Aˇ dahˬ 26:28 - Akha

²⁸ Aˬ yawꞈ maꞈ ehˇ-eu, “Sahˬpaˬ Miˬyehˇ nawˬ nehˬ-ehˇ jawˇ-eu gaˇ kawˆ nymˬ-mˇ nga maꞈ siˬ duˬ-eu ma. Kʼoeˇ miˇ neh, nawˇ hawˇ-eu nga maꞈ yaw kaˬ saˇ jaˇ dzaˬ taꞈ-eu tsaˬ tehꞈ-a lehˇ, nga maꞈ noeˬ mawˇ-eu ma.

Aˇ dahˬ 26:28 ပူးပေါင်းရင်းမြစ်များ

Aˇ dahˬ 24:3

Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ laꞈ kʼoeˇ, ngaˬ li gʼaˇ duˬ miˬ zaˬ maˬ poˆ nehˬ lehˇ, mˬ hawˇ-eu miˇ-ahˇ uˆ lahˇ-eu Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi, nawˬ-ahˇ ngaˇ saˇ jaˇ bi dzaˬ mawꞈ-eu ma.

Aˇ dahˬ 24:41

Nawˬ-euˬ gʼaˇ duˬ, nawˇ maˬ mˇ-ehˇ maˬ gʼeh nya-eu saˇ jaˇ heu hmˬ-ahˇ buˬ-iˇ nya-eu gaˇ ma tiˬ kahˇ dahˇ-eu tehꞈ meh. Ngaˬ-euˬ aˬ yuiꞈ aˬ nyiˇ deuˬ jawˇ gaˇ nawˇ le ngeh, nawˇ ehˇ gaˇ aˬ yawꞈ maꞈ maˬ ha geuꞈ nehˬ laꞈ naˇ, saˇ jaˇ heu hmˬ-ahˇ nawˇ ya buˬ-iˇ tehꞈ-a’ lehˇ ehˇ nehˬ laꞈ-euˬ meh.”

Aˇ dahˬ 31:44

Teu miˇ neh, aˇ nyaꞈ yaw kaˬ saˇ jaˇ dzaˬ-awˇ, saˇ jaˇ heu maˬ bi byoˆ-iˇ ni noeˬ keuˆ-eu gʼaˇ duˬ, kʼaˬ lo tiˬ bymˇ gʼoˆ bymˇ kaˇ-euˇ.”

Aˇ dahˬ 39:3

Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ guiˬ lahˬ biꞈ luꞈ-eu miˇ neh, Yoˇsehˆ kʼaˇ mˇ kʼaˇ shaˇ-eu jeˬ guiˬ lahˬ baw gaˇ, yaw huiˬ yaw mahˇ kʼoeˇ gʼaˬ ya mawˇ-euˬ meh.

Aˇ dahˬ 39:5

Iˇjiˇtuˆ tsawˇ haˬ kʼoeˇ gʼaˬ-euˬ nymˇ jiˇ-ahˇ Yoˇsehˆ haw pyaˆ dahˬ beh ngeh nah neh, Yoˇsehˆ baˬ da neh nymˇ kʼoeˇ nymˇ-ahˇ Sahˬpaˬ Miˬyehˇ guiˬ lahˬ biꞈ-eu loꞈ-ehˇ, nymˇ laꞈ kʼoeˇ laꞈ nyiˇ kʼaˇ jaˆ-eu tsawˇ haˬ kʼoeˇ gʼaˬ-euˬ pyuˇ shuiˇ myawˬ gahˬ deuˬ myaˬ laˇ luꞈ-eu meh.

2 Laˬsaˬbaˬ 1:1

Sahˬ paˬ Daˬbiˇ-euˬ aˬ li Sawˇlaˬmoˬ-aˬ, Iˇsaˬleˬlaˆ miˇ kʼahˬ-ahˇ ziꞈ dah ni uˆ lahˇ-awˇ, Sahˬpaˬ Miˬyehˇ pyeuꞈ-eu Miˬyehˇ aˬ yawꞈ-ahˇ guiˬ lahˬ biꞈ-awˇ, baoˬ huiˬ-eu sahˬ paˬ tiˬ gʼaˬ bi pyeuꞈ laˇ-euˬ meh.

2 Laˬsaˬbaˬ 15:9

Eˇpaˬleˬ miˇ kʼahˬ, Maˬnaˇseˬ miˇ kʼahˬ hawˇ-eu Suˇmoˬ miˇ kʼahˬ-ahˇ jawˇ-eu tsawˇ haˬ gʼawˬ mya ni Aˬsaˬ jawˇ paw cehˆ uˇ le-awˇ, aˬ yawꞈ-euˬ miˇ kʼahˬ laꞈ kʼoeˇ jawˇ luꞈ-eu meh. Aˬ jeˬ miˇ neh ehˇ naˇ, aˬ yawꞈ nehˬ-ehˇ Sahˬpaˬ Miˬyehˇ jawˇ-eu aˬ yawꞈ maꞈ ya mawˇ-euˬ meh. Aˬ yawꞈ maꞈ dawˬ tawˆ luꞈ hawˇ-eu, Yuˇdaˆ tsawˇ haˬ, Beˬyaˬmiˬ tsawˇ haˬ deuˬ-ahˇ aˬ yawꞈ kuˇ uiˬ-euˬ meh.

Iˇsaˬyaˇ 45:14

Iˇsaˬleˬlaˆ-ahˇ Sahˬpaˬ Miˬyehˇ ehˇ nehˬ-eu, “Iˇjiˇtuˆ hawˇ-eu Suˬdaˬ miˇ kʼahˬ laꞈ kʼoeˇ jaˆ-eu pyuˇ shuiˇ myawˬ gahˬ, dawˬ tawˆ luꞈ nawˬ-euˬ meh. Caˇ gawˬ goˇ-eu Seˬbaˇ tsawˇ haˬ kʼoeˇ deuˬ nawˬ-euˬ zaˬ kʼaˆ geuꞈ-awˇ, shmˇ caˆ daˬ-awˇ nawˬ-euˬ mehˬ nah caw teh tehꞈ-a. Naw maꞈ mehˬ shi aˬ yawꞈ maꞈ awˆ byaˆ-awˇ, heu loꞈ-ehˇ ehˇ tehꞈ-a. ‘Naw maꞈ nehˬ-ehˇ Miˬyehˇ jawˇ meh. Aˬ yawꞈ tehꞈ-ehˇ maˇ maˇ ni Miˬyehˇ meh.

Iˇsaˬyaˇ 60:14

Nawˬ-ahˇ kʼehˬ-euˬ tsawˇ haˬ deuˬ-euˬ aˬ li deuˬ laˇ keuˆ-awˇ, awˆ byaˆ-awˇ nawˬ-ahˇ yaw zeu baw tehꞈ-a. Yaw beh nawˬ-ahˇ yehˬ bawˬ-ehˇ gʼeh-euˬ deuˬ, nawˬ-euˬ aˬ kuiˇ dawˬ peh uˬ duˬ tahˬ laˇ tehꞈ-a. Aˬ yawꞈ maꞈ nawˬ-ahˇ Sahˬpaˬ Miˬyehˇ-euˬ meuˬ lehˇ kuˇ-awˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ-euˬ meuˬ lehˇ kuˇ tehꞈ-a.

Iˇsaˬyaˇ 61:6

Naw maꞈ-ahˇ Sahˬpaˬ Miˬyehˇ-euˬ piˇ ma lehˇ kuˇ-awˇ, aˬ dui Miˬyehˇ-euˬ gʼaˬ zaˬ lehˇ myahˇ tehꞈ-a. Miˇ kʼahˬ tsawˇ jeuˬ deuˬ-euˬ pyuˇ shuiˇ naw maꞈ dzaˬ-awˇ, aˬ yawꞈ maꞈ-euˬ pyuˇ shuiˇ myawˬ gahˬ, naw maꞈ-euˬ kʼahˬ sehˇ pyeuꞈ tehꞈ-a.

Iˇsaˬyaˇ 61:9

Miˇ kʼahˬ tsawˇ jeuˬ kʼoeˇ taˆ aˬ yawꞈ maꞈ-euˬ tsawˇ myahˇ doˆ-awˇ, aˬ yawꞈ maꞈ ngaˬ neh guiˬ lahˬ biꞈ nehˬ-euˬ tsawˇ jeuˬ pyeuꞈ-eu gaˇ kawˆ, aˬ yawꞈ maꞈ-ahˇ kʼaˇ mawˇ-eu deuˬ siˬ nya tehꞈ-a.”

Lormav 8:31

Gaˇ kawˆ heu-ahˇ taꞈ leˇ-awˇ, aˬ dui aˬ joˆ-ehˇ ehˇ nmˇ. Miˬyehˇ aˬ dui jawˇ paw pyawˬ naˇ, aˬ dui-ahˇ aˬ suˇ gʼaˬ paˇ ciˬ daˬ laˇ peuˬ nmˇ.

1 Gawˇliˬtu 14:25

Zaꞈ taˬ-euˬ aˬ yawꞈ-euˬ nui noeˬ aˬ cawˬ mehˬ shi pah doˆ leꞈ-awˇ, pawˬ tsuiꞈ pawˬ dmˬ ga dmˬ-awˇ Miˬyehˇ-ahˇ uˬ duˬ tahˬ tehꞈ-a. “Naw maꞈ nehˬ-ehˇ Miˬyehˇ maˇ maˇ ni jawˇ-eu ngaˇ” lehˇ aˬ yawꞈ ehˇ tehꞈ-a.

HeˬByehˇ 13:5

Pyuˇ shuiˇ myawˬ gahˬ-ahˇ mehˇ juiˇ taˬ juiˇ. Yawˬ ha kʼaˇ jaˆ-eu myaˆ ni nui kʼahˇ shiˇ-awˬ. Aˬ jeˬ miˇ neh ehˇ naˇ, “Ngaˇ naw maꞈ-ahˇ tiˬ jawˇ-iˬ maˬ taˬ yaꞈ. Tiˬ jawˇ-iˬ maˬ byehˇ dzeh” lehˇ, Miˬyehˇ neh ehˇ taˬ-euˬ jaˆ-eu meh.

HeˬByehˇ 6:16

Tsawˇ haˬ tiˬ gʼaˬ na tiˬ jeˬ paˬ gaˇ kawˆ kamˬ ngeh, yawˬ ha naˆ maˬ tseˇ huiˬ dzehˬ mahˇ dzehˬ-eu tsawˇ haˬ tiˬ gʼa-euˬ tsawˇ myahˇ-ahˇ gʼoe-awˇ kamˬ-eu meh. Kʼoeˇ loꞈ-ehˇ kamˬ-eu baˬ da neh, gaˇ kawˆ kʼoeˇ-ahˇ tiˬ gʼaˬ-iˬ maˬ laˆ pyawˆ nya-a.

Yawˇshuˆ 3:7

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Iˇsaˬleˬlaˆ tsawˇ haˬ dawˬ tawˆ luꞈ, nawˬ-ahˇ huiˬ-eu tsawˇ haˬ tiˬ gʼaˬ loꞈ-ehˇ taˬ huiˬ taˬ mahˇ-awˇ, Moˇseˬ nehˬ-ehˇ ngaˇ jawˇ-euˬ loꞈ-ehˇ nawˬ nehˬ-ehˇ kʼawꞈ ngaˇ jawˇ-eu gaˇ kawˆ aˬ yawꞈ maꞈ ya siˬ duˬ ni, iˬ nah ngaˇ mˇ ma.

1 Saˬmeuˬlaˆ 11:1

Ba la tiˬ siˬ ehˇ gʼaˬ ni myahˇ laˇ ngeh, Aˬmoˬ sahˬ paˬ Naˬhaˆ-aˬ, aˬ yawꞈ-euˬ guiˇ maꞈ sheuˬ-awˇ, Giˇlaˆ miˇ kʼahˬ Jaˬbehˆ meuˬ-ahˇ loꞈ jawˬ le-euˬ meh. Kʼoeˇ ngeh, Jaˬbehˆ meuˬ-ahˇ jawˇ-eu tsawˇ haˬ deuˬ sahˬ paˬ Naˬhaˆ-ahˇ, “Nga maꞈ nehˬ-ehˇ saˇ jaˇ dzaˬ nehˬ laꞈ-awˬ. Nawˇ uˆ lahˇ-eu uˬ moˆ nga maꞈ jawˇ ma” lehˇ ehˇ nehˬ-euˬ meh.

1 Saˬmeuˬlaˆ 18:28

Daˬbiˇ nehˬ-ehˇ Sahˬpaˬ Miˬyehˇ jawˇ-eu gaˇ kawˆ hawˇ-eu, aˬ yawꞈ-euˬ aˬ buˇ Miˇkaˬlaˇ Daˬbiˇ-ahˇ aˬ diˇ aˬ maˇ gaˬ-eu gaˇ kawˆ-ahˇ SawˇLuˆ ya siˬ duˬ ngeh, Daˬbiˇ-ahˇ aˬ yawꞈ guˆ dzehˬ laˇ-awˇ, maˬ shiˇ tiˬ ziˇ muiˇ-euˬ meh.