Aˇ dahˬ 26:31 - Akha

³¹ Yawˬ nah yawˬ uˬ shawˬ yaw naꞈ-ehˇ, tiˬ kawˆ loꞈ-ehˇ saˇ jaˇ dzaˬ taꞈ gʼaˬ-awˇ, aˬ yawꞈ maꞈ laˬ kʼaˬ tiˬ cehˇ gʼoꞈ leˇ-euˬ meh.

Aˇ dahˬ 26:31 ပူးပေါင်းရင်းမြစ်များ

Aˇ dahˬ 14:22

Ehˇ kʼawꞈ, Aˬbyaˬ ehˇ-eu, “Huiˬ dui mahˇ dui dui-eu Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ heu loꞈ-ehˇ kamˬ tsehˆ-eu ma.

Aˇ dahˬ 19:2

“Yaw huiˬ yaw mahˇ deuˬ-oˇ, naw nyaꞈ-ahˇ ngaˇ ha-eu ma. Ngaˬ-euˬ nymˇ-ahˇ laˇ-awˬ. Naw nyaꞈ aˬ kuiˇ dzuiꞈ-awˇ ngaˬ-euˬ nymˇ-ahˇ yaꞈ nya tehꞈ-a. Uˬ shawˬ yaw naꞈ-ehˇ tuˇ-awˇ, gaˇ ma paˇ doˆ-iˇ tehꞈ-a.” lehˇ ehˇ nehˬ ngeh,Aˬ yawꞈ nyaꞈ ehˇ-eu, “Tiˬ jeˬ-iˬ maˬ ngeuˇ-aˇ. Nga nyaꞈ heu gaˇ laꞈ nyiˇ yaꞈ ma.”

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 21:23

Teu miˇ neh, ngaˬ-ahˇ maˬ ehˇ, ngaˬ-euˬ zaˬ deuˬ-ahˇ maˬ ehˇ, aˬ kaˇ dehꞈ le jawˇ le-eu ngaˬ-euˬ zaˬ ngaˬ-euˬ uˆ deuˬ-ahˇ maˬ ehˇ, nawˇ yehˬ bawˬ-ehˇ maˬ jahˇ lehˇ, Miˬyehˇ-euˬ mehˬ shi ngaˬ nehˬ-ehˇ saˇ jaˇ dzaˬ-awˬ. Ngaˇ nawˬ-ahˇ saˇ jaˇ ziꞈ-eu loꞈ-ehˇ, nawˇ kʼawꞈ, ngaˬ-ahˇ maˬ ehˇ, nawˇ jawˇ luꞈ-eu miˇ kʼahˬ heu kʼahˬ-ahˇ maˬ ehˇ, saˇ jaˇ ziꞈ ma lehˇ nymˬ-mˇ ehˇ tsehˆ-awˬ.”

Aˇ dahˬ 21:27

Kʼoeˇ naˇ, yawˇ hawˇ-eu mawˇ neˇ tiˬ deuˬ, Aˬbiˇmaˬlehˆ-ahˇ Aˬbyaˬhaˬ biꞈ-awˇ, aˬ nyaꞈ yaw kaˬ saˇ jaˇ dzaˬ taꞈ-euˬ meh.

Aˇ dahˬ 22:3

Yawˬ nah yawˬ uˬ shawˬ yaw naꞈ-ehˇ Aˬbyaˬhaˬ tuˇ-awˇ, lawˇ gaˇ shehˇ gaˇ geuꞈ-eu gʼaˇ duˬ miˬ dzaˬ kʼehꞈ-euˬ meh. Kʼoeˇ naˇ, miˬ dzaˬ kʼoeˇ deuˬ-ahˇ mahˬ tahˬ laˆ neh tawˬ-awˇ, Iˇtsaˆ hawˇ-eu aˬ yawꞈ-euˬ zaˬ kʼaˆ nyiˬ gʼaˬ sheuˬ-awˇ, Miˬyehˇ neh aˬ yawꞈ-ahˇ ehˇ nehˬ taˬ-euˬ jawˇ duˬ-ahˇ le-euˬ meh.

Aˇ dahˬ 25:33

“Nawˬ-euˬ aˇ yaˬ ngaˬ-ahˇ biꞈ tsehˆ tsehˆ ma lehˇ, saˇ jaˇ jeˬ huˬ dzaˬ-awˬ” lehˇ, Iˇsawˇ-ahˇ Yaˬkoˆ paˇ ehˇ nehˬ-euˬ meh. Kʼoeˇ ngeh, Iˇsawˇ saˇ jaˇ dzaˬ-awˇ, aˬ yawꞈ-euˬ aˇ yaˬ Yaˬkoˆ-ahˇ biꞈ-euˬ meh. Kʼoeˇ naˇ, gʼawˬ nyoeˇ dzaˇ uiˇ hawˇ-eu kaˬ muˇ, Yaˬkoˆ neh Iˇsawˇ-ahˇ biꞈ nehˬ-awˇ bi dzaˬ-euˬ meh.

Aˇ dahˬ 26:32

Kʼoeˇ ngeh nah, Iˇtsaˆ-euˬ zaˬ kʼaˆ deuˬ Iˇtsaˆ jawˇ gaˇ laˇ-awˇ, aˬ yawꞈ maꞈ duˬ luꞈ-eu lah duˬ kʼoeˇ duˬ iˇ cuꞈ mawˇ le-euˬ gaˇ kawˆ tsaꞈ gaˬ laˇ-euˬ meh.

Aˇ dahˬ 31:44

Teu miˇ neh, aˇ nyaꞈ yaw kaˬ saˇ jaˇ dzaˬ-awˇ, saˇ jaˇ heu maˬ bi byoˆ-iˇ ni noeˬ keuˆ-eu gʼaˇ duˬ, kʼaˬ lo tiˬ bymˇ gʼoˆ bymˇ kaˇ-euˇ.”

Aˇ dahˬ 31:55

Laˬbaˬ-aˬ, yawˬ nah yawˬ uˬ shawˬ yaw naꞈ-ehˇ, aˬ yawꞈ-euˬ aˬ buˇ deuˬ hawˇ-eu, aˬ yawꞈ-euˬ oeˬ paˬ oeˬ ma deuˬ-ahˇ mehˬ cuˇ cuˇ yaꞈ-awˇ gʼoꞈ-iˇ-euˬ meh.

HeˬByehˇ 6:16

Tsawˇ haˬ tiˬ gʼaˬ na tiˬ jeˬ paˬ gaˇ kawˆ kamˬ ngeh, yawˬ ha naˆ maˬ tseˇ huiˬ dzehˬ mahˇ dzehˬ-eu tsawˇ haˬ tiˬ gʼa-euˬ tsawˇ myahˇ-ahˇ gʼoe-awˇ kamˬ-eu meh. Kʼoeˇ loꞈ-ehˇ kamˬ-eu baˬ da neh, gaˇ kawˆ kʼoeˇ-ahˇ tiˬ gʼaˬ-iˬ maˬ laˆ pyawˆ nya-a.

1 Saˬmeuˬlaˆ 14:24

Kʼoeˇ ngeh nah, Iˇsaˬleˬlaˆ tsawˇ haˬ deuˬ hawˬ mehꞈ laˇ-awˇ, gʼaˬ baˬ dui dui-eu meh. Aˬ jeˬ miˇ neh ehˇ naˇ, “Iˬ nah uˬ ciꞈ uˬ taw paw keuˆ ni ngaˬ-ahˇ muiˇ-eu deuˬ-ahˇ ngaˇ laꞈ poˆ maˬ poˆ gʼaˬ mi naˆ-ehˇ, tiˬ jeˬ paˬ kʼaˇ dzaˬ-eu tsawˇ haˬ aˬ geu gʼaˬ maˬ kaˬ, yaˬ kʼehˇ yaˬ-eu jeˬ-ahˇ ya daˬ luꞈ-uˇ” lehˇ, Sawˇluˆ saˇ jaˇ dawˬ ngehˬ taˬ-euˬ miˇ neh meh. Kʼoeˇ miˇ neh, yawˬ gʼaˬ na luꞈ tiˬ jeˬ-iˬ maˬ dzaˬ ni nah ga-ehˇ dzahˬ-euˬ meh.

1 Saˬmeuˬlaˆ 20:3

Ehˇ kʼawꞈ, Daˬbiˇ ehˇ-eu, “Nawˇ ngaˬ-ahˇ aˇ naˆ ni gʼoeˇ-eu gaˇ kawˆ nawˬ da siˬ duˬ-eu miˇ neh, nawˇ noeˬ shaˬ gaˇ guˆ-awˇ, aˬ yawꞈ mˇ-eu lehˇ gʼeh-eu gaˇ kawˆ heu hmˬ nawˬ-ahˇ maˬ bi siˬ ni mˇ ma lehˇ aˬ yawꞈ noeˬ tsehˆ-euˬ tehꞈ-a. Ngaˇ ya shiˇ-eu gʼaˇ duˬ kuiˇ toꞈ tiˬ toꞈ ca-eu tehꞈ miˇ-a lehˇ, dehꞈ luꞈ-eu Sahˬpaˬ Miˬyehˇ mehˬ shi nawˬ-ahˇ ngaˇ ehˇ-eu ma.”

1 Saˬmeuˬlaˆ 30:15

Daˬbiˇ ehˇ-eu, “Guiˇ deuˆ laˇ-euˬ tsawˇ haˬ kʼoeˇ deuˬ jawˇ gaˇ nga maꞈ-ahˇ nawˇ sheuˬ gʼeh nehˬ ma loˇ.” Aˬ li kʼoeˇ li ehˇ-eu, “Naw maꞈ ngaˬ-ahˇ maˬ sehꞈ-ehˇ, ngaˬ-euˬ baw leˬ-euˬ aˬ laꞈ laꞈ kʼoeˇ kʼawꞈ maˬ a kʼoꞈ nehˬ lehˇ, Miˬyehˇ-euˬ mehˬ shi kamˬ tsehˆ naˇ, ngaˇ sheuˬ gʼeh nehˬ ma.”