Aˇ dahˬ 27:41 - Akha

⁴¹ Iˇtsaˆ neh Yaˬkoˆ-ahˇ dawˬ ngehˬ gʼeh nehˬ-euˬ miˇ neh, Yaˬkoˆ-ahˇ Iˇsawˇ muiˇ-eu meh. Iˇsawˇ-euˬ nui ma laꞈ kʼoeˇ, “Ngaˬ da ziˇ jiˇ-eu dawˬ peh peh laˇ-euˬ meh. Haw taˬ lawˬ. Zaˬ heu gʼaˬ-ahˇ ngaˇ sehꞈ ma” lehˇ noeˬ luꞈ-eu meh.

Aˇ dahˬ 27:41 ပူးပေါင်းရင်းမြစ်များ

Aˇ dahˬ 27:42

Ehˇ kʼawꞈ, Yaˬkoˆ-ahˇ Iˇsawˇ sehꞈ-eu lehˇ lehˬ hmˬ luꞈ-eu gaˇ kawˆ Leˬbehˇkaꞈ ya gaˬ ngeh, Yaˬkoˆ-ahˇ kuˇ-awˇ, heu loꞈ-ehˇ ehˇ nehˬ-euˬ meh. “Ngaˇ ehˇ gaˇ naˇ haˬ sheˇ. Nawˬ-euˬ aˇ doˆ nawˬ-ahˇ sehꞈ-eu lehˇ lehˬ hmˬ luꞈ meh.

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

Aˇ dahˬ 32:3

Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Aˇ dahˬ 32:6

Dawˬ tsaꞈ bi tsaꞈ-iˇ-euˬ deuˬ gʼoꞈ keuˆ laˇ-awˇ ehˇ-eu, “Nawˬ-euˬ aˇ doˆ Iˇsawˇ jawˇ gaˇ nga maꞈ iˇ keuˆ yaꞈ-euˬ ma. Nawˬ-ahˇ tahˬ puˬ laˇ-eu lehˇ, tsawˇ haˬ oeˬ yaˇ gʼaˬ sheuˬ-awˇ aˬ yawꞈ laˇ luꞈ meh.” Kʼoeˇ ngeh, Yaˬkoˆ noeˬ shaˬ-awˇ guˆ-euˬ meh.

Aˇ dahˬ 35:29

Tsawˇ mawˬ mawˬ dui dui laˇ-awˇ neh hawˇ-eu aˬ yawꞈ ziˇ jiˇ-awˇ, aˬ yawꞈ-euˬ aˬ li Iˇsawˇ hawˇ-eu Yaˬkoˆ aˬ nyaꞈ nmˇ neh, aˬ yawꞈ-ahˇ baꞈ pahˬ-euˬ meh.

Aˇ dahˬ 37:18

Gaˇ mahˇ kaˬ gaˇ aˬ yawꞈ oe luꞈ ngeh neh, aˬ yawꞈ-euˬ aˇ doˆ deuˬ aˬ yawꞈ-ahˇ mawˇ-awˇ, aˬ yawꞈ maˬ oe keuˆ mi naˆ-ehˇ, aˬ yawꞈ-ahˇ sehꞈ-eu lehˇ bawˬ dzaˬ taˬ-euˬ meh.

Aˇ dahˬ 37:4

Aˬ da gʼaˬ Yoˇsehˆ-ahˇ gaˬ dzehˬ gaˇ Yoˇsehˆ-euˬ aˇ doˆ deuˬ ya mawˇ ngeh, Yoˇsehˆ-ahˇ bye-awˇ, dawˬ yaw muiˬ paˬ-ehˇ maˬ ngehˬ cawˬ nehˬ ni jawˇ-euˬ meh.

Aˇ dahˬ 37:8

Aˬ yawꞈ-euˬ aˇ doˆ deuˬ ehˇ-eu, “Aˬ kaˇ nga maꞈ kʼoeˇ taˆ nawˇ sahˬ paˬ ya geuꞈ tehꞈ-a lehˇ noeˬ luꞈ te loˇ.” Aˬ yawꞈ yuꞈ maˆ kʼoeˇ loꞈ-ehˇ maˆ-euˬ miˇ neh maˬ ehˇ, yuꞈ maˆ maˆ-euˬ gaˇ kawˆ kʼoeˇ aˬ yawꞈ maꞈ-ahˇ dzawˇ nehˬ leˇ-euˬ miˇ neh maˬ ehˇ, Yoˇsehˆ-ahˇ aˬ yawꞈ maꞈ paˇ bye dzehˬ laˇ-euˬ meh.

Aˇ dahˬ 50:15

Aˬ yawꞈ ha mehˇ nmˇ-euˬ aˬ da shiˇ dzeuˇ ngeh jawˇ, “Aˬ dui mehˇ nmˇ-ahˇ Yoˇsehˆ iˬ nah keuˆ ni bye-awˇ, aˬ dui maꞈ neh aˬ yawꞈ-ahˇ jahˇ nehˬ-euˬ loꞈ-ehˇ paˇ jahˇ kʼoꞈ nehˬ laꞈ naˇ, aˬ dui mehˇ nmˇ aˬ joˆ-ehˇ jahˇ nmˇ” lehˇ, Yoˇsehˆ-euˬ aˇ doˆ deuˬ bawˬ dzaˬ-euˬ meh.

Aˇ dahˬ 50:2

Aˬ yawꞈ aˬ da-euˬ gʼawˇ mawˇ maˬ ya buꞈ-iˇ ni, jaˆ gʼaˬ gʼawˬ mya jeˬ lehꞈ-awˇ laˆ saˆ-eu gʼaˇ duˬ, Yoˇsehˆ dawˬ biꞈ-euˬ meh.

2 Laˬsaˬbaˬ 35:24

Kʼoeˇ naˇ, aˬ yawꞈ-euˬ mahˬ laˆ lawˬ laꞈ kʼoeˇ neh aˬ yawꞈ maꞈ aˬ yawꞈ-ahˇ ciˬ doˆ-awˇ, kʼoeˇ gaˇ jaˆ-eu aˬ yawꞈ-eu mahˬ laˆ lawˬ yawˬ laˇ yawˬ-ahˇ ciˬ ahˇ-awˇ, Yeˬluˇsaˬlehˬ meuˬ-ahˇ sheuˬ kʼoꞈ gʼeh-euˬ meh. Yeˬluˇsaˬlehˬ meuˬ-ahˇ aˬ yawꞈ shiˇ-awˇ, sahˬ paˬ-euˬ lmˬ bymˇ-ahˇ baꞈ pahˬ nehˬ-euˬ meh. Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ dawˬ tawˆ luꞈ aˬ yawꞈ shiˇ gaˇ tsawˇ ngoeˇ ngoeˇ-euˬ meh.

Jaceuq 142:3

Ngaˬ-euˬ nui ma gʼaˬ baˬ dui dui ngeh, ngaˇ aˬ joˆ-ehˇ mˇ paˬ-ehˇ gʼeh-eu aˬ yawꞈ siˬ nya-eu meh. Ngaˇ cah luꞈ-eu gaˇ ma-ahˇ, muiˇ-eu deuˬ ngaˬ-ahˇ lahˇ ju kʼmˇ taˬ-euˬ meh.

Jaceuq 35:14

Aˇdoˆhawˇ-eu cawˬdeuˬshiˇngeh, shaˬzahˬnaꞈ-awˇngoeˇgaˇduˇni, aˬma shiˇ-awˇngoeˇgaˇduˇni, yawꞈmaꞈgʼaˇduˬngaˇngoeˇ-euˬma.

Jaceuq 37:16

Yaw haiˬdeuˬ-euˬpyuˇshuiˇduˬgahˬ, tsawˇmuiˬdeuˬshaˬ-eu maˬtawˬ-a.

Dawqdaq 1:16

Yaw haiˬ jeˬ mˇ-eu gʼaˇ duˬ aˬ yawꞈ maꞈ aˬ kuiˇ aˬ laꞈ kawˇ-awˇ, tsawˇ haˬ-ahˇ sehꞈ ngeh kʼahˇ kʼoꞈ-eu maˬ baw-a.

Dawqdaq 18:19

Mehˇ nmˇ yaw kaˬ ngehˬ gʼeh-eu jeˬ-aˬ, meuˬ meuˬ lahˇ loꞈ-ehˇ ziꞈ dah ni gʼeh-awˇ, mehˇ nmˇ yaw kaˬ ceh dzaˬ-eu jeˬ-aˬ, miˇ kaˬ taw paˆ gaˇ duˇ-eu meh.

Dawqdaq 6:14

nui ma laꞈ gʼoꞈ-ahˇ yaw haiˬ jeˬ shaˇ sawˇ luꞈ-awˇ, iˬ dehˬ iˬ ceh poˆ-eu maˬ naˬ leˇ-a.

Dawˬ tsoˆ 7:9

Nui ma pehˇ-eu taˬ tehˬ. Nui pehˇ-euˬ jawˇ duˬ-aˬ, aˬ dzawˬ aˇ gah-euˬ bawˇ kʼahˇ meh.

Yeˬsaˬgeˬlaˇ 35:5

“Nawˇ-aˬ, Iˇsaˬleˬlaˆ miˇ kʼahˬ-ahˇ maˬ tsehˆ leˇ ni muiˇ-awˇ, aˬ yawꞈ-euˬ iˬ baˇ baˬ da neh, aˬ yawꞈ gʼaˇ duˬ aˇ saˬ saˬ-eu kʼehˬ-euˬ kʼaˆ-eu jeˬ keuˆ le-awˇ, aˬ yawꞈ shaˬ zahˬ naꞈ dui dui luꞈ ngeh jawˇ, aˬ yawꞈ-euˬ tsawˇ haˬ deuˬ-ahˇ aˬ cawˬ neh bi sehꞈ ni jahˇ-euˬ meh.

Dawˬmehˬ 34:8

Mawˇbaˆ deh kʼawꞈ-ahˇ Iˇsaˬleˬlaˆ tsawˇ haˬ deuˬ aˬ yawꞈ gʼaˇ duˬ smˬ tseˇ nah tsawˇ ngoeˇ ngoeˇ-euˬ meh.

Tiˇtuˆ 3:3

Aˬ jeˬ miˇ neh ehˇ naˇ, aˬ dui kʼawꞈ dzeuˇ laˇ ngeh aˬ dzawˬ aˇ gah gah-awˇ, ehˇ dawˬ maˬ naˇ haˬ-euˬ uˬ taꞈ, yaw lehˬ yaw ca jeˬ-ahˇ mˇ-euˬ ma. Shiˬ shaˬ jiˇ-euˬ nui noeˬ nui loˆ hawˇ-eu byawˬ gʼa mo gʼa-eu gʼawˬ mya jeˬ-euˬ zaˬ kʼaˆ geuꞈ dzeuˇ yaꞈ-euˬ ma. Aˬ cawˬ-ahˇ myaˆ naˆ-euˬ uˬ taꞈ, coeˬ-eu ciˆ-eu jeˬ mˇ dzeuˇ yaꞈ-euˬ tsawˇ haˬ deuˬ pyeuꞈ-eu ma. Aˬ cawˬ aˬ dui-ahˇ bye-awˇ, aˬ dui kʼawꞈ aˬ cawˬ-ahˇ bye-euˬ ma.