Aˇ dahˬ 27:12 - Akha

¹² Iˇ no ngaˬ da ngaˬ-ahˇ sawˆ haw-awˇ, ngaˇ jaˬ myawꞈ myawꞈ laˇ-euˬ nga lehˇ siˬ duˬ naˇ, aˬ joˆ-ehˇ jahˇ nmˇ. Guiˬ lahˬ maˬ za-eu uˬ taꞈ, yaˬ kʼehˇ yaˬ nehˬ laꞈ gaˇ ya daˬ tehꞈ-a.”

Aˇ dahˬ 27:12 ပူးပေါင်းရင်းမြစ်များ

Aˇ dahˬ 25:27

Aˬ li kʼoeˇ nyiˬ li huiˬ laˇ ngeh, Iˇsawˇ gʼaˬ-aˬ, bawˇ cah cah-eu nui ma ahˇ-eu shaˬ mi aˬ da tiˬ gʼaˬ pyeuꞈ laˇ-euˬ meh. Yaˬkoˆ gʼaˬ-aˬ, ciˬ cuˇ ni iˇ kahˇ-ahˇ tehꞈ-ehˇ jawˇ-eu meh.

Aˇ dahˬ 27:36

Iˇsawˇ ehˇ-eu, “Aˬ yawꞈ ngaˬ-ahˇ tsawˇ gahˇ gahˇ dzaˬ-eu heu poˆ nyiˬ poˆ byah laˇ-euˬ meh. Aˬ yawꞈ-ahˇ Yaˬkoˆ lehˇ myahˇ nehˬ-euˬ tsaˬ dui dui meh. Yaw beh tiˬ poˆ, ngaˇ za paˬ-ehˇ gʼeh-eu aˬ li aˬ yuiꞈ gʼaˬ-euˬ aˇ yaˬ-ahˇ aˬ yawꞈ mehˇ shuiˇ shuiˇ doˆ geuꞈ gʼaˬ-awˇ, nymˬ-mˇ poˆ jawˇ-aˬ, ngaˇ za paˬ-ehˇ gʼeh-eu guiˬ lahˬ kʼawꞈ paˇ yuˇ geuꞈ gʼeh-euˬ ngaˇ. Ngaˬ-ahˇ dawˬ ngehˬ gʼeh nehˬ laꞈ-eu gʼaˇ duˬ guiˬ lahˬ maˬ paˇ jaˆ mehˬ loˇ.”

Aˇ dahˬ 27:45

Nawˬ neh kʼaˇ jahˇ nehˬ-euˬ jeˬ dawˬ tawˆ luꞈ-ahˇ nawˬ-euˬ aˇ doˆ ngehˇ byoˆ jiˇ ngeh, aˬ cawˬ-ahˇ ngaˇ kʼehˇ gʼeh laꞈ-awˇ, nawˬ-ahˇ bi sheuˬ kʼoꞈ laˬ laˇ ma. Ngaˬ li nyiˬ li luꞈ-ahˇ, tiˬ nah laꞈ kʼoeˇ tehꞈ-ehˇ ngaˇ aˬ joˆ-ehˇ bi sm-iˇ peuˬ nmˇ.”

Aˇ dahˬ 9:25

“Kaˬnaˬ-euˬ kʼoeˇ taˆ yaˬ kʼehˇ yaˬ-eu jeˬ keuˆ le luꞈ-uˇ. Aˬ yawꞈ-euˬ mehˇ nmˇ deuˬ-euˬ zaˬ kʼaˆ aˬ yawꞈ ya geuꞈ luꞈ-uˇ.

Yawˇbaˆ 12:16

Miˬyehˇ-aˬ, gʼaˬ huiˬ-awˇ aˬ myah luꞈ gʼaˬ leˇ-eu gʼaˬ pyeuꞈ-eu meh. Gahˇ dzaˬ-eu deuˬ maˬ ehˇ, bi gahˇ dzaˬ-euˬ deuˬ maˬ ehˇ, dawˬ tawˆ luꞈ aˬ yawꞈ-euˬ baoˬ laꞈ kʼoeˇ jawˇ-eu meh.

Yeˬlaˬmiˇ 48:10

Sahˬpaˬ Miˬyehˇ neh bi mˇ-euˬ jeˬ-ahˇ nui ma pi-awˇ maˬ mˇ-eu tsawˇ haˬ, yaˬ kʼehˇ yaˬ gaˇ ya daˬ tehꞈ-a. Mi cehˇ tuˆ tehˬ-awˇ tsawˇ haˬ-ahˇ maˬ sehꞈ peuˬ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a.

Maˬlaˬkiˇ 1:14

Jeˬ zaˬ kuˆ laꞈ kʼoeˇ, ngaˬ-ahˇ biꞈ ma lehˇ ehˇ taˬ-euˬ jeˬ shawˇ jawˇ kʼawꞈ, maˬ shawˇ-eu jeˬ zaˬ tsahˇ-awˇ ngaˬ-ahˇ lawˇ nehˬ laˇ-euˬ mehˇ shuiˇ shuiˇ-eu tsawˇ haˬ-aˬ, yaˬ kʼehˇ yaˬ gaˇ ya daˬ tehꞈ-a. Aˬ jeˬ miˇ neh ehˇ naˇ, ngaˇ-aˬ, huiˬ dui dui-eu sahˬ paˬ pyeuꞈ-awˇ, miˇ tsaˬ tsawˇ jeuˬ dawˬ tawˆ luꞈ ngaˬ-ahˇ guˆ-eu meh.”

2 Gawˇliˬtu 6:8

Yaw zeu baw nehˬ laꞈ-euˬ jeˬ-ahˇ maˬ ehˇ, daˬ laˆ ga nehˬ laꞈ-euˬ jeˬ-ahˇ maˬ ehˇ, yehˬ bawˬ sehˇ lu-ehˇ ehˇ nehˬ laꞈ-euˬ jeˬ-ahˇ maˬ ehˇ, ja ceuˬ nehˬ laꞈ-euˬ jeˬ-ahˇ maˬ ehˇ, nga maꞈ ya daˬ-euˬ ma. Nga maꞈ yaw tsaˬ yaw dawˇ jeˬ ngehˬ-euˬ kʼawꞈ, jaˬ myawꞈ myawꞈ-eu tsawˇ haˬ ngaˇ lehˇ ehˇ laˇ gaˇ ya daˬ-euˬ ma.

Dawˬmehˬ 27:18

“ ‘Myaˆ behꞈ-ahˇ gaˇ ma mehˬ bahˬ nehˬ-eu tsawˇ haˬ kʼoeˇ taˆ, Miˬyehˇ-euˬ yaˬ kʼehˇ yaˬ-eu jeˬ keuˆ le luꞈ-uˇ’ lehˇ, Leˬbiˇ tsawˇ haˬ deuˬ yaˬ ehˇ meh. “Kʼoeˇ ngeh, tsawˇ haˬ dawˬ tawˆ luꞈ, ‘Aˬ meˬ’ lehˇ ya ehˇ kʼoꞈ meh.

1 Teˇsaˬloˇni 5:22

Yaw muiˬ deuˬ-ahˇ jeˬ hmˬ geuꞈ-awˬ. Maˬ muiˬ-eu yawˬ jeˬ na luꞈ-ahˇ gaˇ jaw jaw-awˬ.