Aˇ dahˬ 25:6 - Akha

⁶ Aˬ yawꞈ-euˬ ma nyiˇ deuˬ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ laꞈ sawˬ biꞈ yaꞈ-euˬ meh. Kʼoeˇ naˇ, aˬ yawꞈ maꞈ-ahˇ Iˇtsaˆ jawˇ gaˇ neh bi doˆ-iˇ-awˇ, nahˇ ma doˆ kʼehˬ paw bi jawˇ-iˇ-euˬ meh.

Aˇ dahˬ 25:6 ပူးပေါင်းရင်းမြစ်များ

Aˇ dahˬ 16:3

Kʼoeˇ ngeh, Saˬlehˇ neh Haˬgaˬlaˇ-ahˇ Aˬbyaˬ-euˬ ma nyiˇ bi geuꞈ-euˬ meh. Heu-aˬ, Aˬbyaˬ aˬ yawꞈ Kaˬnaˬ miˇ kʼahˬ-ahˇ tseˇ kʼoꞈ jawˇ keuˆ laꞈ ngeh pyeuꞈ laˇ-euˬ gaˇ kawˆ meh.

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 25:1

Jeˬtuˬlaˇ lehˇ myahˇ-euˬ zaˬ miˬ zaˬ tiˬ gʼaˬ-ahˇ Aˬbyaˬhaˬ paˇ sheuˬ-euˬ meh.

Aˇ dahˬ 29:1

Kʼoeˇ naˇ, nahˇ ma doˆ kʼehˬ paw Yaˬkoˆ paˇ iˇ gʼeh-euˬ meh.

Aˇ dahˬ 30:4

Kʼoeˇ naˇ, Laˬkeˬlaˇ-aˬ, aˬ yawꞈ-euˬ zaˬ kʼaˆ Biˇlaˬhaˇ-ahˇ Yaˬkoˆ nehˬ-ehˇ bi yuꞈ taꞈ-iˇ-euˬ meh.

Aˇ dahˬ 30:9

Leˇaˬ-aˬ, yawˬ ha zaˬ maˬ paˇ jawˇ le nya-euˬ gaˇ kawˆ ya siˬ duˬ ngeh, Yaˬkoˆ-ahˇ aˬ yawꞈ-euˬ zaˬ kʼaˆ Ziˇlaˬpaˬ-ahˇ bi sheuˬ-euˬ meh.

Aˇ dahˬ 32:22

Yaˬkoˆ-aˬ, aˬ yawꞈ-euˬ miˬ zaˬ nyiˬ gʼaˬ, ma nyiˇ nyiˬ gʼaˬ hawˇ-eu, aˬ yawꞈ-euˬ zaˬ tseˇ tiꞈ gʼaˬ sheuˬ-awˇ, kʼoeˇ ngeh miˇ Jaˬboˆ lawˇ baˬ tsehˆ-euˬ meh.

Aˇ dahˬ 35:22

Yaˬkoˆ kʼoeˇ gaˇ jawˇ luꞈ ngeh, aˬ yawꞈ-euˬ aˬ li Luˇbeˬ gʼaˬ, aˬ yawꞈ-euˬ ma nyiˇ Biˇlaˬhaˇ nehˬ-ehˇ yuꞈ taꞈ-euˬ meh. Gaˇ kawˆ kʼoeˇ Yaˬkoˆ ya gaˬ ngeh, nui ma pehˇ dui dui-euˬ meh.

2 Laˬsaˬbaˬ 11:21

Leˬhawˇbamˬ-euˬ miˬ zaˬ dawˬ tawˆ luꞈ tseˇ yehꞈ gʼaˬ jawˇ-awˇ, ma nyiˇ koꞈ tseˇ gʼaˬ jawˇ-eu meh. Aˬ yawꞈ-euˬ aˬ li nyiˬ tseˇ yehꞈ li jawˇ-awˇ, aˬ buˇ koꞈ tseˇ buˇ jawˇ-eu meh. Aˬ yawꞈ-euˬ miˬ zaˬ dawˬ tawˆ luꞈ hawˇ-eu ma nyiˇ dawˬ tawˆ luꞈ kʼoeˇ taˆ, Mawˇkah-ahˇ aˬ yawꞈ gaˬ dzehˬ-eu meh.

Yawˇbaˆ 1:1

Uˇzaˆ miˇ kʼahˬ laꞈ kʼoeˇ Yawˇbaˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, Miˬyehˇ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ-eu meh. Yaw lehˬ jeˬ maˬ mˇ ni yahˇ yahˇ-ehˇ dehꞈ luꞈ-eu muiˬ-eu jaˬ-eu tsawˇ haˬ tiˬ gʼaˬ kʼawꞈ pyeuꞈ-eu meh.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

Gʼaˬkʼehˇ 14:17

Ehˇ kʼawꞈ, aˬ yawꞈ neh mˇ-euˬ yaw muiˬ jeˬ laꞈ kʼoeˇ, aˬ yawꞈ dehꞈ luꞈ jawˇ luꞈ-eu gaˇ kawˆ aˬ myah luꞈ bi siˬ bi mawˇ-euˬ meh. Aˬ yawꞈ naw maꞈ-ahˇ mˬ kʼoeˇ taˆ neh uˬ yehˇ bi yehˇ le-awˇ, aˇ yamˬ tsaˬ ngeh dzaˬ la gʼo cehˇ bi keuˆ le-euˬ meh. Naw maꞈ-ahˇ dzaˬ dzaˬ dawˇ dawˇ biꞈ-awˇ, naw maꞈ-euˬ nui ma laꞈ kʼoeˇ laˬ kʼaˬ cehˇ-eu jeˬ bi byah laˇ-euˬ meh.”

Yaˇ kʼaˬ daˇ 19:4

Kʼoeˇ gaˇ jawˇ-awˬ lehˇ aˬ mawˬ gʼaˬ aˬ yawꞈ-ahˇ ehˇ-eu miˇ neh, smˬ nah keuˆ ni, dzaˬ gʼaˬ naˇ yuꞈ yuꞈ-ehˇ jawˇ-euˬ meh.

Yaˇ kʼaˬ daˇ 6:3

Iˇsaˬleˬlaˆ tsawˇ haˬ deuˬ siˬ yoeˬ kʼaˇ sehˬ ngeh, Miˇdiˬyaˬ tsawˇ haˬ deuˬ bawˇ tsahˬ bawˇ dahˇ-ahˇ jawˇ-eu Aˬmaˬlehˇ tsawˇ haˬ deuˬ nehˬ-ehˇ oe-awˇ, Iˇsaˬleˬlaˆ tsawˇ haˬ deuˬ-ahˇ guiˇ deuˆ le-euˬ meh.