Aˇ dahˬ 27:27 - Akha

²⁷ Yaˬkoˆ dawˬ peh jiˆ tuˆ leˇ-awˇ, Iˇtsaˆ-ahˇ mehˬ cuˇ cuˇ nehˬ-eu lehˇ mˇ jeh ngeh, aˬ yawꞈ dm luꞈ-eu mehˬ tsoeˬ-ahˇ Iˇtsaˆ laˆ haw-euˬ meh. Kʼoeˇ naˇ, Yaˬkoˆ-ahˇ Iˇtsaˆ heu loꞈ-ehˇ dawˬ ngehˬ gʼeh nehˬ-euˬ meh. “Yaw zawˇ-ehˇ saw-eu ngaˬ li-euˬ yaw saꞈ-aˬ, Sahˬpaˬ Miˬyehˇ neh guiˬ lahˬ biꞈ nehˬ-euˬ deh yaˇ tiˬ kawˬ-euˬ yaw saꞈ-ahˇ duˇ miˇ-a.

Aˇ dahˬ 27:27 ပူးပေါင်းရင်းမြစ်များ

Aˇ dahˬ 26:12

Miˇ kʼahˬ kʼoeˇ kʼahˬ laꞈ kʼoeˇ Iˇtsaˆ deh yaˇ mˇ-awˇ, kʼoeˇ ngeh kʼoꞈ laꞈ kʼoeˇ, aˬ yawꞈ neh sehˬ-euˬ siˬ yoeˬ naˆ maˬ tseˇ tiˬ yaˇ bymˇ aˬ yawꞈ mˇ za-euˬ meh. Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ miˇ neh, kʼoeˇ loꞈ-ehˇ mˇ za-euˬ meh.

Aˇ dahˬ 27:15

Leˬbehˇkaꞈ-aˬ, iˇ kahˇ laꞈ kʼoeˇ jaˆ-eu Iˇsawˇ-euˬ mehˬ tsoeˬ yaw muiˬ deuˬ yuˇ-awˇ, Yaˬkoˆ-ahˇ bi dm-euˬ meh.

Aˇ dahˬ 27:26

“Dawˬ peh jiˆ laˇ-awˇ, ngaˬ-ahˇ mehˬ cuˇ cuˇ laˇ sheˇ” lehˇ, Yaˬkoˆ-ahˇ Iˇtsaˆ ehˇ nehˬ-euˬ meh.

Aˇ dahˬ 27:39

Kʼoeˇ ngeh, Iˇsawˇ-ahˇ Iˇtsaˆ heu loꞈ-ehˇ ehˇ nehˬ-euˬ meh. “Mˬ kʼoeˇ taˆ nawˬ-euˬ gʼaˇ duˬ ceuˬ maˬ paˇ jaˆ-eu loꞈ-ehˇ, miˇ tsaˬ kʼoeˇ taˆ kʼawꞈ, miˇ tsaˬ miˇ muiˬ muiˬ-eu deh yaˇ nawˬ-euˬ gʼaˇ duˬ maˬ paˇ jaˆ meh.

Aˇ dahˬ 48:10

Yaˬkoˆ tsawˇ mawˬ mawˬ dui dui laˇ-euˬ miˇ neh, myaˆ nuiˆ yaw muiˬ paˬ-ehˇ maˬ mawˇ nya-a. Yoˇsehˆ-euˬ aˬ li kʼoeˇ nyiˬ li-ahˇ aˬ yawꞈ jawˇ gaˇ sheuˬ laꞈ ngeh, aˬ yawꞈ ciˬ-awˇ mehˬ cuˇ cuˇ nehˬ-euˬ meh.

Aˇ dahˬ 48:15

Kʼoeˇ naˇ, Yaˬkoˆ neh Yoˇsehˆ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Ngaˬ bawˇ Aˬbyaˬhaˬ hawˇ-eu ngaˬ da Iˇtsaˆ uˬ duˬ tahˬ-euˬ Miˬyehˇ, aˬ li heu nyiˬ li-ahˇ guiˬ lahˬ biꞈ luꞈ-uˇ. Iˬ nah keuˆ ni ngaˬ-ahˇ sheuˬ gʼeh luꞈ-eu Miˬyehˇ, aˬ yawꞈ nyaꞈ-ahˇ dawˬ ngehˬ gʼeh nehˬ luꞈ-uˇ.

Jaceuq 65:10

Tsehˬ taˬ-euˬ deh yaˇ-ahˇ uˬ yehˇ bi deh nyiꞈ-awˇ, miˇ tsaˬ bi jmˬ laˇ-eu meh. Miˇ tsaˬ-ahˇ uˬ yehˇ bi deh nahˬ-awˇ, sahˬ lahˬ aˇ bawˇ bi dehꞈ doˆ laˇ-eu meh.

Dawˬ caˇ 2:13

Siˬ guˬ aˇ siˬ awꞈ yamˬ keuˆ laˇ-awˇ, jaˬ lehˇ baw ngeh aˬ gaꞈ aˇ yehˆ saw dui dui nya. Ngaˇ gaˬ-eu gʼaˬ-oˇ, laˇ-awˬ. Ngaˬ-euˬ zaˬ kʼaˬ-oˇ, ngaˬ nehˬ-ehˇ laˇ-awˬ.

Dawˬmehˬ 33:13

Yoˇsehˆ gaˇ kawˆ Moˇseˬ ehˇ-eu, “Yoˇsehˆ tsawˇ jeuˬ-euˬ miˇ kʼahˬ-ahˇ, Sahˬpaˬ Miˬyehˇ guiˬ lahˬ biꞈ-awˬ. Kʼoeˇ taˆ uˬ yehˇ bi ga le-awˇ, laꞈ oˆ iˇ cuꞈ bi doˆ laˇ-awˬ.

HeˬByehˇ 11:20

Yaˬkoˆ hawˇ-eu Iˇsawˇ aˬ nyaꞈ nmˇ mehˬ hu paw dehꞈ daˆ leꞈ ngeh guiˬ lahˬ za nya ni, Iˇtsaˆ dawˬ ngehˬ gʼeh nehˬ-euˬ kʼoeˇ-aˬ, jah-eu jeˬ baˬ da neh meh.

HeˬByehˇ 6:7

Uˬ yehˇ uiˇ dawˇ-awˇ mˇ dzaˬ kʼawꞈ dawˇ-eu deuˬ gʼaˇ duˬ gaˇ dahˇ tsoeˬ-eu sahˬ lahˬ bi dehꞈ laˇ-eu miˇ tsaˬ-ahˇ Miˬyehˇ guiˬ lahˬ biꞈ-eu meh.