Aˇ dahˬ 26:24 - Akha

²⁴ Kʼoeˇ ngeh miˇ, Sahˬpaˬ Miˬyehˇ aˬ yawꞈ mehˬ shi doˆ le-awˇ, “Ngaˇ-aˬ, nawˬ da Aˬbyaˬhaˬ-euˬ Miˬyehˇ ma. Taˬ guˆ. Ngaˇ nawˬ nehˬ-ehˇ jawˇ luꞈ ma. Ngaˬ-euˬ zaˬ kʼaˆ Aˬbyaˬhaˬ-ahˇ ngaˇ saˇ jaˇ biꞈ taˬ-euˬ loꞈ-ehˇ, ngaˇ nawˬ-ahˇ guiˬ lahˬ biꞈ-awˇ, nawˬ-euˬ zaˬ nawˬ-euˬ uˆ deuˬ bi jeuˬ bi o le ma” lehˇ ehˇ nehˬ-euˬ meh.

Aˇ dahˬ 26:24 ပူးပေါင်းရင်းမြစ်များ

Aˇ dahˬ 13:16

Nawˬ-euˬ zaˬ nawˬ-euˬ uˆ deuˬ-ahˇ, tsawˇ haˬ tiˬ gʼaˬ-iˬ maˬ gui jiˇ coeˇ gaˇ keuˆ ni ngaˇ bi jeuˬ bi o le ma. Miˇ tsaˬ kʼaˇ shuiꞈ-ahˇ maˬ gui jiˇ nya-eu loꞈ-ehˇ, nawˬ-euˬ zaˬ nawˬ-euˬ uˆ deuˬ-ahˇ maˬ gui jiˇ nya-aˇ.

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Aˇ dahˬ 17:7

“Nawˬ nehˬ-ehˇ maˬ ehˇ, aˬ kaˇ dehꞈ le jawˇ le-eu nawˬ-euˬ zaˬ nawˬ-euˬ uˆ deuˬ nehˬ-ehˇ maˬ ehˇ, ngaˇ dzaˬ taˬ-euˬ dawˬ ma saˇ jaˇ heu hmˬ-aˬ, mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ pyeuꞈ-eu ma. Ngaˇ-aˬ, nawˬ-euˬ Miˬyehˇ hawˇ-eu nawˬ-euˬ zaˬ deuˬ uˆ deuˬ-euˬ Miˬyehˇ pyeuꞈ-eu ma.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 21:17

Aˬ li kʼoeˇ gʼaˬ ngoeˇ luꞈ-eu teˇ saˇ-ahˇ Miˬyehˇ ya gaˬ-euˬ meh. Kʼoeˇ ngeh, Miˬyehˇ gʼaˬ kʼehˇ tiˬ gʼaˬ, mˬ kʼoeˇ taˆ neh Haˬgaˬlaˇ-ahˇ heu loꞈ-ehˇ dawˬ ngehˬ cawˬ-euˬ meh. “Haˬgaˬlaˇ-oˇ, nawˇ aˬ jeˬ miˇ neh noeˬ shaˬ te. Taˬ guˆ. Aˬ li ngoeˇ-eu teˇ saˇ-ahˇ Miˬyehˇ ya gaˬ gʼaˬ-euˬ meh.

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 22:19

Aˬ yawꞈ-euˬ zaˬ kʼaˆ deuˬ jawˇ gaˇ Aˬbyaˬhaˬ paˇ gʼoꞈ ka-iˇ-awˇ, Aˬbyaˬhaˬ-euˬ jawˇ duˬ pyeuꞈ-eu Beˬlaˇsheˬba-ahˇ tiˬ kawˆ loꞈ-ehˇ gʼoꞈ-iˇ-euˬ meh.

Aˇ dahˬ 24:12

“Zaˬ kʼaˆ kʼoeˇ gʼaˬ heu loꞈ-ehˇ guiˬ lahˬ shaˇ-euˬ meh. Ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˬ-euˬ baw leˬ Aˬbyaˬhaˬ-ahˇ nawˬ neh biꞈ taˬ-euˬ saˇ jaˇ-ahˇ noeˬ keuˆ-awˇ, iˬ nah ngaˇ mˇ-eu lehˇ gʼeh-eu gaˇ heu hmˬ pyeuꞈ leˇ ni caw ba nehˬ laꞈ-awˬ.

Aˇ dahˬ 28:13

Sahˬpaˬ Miˬyehˇ aˬ yawꞈ dawˬ peh yawꞈ-awˇ ehˇ-eu, “Ngaˇ-aˬ, Aˬbyaˬhaˬ hawˇ-eu Iˇtsaˆ-euˬ Miˬyehˇ pyeuꞈ-eu Sahˬpaˬ Miˬyehˇ ma. Nawˇ yuꞈ luꞈ-eu miˇ tsaˬ heu tsahˇ, nawˇ hawˇ-eu nawˬ-euˬ zaˬ deuˬ-ahˇ ngaˇ biꞈ ma.

Aˇ dahˬ 28:15

Haw taˬ-awˬ, ngaˇ nawˬ nehˬ-ehˇ jawˇ-awˇ, nawˇ kʼaˇ iˇ kʼaˇ laˇ gaˇ nawˬ-ahˇ ngaˇ haw piˇ-eu laꞈ kʼoeˇ, miˇ kʼahˬ heu kʼahˬ-ahˇ, nawˬ-ahˇ paˇ bi gʼoꞈ keuˆ laˇ ma. Nawˬ-ahˇ ngaˇ saˇ jaˇ dzaˬ taˬ-euˬ dawˬ heu deuˬ maˬ mˇ byah jiˇ kʼoeˇ keuˆ ni, ngaˇ nawˬ-ahˇ maˬ byehˇ dzeh.”

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 30:27

Laˬbaˬ ehˇ-eu, “Ngaˇ heu loꞈ-ehˇ ehˇ mawꞈ-eu ma. Nawˇ baˬ da neh Sahˬpaˬ Miˬyehˇ ngaˬ-ahˇ guiˬ lahˬ biꞈ laꞈ-euˬ gaˇ kawˆ-ahˇ, ngaˇ ja maw maw haw-awˇ ya siˬ-euˬ ma.

Aˇ dahˬ 31:5

Aˬ yawꞈ nyaꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Naw nyaꞈ nmˇ-euˬ aˬ da-aˬ, aˇ hu aˇ nah loꞈ-ehˇ, ngaˬ-ahˇ yaw kʼaˆ-ehˇ haw mawꞈ gaˇ maˬ duˇ nga. Ehˇ kʼawꞈ, ngaˬ da-euˬ Miˬyehˇ ngaˬ nehˬ-ehˇ jawˇ luꞈ meh.

Aˇ dahˬ 39:2

Yoˇsehˆ nehˬ-ehˇ Sahˬpaˬ Miˬyehˇ jawˇ-eu miˇ neh, Yoˇsehˆ kʼaˇ mˇ kʼaˇ shaˇ-eu gaˇ dawˬ tawˆ luꞈ huiˬ laˇ mahˇ laˇ luꞈ-eu meh. Aˬ yawꞈ-ahˇ zeuˇ-euˬ Iˇjiˇtuˆ tsawˇ haˬ yaw huiˬ yaw mahˇ kʼoeˇ gʼaˬ-euˬ nymˇ-ahˇ aˬ yawꞈ jawˇ luꞈ-eu meh.

Aˇ dahˬ 39:3

Yoˇsehˆ nehˬ-ehˇ Sahˬpaˬ Miˬyehˇ jawˇ-awˇ guiˬ lahˬ biꞈ luꞈ-eu miˇ neh, Yoˇsehˆ kʼaˇ mˇ kʼaˇ shaˇ-eu jeˬ guiˬ lahˬ baw gaˇ, yaw huiˬ yaw mahˇ kʼoeˇ gʼaˬ ya mawˇ-euˬ meh.

Aˇ dahˬ 46:1

Yaˬkoˆ-aˬ, aˬ yawꞈ-euˬ myawˬ dawˬ tawˆ luꞈ laˆ dawˆ-awˇ, Beˬlaˇsheˬba-ahˇ iˇ-awˇ, aˬ yawꞈ-euˬ aˬ da Iˇtsaˆ-euˬ Miˬyehˇ-ahˇ lawˇ nehˬ shehˇ nehˬ-euˬ meh.

1 Sahˬpaˬ 17:13

Kʼoeˇ ngeh, miˬ coeˬ miˬ ma kʼoeˇ gʼaˬ-ahˇ Eˇliˇyaˆ ehˇ nehˬ-eu, “Taˬ noeˬ shaˬ. Gʼoꞈ leˇ-awˇ kaˬ muˇ jahˇ leˇ-awˬ. Nawˇ kʼaˇ jaˆ-eu jeˬ laꞈ kʼoeˇ kaˬ muˇ yaw zaˬ zaˬ-ehˇ tiˬ siˬ jahˇ-awˇ, ngaˇ jawˇ gaˇ jeˬ huˬ yuˇ laꞈ-awˬ. Kʼoeˇ naˇ, kʼaˇ dzeˇ-eu deuˬ naw nyaꞈ ma zaˬ jahˇ dzaˬ-awˬ.

Doˆ-iˇ 14:13

Moˇseˬ ehˇ kʼoꞈ nehˬ-eu, “Taˬ guˆ. Kʼaˬ duˬ ni jawˇ-awˬ. Sahˬpaˬ Miˬyehˇ aˬ joˆ-ehˇ jahˇ-awˇ naw maꞈ-ahˇ ka kʼoꞈ-eu gaˇ, iˬ nah naw maꞈ ya mawˇ tehꞈ-a. Iˬ nah naw maꞈ ya mawˇ luꞈ-eu Iˇjiˇtuˆ tsawˇ haˬ heu deuˬ-ahˇ, naw maꞈ tiˬ jawˇ-iˬ maˬ paˇ ya mawˇ-aˇ.

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Iˇsaˬyaˇ 44:2

Nawˬ-ahˇ beh-euˬ Sahˬpaˬ Miˬyehˇ kʼoeˇ gʼaˬ ngaˇ ma. Nawˇ dehꞈ doˆ le ngeh tiˬ nah neh, nawˬ-ahˇ ngaˇ caw ba nehˬ-euˬ ma. Taˬ guˆ. Nawˇ ngaˬ-euˬ zaˬ kʼaˆ ma. Nawˬ-ahˇ ngaˇ gaˬ-awˇ tseˇ doˆ taˬ-euˬ ma.

Iˇsaˬyaˇ 51:12

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ-ahˇ gʼaˬ biꞈ nehˬ-eu gʼaˬ ngaˇ ma. Daˬ yawˬ yaˇ moꞈ loˆ ni gʼeh-awˇ gʼawˬ myahˇ ni maˬ gmˬ-eu, tsawˇ haˬ zaˬ-ahˇ aˬ jeˬ miˇ neh naw maꞈ guˆ te.

Iˇsaˬyaˇ 51:7

“Ngaˬ-euˬ zahˇ dawˬ kʼoꞈ dawˬ nui ma laꞈ kʼoeˇ ahˇ-awˇ, tsaˬ-eu dawˇ-eu jeˬ siˬ nya-eu naw maꞈ, ngaˇ ehˇ gaˇ naˇ haˬ-awˬ. Aˬ cawˬ naw maꞈ-ahˇ yehˬ bawˬ sehˇ lu-ehˇ ehˇ laˇ-awˇ lmˬ gaˇ, naw maꞈ ta guˆ.

Ngoeˇ dawˬ 3:57

Ngaˇ kuˇ gaˇ gaˬ ngeh nawˇ oe-awˇ, taˬ guˆ lehˇ ehˇ nehˬ laꞈ-euˬ meh.

Uˬ duˬ 26:42

Yaˬkoˆ, Iˇtsaˆ, Aˬbyaˬhaˬ aˬ ha maꞈ-ahˇ ngaˬ neh dzaˬ taˬ-euˬ dawˬ ma saˇ jaˇ-ahˇ ngaˇ paˇ noeˬ keuˆ-awˇ, miˇ kʼahˬ kʼoeˇ kʼahˬ ngaˬ-euˬ tsawˇ haˬ deuˬ-ahˇ biꞈ ma lehˇ, ngaˬ neh ehˇ tsehˆ taˬ-euˬ loꞈ-ehˇ, yaw shuiꞈ shuiꞈ-ehˇ ngaˇ paˇ noeˬ paˇ ma.

Uˬ duˬ 26:45

Aˬ yawꞈ maꞈ-euˬ Miˬyehˇ ya pyeuꞈ laˇ ni, miˇ kʼahˬ heu myaˆ ni gʼeh-eu mehˬ shi, Iˇjiˇtuˆ miˇ kʼahˬ laꞈ kʼoeˇ neh ngaˬ neh sheuˬ doˆ laꞈ-euˬ aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ ngaˬ neh dzaˬ taˬ-eu dawˬ ma saˇ jaˇ-ahˇ, yaw shuiꞈ shuiꞈ-ehˇ paˇ noeˬ keuˆ ma.”

Maꞈtehˬ 22:32

‘Ngaˇ-aˬ, Aˬbyaˬhaˬ-euˬ Miˬyehˇ, Iˇtsaˆ-euˬ Miˬyehˇ, Yaˬkoˆ-euˬ Miˬyehˇ ma’ lehˇ, aˬ yawꞈ ehˇ-eu meh. Aˬ yawꞈ-aˬ, dehꞈ luꞈ-eu tsawˇ haˬ deuˬ-euˬ Miˬyehˇ meh. Shiˇ-euˬ tsawˇ haˬ deuˬ-euˬ Miˬyehˇ maˬ ngeuˇ-a.”

Luˇkaꞈ 12:32

“Nyiˇ dui dui-eu yawˇ yawˇ maꞈ-oˇ, taˬ guˆ. Aˬ jeˬ miˇ neh ehˇ naˇ, naw maꞈ-ahˇ Miˇkʼahˬ biꞈ-eu gʼaˇ duˬ naw maꞈ-euˬ Aˬda nui ma tsaˬ-eu meh.

Gʼaˬkʼehˇ 7:32

‘Ngaˇ-aˬ, naw maꞈ-euˬ aˬ poeˬ aˬ bawˇ pyeuꞈ-eu Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma’ lehˇ ehˇ-eu meh. Kʼoeˇ ngeh, Moˇseˬ guˆ dui dui-eu miˇ neh yaw dzuˬ dzuˬ-awˇ, maˬ haw cawˬ peuˬ-a.

Dawˬmehˬ 13:17

Sahˬpaˬ Miˬyehˇ nui ma pehˇ-eu shuꞈ-iˇ-awˇ, naw maꞈ-ahˇ gʼawˬ shaˬ gaˬ ni, bi laˆ luˬ bi laˆ seˇ-eu gʼaˇ duˬ yaˬ kʼehˇ yaˬ nehˬ taˬ-euˬ myawˬ kʼoeˇ deuˬ, naw maꞈ gʼaˇ duˬ maˬ ya yuˇ geuꞈ-a. Iˬ nah naw maꞈ-ahˇ biꞈ-euˬ aˬ yawꞈ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ naw maꞈ naˇ haˬ geuꞈ-awˇ, aˬ yawꞈ neh kʼaˇ bi mˇ-euˬ jeˬ-ahˇ naw maꞈ mˇ naˇ, naw maꞈ-euˬ aˬ poeˬ aˬ bawˇ deuˬ-ahˇ aˬ yawꞈ neh saˇ jaˇ dzaˬ taˬ-euˬ loꞈ-ehˇ,

Dawˬmehˬ 31:6

Yawˬ haˇ yawˬ ha nui jah ahˇ-eu laꞈ kʼoeˇ, kʼaˬ duˬ ni mˇ-awˬ. Aˬ yawꞈ maꞈ-ahˇ taˬ guˆ. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-euˬ mawˇ do naw maꞈ nehˬ-ehˇ jawˇ tehꞈ-a. Aˬ yawꞈ naw maꞈ-ahˇ byehˇ dzeh-awˇ maˬ bi jawˇ nehˬ laꞈ-aˇ.”

HeˬByehˇ 11:16

Kʼoeˇ naˆ maˬ tseˇ muiˬ dzehˬ-eu mˬ taˆ miˇ kʼahˬ-ahˇ aˬ yawꞈ maꞈ noeˬ tsoˆ taˬ-euˬ meh. Kʼoeˇ miˇ neh, tsawˇ haˬ kʼoeˇ deuˬ Miˬyehˇ-ahˇ aˬ yawꞈ maꞈ-euˬ Miˬyehˇ ma lehˇ kuˇ gaˇ Miˬyehˇ maˬ shaꞈ dawˇ-a. Aˬ jeˬ miˇ neh ehˇ naˇ, aˬ yawꞈ maꞈ gʼaˇ duˬ meuˬ tiˬ meuˬ aˬ yawꞈ lehˬ hmˬ taˬ-euˬ meh.

HeˬByehˇ 13:6

Kʼoeˇ miˇ neh, aˬ dui nui ma kʼaˬ duˬ ni gʼeh-eu laꞈ kʼoeˇ, “Sahˬpaˬ Miˬyehˇ ngehˬ gʼeh luꞈmeh. Ngaˇ tiˬ jeˬ-iˬ guˆ kʼaˇ maˬ za. Aˬcawˬ aˬ jeˬ jahˇ laˇ nya nmˇ” lehˇ ehˇ kaˇ-euˇ.

Panmaeq 1:17

Aˬ yawꞈ-ahˇ ngaˇ mawˇ ngeh, tsawˇ shiˇ loꞈ-ehˇ aˬ yawꞈ-euˬ aˬ kuiˇ dawˬ peh coˬ dzeh-euˬ ma. Kʼoeˇ ngeh, aˬ yawꞈ ngaˬ-ahˇ aˇ maˇ laꞈ baꞈ daˆ-awˇ, heu loꞈ-ehˇ ehˇ-eu meh. “Taˬ guˆ, ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma.

Luˇta 3:11

Luˇta-oˇ, Nawˇ tiˬ jeˬ-iˬ taˬ paˇ noeˬ shaˬ. Meuˬ heu meuˬ laꞈ kʼoeˇ kʼaˇ jawˇ-eu tsawˇ haˬ dawˬ tawˆ luꞈ, nawˇ-aˬ, muiˬ-eu zaˬ miˬ zaˬ tiˬ gʼaˬ meh lehˇ siˬ nya luꞈ meh. Nawˇ kʼaˇ shaˇ-eu jeˬ ngaˇ mˇ nehˬ ma.