Aˇ dahˬ 27:43 - Akha

⁴³ Ngaˬ li-oˇ, ngaˇ kʼaˇ ehˇ-eu loꞈ-ehˇ nymˬ-mˇ jahˇ-awˬ. Haˬlaˬ meuˬ-ahˇ ngaˬ-euˬ aˬ mahˇ aˬ da Laˬbaˬ jawˇ gaˇ yaw kawˇ-ehˇ cehˆ leˇ-awˬ.

Aˇ dahˬ 27:43 ပူးပေါင်းရင်းမြစ်များ

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 24:29

Laˬbaˬ lehˇ myahˇ-euˬ Leˬbehˇkaꞈ-euˬ aˬ mahˇ aˬ da tiˬ gʼaˬ jawˇ-eu meh. Lah duˬ-ahˇ Aˬbyaˬhaˬ-euˬ zaˬ kʼaˆ jawˇ gaˇ iˇ-eu lehˇ, Laˬbaˬ coeˬ doˆ gʼeh-euˬ meh.

Aˇ dahˬ 25:20

Iˇtsaˆ-aˬ, Laˬbaˬ-euˬ dmˇ ma Leˬbehˇkaꞈ-ahˇ sheuˬ ngeh, aˇ kʼoꞈ oeˬ tseˇ byah laˇ-euˬ meh. Leˬbehˇkaꞈ-euˬ aˬ da-aˬ, Beˬtuˬlaˇ lehˇ myahˇ-euˬ Maˬsoˬpoˬtaˬmiˇ miˇ kʼahˬ-ahˇ jawˇ-eu Aˬlamˬ tsawˇ jeuˬ pyeuꞈ-eu meh.

Aˇ dahˬ 27:13

Aˬ yawꞈ-euˬ aˬ ma paˇ ehˇ-eu, “Ngaˬ li-oˇ, nawˬ-ahˇ yaˬ kʼehˇ yaˬ-eu jeˬ keuˆ le naˇ, ngaˬ-euˬ kʼoeˇ taˆ keuˆ le luꞈ-uˇ. Yaw kawˇ-ehˇ iˇ-awˇ, ciꞈ myehꞈ nyehꞈ mi laˬ-iˇ-awˬ.”

Aˇ dahˬ 27:42

Ehˇ kʼawꞈ, Yaˬkoˆ-ahˇ Iˇsawˇ sehꞈ-eu lehˇ lehˬ hmˬ luꞈ-eu gaˇ kawˆ Leˬbehˇkaꞈ ya gaˬ ngeh, Yaˬkoˆ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Ngaˇ ehˇ gaˇ naˇ haˬ sheˇ. Nawˬ-euˬ aˇ doˆ nawˬ-ahˇ sehꞈ-eu lehˇ lehˬ hmˬ luꞈ meh.

Aˇ dahˬ 27:8

Yaˬkoˆ-ahˇ Leˬbehˇkaꞈ paˇ ehˇ nehˬ-eu, “Aˬ li-oˇ, ngaˇ nawˬ-ahˇ mehˬ nehˬ laꞈ-eu loꞈ-ehˇ yaw muiˬ paˬ-ehˇ naˇ haˬ-awˇ mˇ-awˬ.

Aˇ dahˬ 28:10

Yaˬkoˆ-aˬ, Beˬlaˇsheˬba-ahˇ neh doˆ-iˇ-awˇ, Haˬlaˬ meuˬ paw iˇ gʼeh-euˬ meh.

Aˇ dahˬ 28:5

Kʼoeˇ naˇ, Maˬsoˬpoˬtaˬmiˇ miˇ kʼahˬ-ahˇ, Aˬlamˬ tsawˇ jeuˬ Beˬtuˬlaˇ-euˬ aˬ li Laˬbaˬ jawˇ gaˇ, Yaˬkoˆ-ahˇ Iˇtsaˆ bi le-euˬ meh. Laˬbaˬ-aˬ, Yaˬkoˆ-euˬ aˬ gʼoe meh.

Aˇ dahˬ 28:7

Kʼoeˇ uˬ taꞈ, aˬ ma aˬ da-euˬ ehˇ dawˬ-ahˇ Yaˬkoˆ naˇ haˬ-awˇ, Maˬsoˬpoˬtaˬmiˇ miˇ kʼahˬ-ahˇ miˬ zaˬ poˆ leˇ-euˬ gaˇ kawˆ kʼawꞈ, aˬ yawꞈ paˇ ya siˬ-euˬ meh.

Aˇ dahˬ 35:1

Yaˬkoˆ-ahˇ Miˬyehˇ ehˇ nehˬ-eu, “Yaw kawˇ ma-ehˇ iˇ-awˇ Beˬdeˬlaˇ-ahˇ jawˇ-iˇ-awˬ. Nawˇ Iˇsawˇ-ahˇ guˆ-awˇ cehˆ ngeh, nawˬ-euˬ mehˬ shi doˆ le-euˬ Miˬyehˇ-aˬ, ngaˇ ma. Ngaˬ-euˬ gʼaˇ duˬ kʼoeˇ gaˇ lawˇ duˬ tiˬ tsahˇ tsoˆ-awˬ.”

Dawqdaq 30:17

Yawˬ ha aˬ da-ahˇ cehꞈ lehꞈ ka niˇ gʼa-awˇ, aˬ ma ma mawˬ-ahˇ maˬ haw nahˇ-eu tsawˇ haˬ-aˬ, jeˬ shiˇ kʼaˬ dzeˇ neh bi dzaˬ-awˇ, dzeˇ ngawˇ neh myaˆ nuiˆ bi keuꞈ doˆ-eu tsaˬ meh.

Yeˬlaˬmiˇ 35:14

Yawˇnaˬdehˇ-euˬ zaˬ deuˬ uˆ deuˬ-aˬ, aˬ yawꞈ maꞈ-euˬ aˬ poeˬ Yawˇnaˬdehˇ neh dawˬ biꞈ taˬ-euˬ gaˇ naˇ haˬ geuꞈ-eu laꞈ kʼoeˇ, iˬ nah keuˆ ni aˬ gaꞈ dzaˇ uiˇ maˬ dawˇ ni jawˇ-eu meh. Naw maꞈ-ahˇ ngaˇ teu naˆ naˆ-ehˇ mehˬ nehˬ luꞈ kʼawꞈ, naw maꞈ maˬ naˇ haˬ geuꞈ-a.

Gʼaˬkʼehˇ 5:29

Kʼoeˇ ngeh, Beˬtuˆluˆ hawˇ-eu gʼaˬ kʼehˇ deuˬ heu loꞈ-ehˇ ehˇ kʼoꞈ nehˬ-euˬ meh. “Tsawˇ haˬ-euˬ dawˬ-ahˇ naˇ haˬ-eu naˆ maˬ tseˇ, Miˬyehˇ-euˬ dawˬ-ahˇ nga maꞈ ya naˇ haˬ meh.