Aˇ dahˬ 25:20 - Akha

²⁰ Iˇtsaˆ-aˬ, Laˬbaˬ-euˬ dmˇ ma Leˬbehˇkaꞈ-ahˇ sheuˬ ngeh, aˇ kʼoꞈ oeˬ tseˇ byah laˇ-euˬ meh. Leˬbehˇkaꞈ-euˬ aˬ da-aˬ, Beˬtuˬlaˇ lehˇ myahˇ-euˬ Maˬsoˬpoˬtaˬmiˇ miˇ kʼahˬ-ahˇ jawˇ-eu Aˬlamˬ tsawˇ jeuˬ pyeuꞈ-eu meh.

Aˇ dahˬ 25:20 ပူးပေါင်းရင်းမြစ်များ

Aˇ dahˬ 22:23

Beˬtuˬlaˇ-aˬ, Leˬbehˇkaꞈ-euˬ aˬ da meh. Miˇlaˬkah-aˬ, Aˬbyaˬhaˬ-euˬ aˬ nyiˇ Naˬkawˬ gʼaˇ duˬ, aˬ li kʼoeˇ yehꞈ li ciˬ-euˬ meh.

Aˇ dahˬ 24:15

Aˬ yawꞈ guiˬ lahˬ shaˇ gʼaˬ-eu maˬ dah ni, Leˬbehˇkaꞈ muiˇ deuˇ oeˬ lahˬ tiˬ siˬ baꞈ-awˇ, lah duˬ-ahˇ oe keuˆ taˬ-euˬ meh. Leˬbehˇkaꞈ-aˬ, Beˬtuˬlaˇ-euˬ aˬ buˇ pyeuꞈ-eu meh. Beˬtuˬlaˇ-aˬ, Aˬbyaˬhaˬ-euˬ aˬ nyiˇ Naˬkawˬ hawˇ-eu Miˇlaˬkah aˬ nyaꞈ dzeˇ zaˬ-euˬ aˬ li pyeuꞈ-eu meh.

Aˇ dahˬ 24:29

Laˬbaˬ lehˇ myahˇ-euˬ Leˬbehˇkaꞈ-euˬ aˬ mahˇ aˬ da tiˬ gʼaˬ jawˇ-eu meh. Lah duˬ-ahˇ Aˬbyaˬhaˬ-euˬ zaˬ kʼaˆ jawˇ gaˇ iˇ-eu lehˇ, Laˬbaˬ coeˬ doˆ gʼeh-euˬ meh.

Aˇ dahˬ 24:67

Kʼoeˇ ngeh, Iˇtsaˆ-aˬ, aˬ yawꞈ aˬ ma Saˬlaˇ yaw dehꞈ dehꞈ ngeh jawˇ-euˬ sehˬ gʼawˆ laꞈ kʼoeˇ Leˬbehˇkaꞈ-ahˇ sheuˬ uˇ gʼeh-awˇ, aˬ yawꞈ-euˬ miˬ zaˬ bi pyeuꞈ laˇ-euˬ meh. Iˇtsaˆ Leˬbehˇkaꞈ-ahˇ gaˬ-eu miˇ neh, aˬ yawꞈ aˬ ma shiˇ-euˬ gaˇ noeˬ luꞈ-eu nui ma byoˆ-iˇ-euˬ meh.

Aˇ dahˬ 25:26

Jeˬ nah dehꞈ le-euˬ gʼaˬ-aˬ, Iˇsawˇ-euˬ aˬ kuiˇ kuiˇ nuiꞈ-ahˇ ziꞈ dah ni tsuˆ tehˬ-awˇ dehꞈ doˆ le-euˬ miˇ neh, Yaˬkoˆ lehˇ myahˇ nehˬ-euˬ meh. Aˬ yawꞈ nyaꞈ nmˇ dehꞈ le ngeh, Iˇtsaˆ koꞈ tseˇ kʼoꞈ kʼawˆ laˇ-euˬ meh.

Aˇ dahˬ 27:43

Ngaˬ li-oˇ, ngaˇ kʼaˇ ehˇ-eu loꞈ-ehˇ nymˬ-mˇ jahˇ-awˬ. Haˬlaˬ meuˬ-ahˇ ngaˬ-euˬ aˬ mahˇ aˬ da Laˬbaˬ jawˇ gaˇ yaw kawˇ-ehˇ cehˆ leˇ-awˬ.

Aˇ dahˬ 28:2

Maˬsoˬpoˬtaˬmiˇ miˇ kʼahˬ-ahˇ, nawˬ bawˇ Beˬtuˬlaˇ jawˇ gaˇ le-awˇ, nawˬ gʼoe Laˬbaˬ-euˬ aˬ buˇ-ahˇ sheuˬ leˇ-awˬ.

Aˇ dahˬ 28:7

Kʼoeˇ uˬ taꞈ, aˬ ma aˬ da-euˬ ehˇ dawˬ-ahˇ Yaˬkoˆ naˇ haˬ-awˇ, Maˬsoˬpoˬtaˬmiˇ miˇ kʼahˬ-ahˇ miˬ zaˬ poˆ leˇ-euˬ gaˇ kawˆ kʼawꞈ, aˬ yawꞈ paˇ ya siˬ-euˬ meh.

Aˇ dahˬ 31:20

Yaˬkoˆ-aˬ, aˬ yawꞈ gʼoꞈ-iˇ-eu lehˇ gʼeh-eu gaˇ kawˆ Laˬbaˬ-ahˇ maˬ bi siˬ ni, tsawˇ gahˇ gahˇ dzeuˇ-awˇ cehˆ-euˬ meh.

Aˇ dahˬ 31:24

Kʼoeˇ ngeh miˇ, yuꞈ maˆ laꞈ kʼoeˇ Laˬbaˬ jawˇ gaˇ Miˬyehˇ oe-awˇ, “Tiˬ jeˬ gʼeh-awˇ neh-iˬ Yaˬkoˆ-ahˇ maˬ ya laˆ guˆ-eu gʼaˇ duˬ, yaw kʼaˆ kʼaˆ-ehˇ yahˇ-awˬ” lehˇ ehˇ nehˬ le-euˬ meh.

Aˇ dahˬ 33:18

Yaˬkoˆ-aˬ, Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, tiˬ jeˬ-iˬ maˬ ca laˇ ni, Kaˬnaˬ miˇ kʼahˬ Sheˬkmˬ meuˬ-ahˇ oe keuˆ-euˬ meh. Meuˬ kʼoeˇ meuˬ dawˬ peh, deh ga-ahˇ aˬ yawꞈ jawˇ duˬ dah-euˬ meh.

Aˇ dahˬ 35:26

Leˇaˬ-euˬ zaˬ kʼaˆ pyeuꞈ-eu Yaˬkoˆ-euˬ ma nyiˇ Ziˇlaˬpaˬ o neh jawˇ le-euˬ aˬ li deuˬ-aˬ, Gaˆ hawˇ-eu Aˬsaˬ aˬ nyaꞈ nmˇ meh. Aˬ li heu deuˬ dawˬ tawˆ luꞈ, Maˬsoˬpoˬtaˬmiˇ miˇ kʼahˬ-ahˇ jawˇ ngeh dehꞈ le-euˬ meh.

Aˇ dahˬ 35:9

Maˬsoˬpoˬtaˬmiˇ miˇ kʼahˬ-ahˇ neh Yaˬkoˆ paˇ gʼoꞈ doˆ laˇ ngeh, aˬ yawꞈ-euˬ mehˬ shi Miˬyehˇ tiˬ poˆ paˇ doˆ le-awˇ, aˬ yawꞈ-ahˇ guiˬ lahˬ biꞈ le-euˬ meh.

Aˇ dahˬ 46:15

Heu deuˬ-aˬ, Maˬsoˬpoˬtaˬmiˇ miˇ kʼahˬ-ahˇ jawˇ ngeh dehꞈ le-euˬ Diˇnaˆ nehˬ-ehˇ tiˬ uˇ pyehˆ zaˬ deuˬ tehꞈ meh. Aˬ yawꞈ maꞈ-aˬ, Yaˬkoˆ-euˬ miˬ zaˬ Leˇaˬ gʼaˬ o neh dehꞈ le-euˬ deuˬ tehꞈ meh. Leˇaˬ o neh dehꞈ le-euˬ zaˬ deuˬ hawˇ-eu oeˬ paˬ deuˬ dawˬ tawˆ luꞈ, zaˬ yo aˬ li tehꞈ-ehˇ smˬ tseˇ smˇ gʼaˬ byah-eu meh.

Luˇkaꞈ 4:27

Eˇliˇshehˇ-euˬ ziˇ-ahˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ coiˬ doi naˇ-eu tsawˇ haˬ gʼawˬ mya ni jawˇ-eu meh. Ehˇ kʼawꞈ, nui gʼaˬ-ahˇ maˬ bi muiˬ maˬ bi shawˇ laˇ-ehˇ Suˇliˆ tsawˇ jeuˬ Neˬmaˬ tiˬ gʼaˬ-ahˇ tehꞈ-ehˇ bi muiˬ bi shawˇ laˇ-euˬ meh.”

Dawˬmehˬ 26:5

Kʼoeˇ naˇ, Sahˬpaˬ Miˬyehˇ mehˬ shi nawˇ heu loꞈ-ehˇ ya ehˇ meh. ‘Ngaˬ-euˬ aˬ poeˬ-aˬ, jawˇ duˬ maˬ baw-euˬ Aˬlamˬ tsawˇ haˬ pyeuꞈ-awˇ, aˬ yawꞈ-euˬ miˬ sawˇ zaˬ deuˬ sheuˬ-awˇ Iˇjiˇtuˆ miˇ kʼahˬ-ahˇ jawˇ-iˇ-euˬ meh. Aˬ yawꞈ kʼoeˇ gaˇ jawˇ-iˇ ngeh, tsawˇ haˬ ui cuiˆ tehꞈ kʼawꞈ, tsawˇ haˬ myaˬ laˇ-awˇ baoˬ ahˇ-eu tsawˇ jeuˬ tiˬ jeuˬ pyeuꞈ laˇ-euˬ meh.