ kʼoeˇ tsahˇ-ahˇ Miˬyehˇ aˬ yawꞈ-ahˇ dawˬ ngehˬ cawˬ le-euˬ gaˇ noeˬ keuˆ-eu gʼaˇ duˬ, kʼaˬ lo tiˬ siˬ Yaˬkoˆ kʼahˬ tuˇ-awˇ, aˬ gaꞈ dzaˇ uiˇ hawˇ-eu saˬ loˬ tsiˇ shehˆ daˆ-awˇ, Miˬyehˇ-ahˇ damˬ nehˬ-euˬ meh.

Aˇ dahˬ 35:20

Laˬkeˬlaˇ-ahˇ noeˬ keuˆ-eu gʼaˇ duˬ, jawˇ duˬ kʼoeˇ tsahˇ-ahˇ, Yaˬkoˆ kʼaˬ lo tiˬ siˬ kʼahˬ tuˇ-euˬ meh. Iˬ nah keuˆ ni, Laˬkeˬlaˇ-euˬ lmˬ bymˇ kʼoeˇ maˬ byoˆ-iˇ ni jaˆ luꞈ-eu meh.

2 Saˬmeuˬlaˆ 18:18

Aˬbaˇsaˬloˬ yawˬ dehꞈ dehꞈ ngeh, aˬ yawꞈ-ahˇ bi noeˬ keuˆ-eu gʼaˇ duˬ, sahˬ paˬ-euˬ deh kʼawꞈ lehˇ kuˇ-eu jawˇ duˬ-ahˇ kʼaˬ lo ka tuˇ yaꞈ-euˬ meh. Aˬ jeˬ miˇ neh ehˇ naˇ, aˬ yawꞈ zaˬ maˬ jawˇ-eu miˇ neh, aˬ yawꞈ-euˬ tsawˇ myahˇ maˬ bi byoˆ-iˇ ni pi ka gʼeh-eu gʼaˬ maˬ jawˇ-a. Aˬ yawꞈ neh ka tuˇ yaꞈ-euˬ kʼaˬ lo kʼoeˇ-ahˇ, aˬ yawꞈ-euˬ tsawˇ myahˇ myahˇ nehˬ-awˇ, iˬ nah keuˆ ni Aˬbaˇsaˬloˬ-ahˇ noeˬ keuˆ-eu kʼaˬ lo kʼawˇ zeuˇ lehˇ kuˇ luꞈ-eu meh.

Jaceuq 119:60

Nawˬ-euˬ zahˇ dawˬ kʼoꞈ dawˬ deuˬ-ahˇ, ngaˇ maˬ nyi naˬ ni caw teh ma.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Iˇsaˬyaˇ 19:19

Aˇ nah aˇ yamˬ kʼoeˇ keuˆ le ngeh, Iˇjiˇtuˆ miˇ kʼahˬ laꞈ kʼoeˇ, Sahˬpaˬ Miˬyehˇ-ahˇ lawˇ-eu gʼaˇ duˬ lawˇ duˬ tiˬ tsahˇ jaˆ-awˇ, Sahˬpaˬ Miˬyehˇ-ahˇ noeˬ keuˆ-eu gʼaˇ duˬ, Iˇjiˇtuˆ miˇ kaˬ-ahˇ kʼaˬ lo kʼawˇ zeuˇ zeuˇ ma ka tuˇ taˬ tehꞈ-a.

Bawˇtsahˬ 7:1

Sahˬpaˬ Miˬyehˇ jawˇ-eu Sehˬ gʼawˆ Moˇseˬ gʼoˆ tsoꞈ-awˇ tsoˆ gʼaˬ ngeh nah, Sehˬ gʼawˆ hawˇ-eu kʼoeˇ-euˬ keu ka deuˬ-ahˇ maˬ ehˇ, lawˇ duˬ hawˇ-eu kʼoeˇ-euˬ keu ka deuˬ-ahˇ maˬ ehˇ, aˬ yawꞈ tsiˇ lehꞈ nehˬ-euˬ meh.

Yawˇshuˆ 4:9

Dawˬ ma saˇ jaˇ Bahˬ keuˆ baꞈ-eu piˇ ma deuˬ yawꞈ-euˬ Yawˇdaˬ lawˇ baˬ gʼahˇ ceh kʼoeˇ tsahˇ-ahˇ kʼawꞈ, kʼaˬ lo tseˇ nyiꞈ siˬ Yawˇshuˆ baꞈ bymˇ-euˬ meh. Kʼaˬ lo kʼoeˇ deuˬ iˬ nah keuˆ ni kʼoeˇ gaˇ jaˆ-eu meh.

1 Saˬmeuˬlaˆ 7:12

Kʼoeˇ naˇ, Saˬmeuˬlaˆ kʼaˬ lo tiˬ siˬ yuˇ-awˇ, Miˇzaˬpaˬ meuˬ hawˇ-eu Yeˬshaˬnahˬ meuˬ yaw kaˬ-ahˇ ka tuˇ-awˇ, “Sahˬpaˬ Miˬyehˇ iˬ nah keuˆ ni aˬ dui-ahˇ caw ba luꞈ meh” lehˇ ehˇ-awˇ, kʼaˬ lo kʼoeˇ siˬ-ahˇ Eˇbaˬneˬzaˬ lehˇ myahˇ nehˬ-euˬ meh.