Aˇ dahˬ 25:18 - Akha

¹⁸ Iˇshaˬmeˬlaˇ-euˬ zaˬ deuˬ uˆ deuˬ-aˬ, Iˇjiˇtuˆ miˇ kʼahˬ nahˇ ma doˆ kʼehˬ paw, Aˬshuˇliˆ miˇ kʼahˬ-ahˇ iˇ-eu gaˇ ma-ahˇ jaˆ-eu Haˬbiˇlaˬ meuˬ hawˇ-eu Shuˇyaˆ meuˬ yaw kaˬ-ahˇ jawˇ-euˬ meh. Aˬ yawꞈ maꞈ-aˬ, Aˬbyaˬhaˬ-euˬ zaˬ yawˬ deuˬ yawˬ nehˬ-ehˇ maˬ jawˇ keuˬ ni jawˇ-euˬ meh.

Aˇ dahˬ 25:18 ပူးပေါင်းရင်းမြစ်များ

Aˇ dahˬ 10:29

Awˇpiˇlaˆ tsawˇ jeuˬ, Haˬbiˇlaˬ tsawˇ jeuˬ, Yawˇbehˆ tsawˇ jeuˬ, heu deuˬ meh. Aˬ yawꞈ maꞈ dawˬ tawˆ luꞈ Yoˇtaˬ-euˬ zaˬ deuˬ uˆ deuˬ tehꞈ meh.

Aˇ dahˬ 10:7

Kuˇshaˆ-euˬ zaˬ deuˬ uˆ deuˬ-aˬ, Seˬbaˇ tsawˇ jeuˬ, Haˬbiˇlaˬ tsawˇ jeuˬ, Saˬbaˬtah tsawˇ jeuˬ, Laˬmaˬ tsawˇ jeuˬ, Saˬteˬkaˬ tsawˇ jeuˬ, heu deuˬ pyeuꞈ-eu meh. Laˬmaˬ-euˬ zaˬ deuˬ uˆ deuˬ-aˬ, Sheˬba tsawˇ jeuˬ hawˇ-eu Deˬdaˬ tsawˇ jeuˬ pyeuꞈ-eu meh.

Aˇ dahˬ 13:10

Miˇ kʼahˬ kʼoeˇ kʼahˬ doe doe-ehˇ Lawˇtaˬ jawˇ duˬ nawˬ haw-iˇ ngeh, Zoˇlaˆ meuˬ-ahˇ le-eu gaˇ ma kahˇ li jaˆ-eu Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ, Sahˬpaˬ Miˬyehˇ-euˬ yaˇ kmˇ loꞈ-ehˇ maˬ ehˇ, Iˇjiˇtuˆ miˇ kʼahˬ loꞈ-ehˇ maˬ ehˇ, iˇ cuꞈ jaˆ loꞈ-eu jawˇ duˬ pyeuꞈ gaˇ ya mawˇ-euˬ meh. (Aˇ yamˬ kʼoeˇ yamˬ laꞈ kʼoeˇ, Sawˇdoˬ meuˬ hawˇ-eu Gawˇmawˇlaˆ meuˬ-ahˇ Sahˬpaˬ Miˬyehˇ maˬ laˆ cawˆ-aˬ siˬ.)

Aˇ dahˬ 14:10

Deh ga kʼoeˇ ga laꞈ kʼoeˇ, ju jaˬ ni gʼeh-awˇ, juˇ dui dui-eu duˬ kʼahˬ tiˬ byah ni jaˆ-eu meh. Sawˇdoˬ sahˬ paˬ hawˇ-eu Gawˇmawˇlaˆ sahˬ paˬ aˬ nyaꞈ guiˇ maˬ deuˆ gʼaˬ nya-ehˇ, cehˆ dzeuˇ-eu lehˇ cehˆ ngeh, duˬ kʼahˬ kʼoeˇ deuˬ-ahˇ ga ahˇ-euˬ meh. Ehˇ kʼawꞈ, sahˬ paˬ nui deuˬ kʼoeˇ smˇ gʼaˬ-aˬ, gawˬ jawˬ paw cehˆ daˆ-awˇ cehˆ dzeuˇ-euˬ meh.

Aˇ dahˬ 16:12

Ehˇ kʼawꞈ, nawˬ li kʼoeˇ li-aˬ, bawˇ tsahˬ mahˬ tahˬ laˆ loꞈ-ehˇ pyeuꞈ tehꞈ-a. Aˬ cawˬ yawˬ gʼaˬ na luꞈ-ahˇ aˬ yawꞈ muiˇ-awˇ, aˬ cawˬ yawˬ gʼaˬ na luꞈ kʼawꞈ, aˬ yawꞈ-ahˇ muiˇ tehꞈ-a. Aˬ yawꞈ-euˬ aˬ yuiꞈ aˬ nyiˇ deuˬ nehˬ-ehˇ kʼawꞈ, aˬ yawꞈ dehꞈ gʼawˬ tehꞈ-a.”

Aˇ dahˬ 16:7

Shuˇyaˆ meuˬ-ahˇ iˇ-eu gaˇ ma gaˇ pehˇ, bawˇ tsahˬ bawˇ dahˇ-ahˇ jaˆ-eu iˇ cuꞈ lawˇ gawˆ gawˆ zaˬ tiˬ gawˆ dawˬ peh, Sahˬpaˬ Miˬyehˇ-euˬ gʼaˬ kʼehˇ tiˬ gʼaˬ Haˬgaˬlaˇ-ahˇ tahˬ puˬ-awˇ,

Aˇ dahˬ 2:11

Lawˇ baˬ yaw beh gawˆ-aˬ, Piˇshahˬ lawˇ baˬ pyeuꞈ-awˇ, Haˬbiˇlaˬ miˇ kʼahˬ caw caw-ehˇ yoeˇ ka gʼeh-euˬ meh.

Aˇ dahˬ 20:1

Aˬbyaˬhaˬ-aˬ, Mamˬliˬ lehˇ kuˇ-eu jawˇ duˬ-ahˇ neh Kaˬnaˬ miˇ kʼahˬ laꞈ oˆ paw paˇ iˇ ka gʼeh-awˇ, Kaˬdeˬshaˇ meuˬ hawˇ-eu Shuˇyaˆ meuˬ yaw kaˬ-ahˇ jawˇ-iˇ-euˬ meh. Gʼawˬ myahˇ maˬ gʼeh-ehˇ Geˬlawˬ meuˬ-ahˇ aˬ yawꞈ paˇ jawˇ-iˇ-euˬ meh.

Aˇ dahˬ 21:14

Yawˬ nah yawˬ uˬ shawˬ yaw naꞈ-ehˇ, dzaˬ dzaˬ dawˇ dawˇ maˬ ehˇ, iˇ cuꞈ tiˬ byah ni dahˬ-eu shaˬ kʼoˆ iˇ puˬ maˬ ehˇ, Aˬbyaˬhaˬ laˆ dawˆ-awˇ, Haˬgaˬlaˇ-ahˇ biꞈ-euˬ meh. Kʼoeˇ naˇ, Iˇshaˬmeˬlaˇ-ahˇ Haˬgaˬ laˇ-euˬ naˇ kʼah nyehꞈ euˬ nehˬ-awˇ, gaˇ mahˇ kaˬ gaˇ bi iˇ byoˆ gʼeh-euˬ meh. Haˬgaˬlaˇ iˇ byoˆ gʼeh-awˇ, Beˬlaˇsheˬba bawˇ tsahˬ bawˇ dahˇ laꞈ kʼoeˇ, doe doe-ehˇ cah cah-ehˇ jawˇ-euˬ meh.

Aˇ dahˬ 21:21

Aˬ yawꞈ-euˬ aˬ ma neh aˬ yawꞈ-ahˇ Iˇjiˇtuˆ tsawˇ jeuˬ zaˬ miˬ aˬ buˇ tiˬ gʼaˬ-ahˇ bi sheuˬ dahˬ dzaˬ-euˬ meh.

2 Sahˬpaˬ 23:29

Yawˇshiˆ sahˬ paˬ geuꞈ luꞈ ngeh, Iˇjiˇtuˆ sahˬ paˬ Neˬkawˇ gʼaˬ Aˬshuˇliˆ sahˬ paˬ-ahˇ caw ba-eu lehˇ, Iˇjiˇtuˆ guiˇ maꞈ tiˬ maꞈ sheuˬ-awˇ, Uˇpaˬlaˇ lawˇ daˬ-ahˇ laˇ-euˬ meh. Iˇjiˇtuˆ guiˇ maꞈ-ahˇ laˆ tsoeˬ-eu lehˇ, Meˬgiˇdoˬ meuˬ-ahˇ sahˬ paˬ Yawˇshiˆ le ngeh, guiˇ deuˆ gaˇ shiˇ-euˬ meh.

1 Laˬsaˬbaˬ 1:23

Awˇpiˇlaˆ, Haˬbiˇlaˬ, Yawˇbehˆ heu deuˬ meh.

Jaceuq 78:64

Piˇ ma deuˬ shaˆ shiˇ shiˇ-awˇ, aˬ yawꞈ maꞈ-euˬ miˬ zaˬ deuˬ tsawˇ ngoeˇ maˬ ya ngoeˇ-a.

Doˆ-iˇ 15:22

Kʼoeˇ naˇ, Moˇseˬ-aˬ, Iˇsaˬleˬlaˆ tsawˇ haˬ deuˬ-ahˇ, iˬ ma laˆ shaˆ Yaw neˇ-ahˇ neh, Shuˇyaˆ lehˇ kuˇ-eu bawˇ tsahˬ bawˇ dahˇ paw sheuˬ gʼeh-euˬ meh. Bawˇ tsahˬ bawˇ dahˇ laꞈ kʼoeˇ, smˬ nah keuˆ ni aˬ yawꞈ maꞈ gaˇ ma cah keuˆ laꞈ-euˬ kʼawꞈ, iˇ cuꞈ maˬ ya mawˇ-a.

Yeˬsaˬgeˬlaˇ 23:23

Baˬbuˇloˬ tsawˇ haˬ hawˇ-eu Kaˬlaˬdehˇ tsawˇ haˬ dawˬ tawˆ luꞈ maˬ ehˇ, Peˬkawˇ meuˬ, Shoˇaˬ meuˬ hawˇ-eu, Koˬaˬ meuˬ-ahˇ jawˇ-eu tsawˇ haˬ deuˬ maˬ ehˇ, Aˬshuˇliˆ tsawˇ haˬ dawˬ tawˆ luꞈ maˬ ehˇ, ngaˇ sheuˬ uiˬ leꞈ ma. Aˇ gʼehˇ muiˬ-eu zaˬ guˬ pyeuꞈ-eu sahˬ paˬ sahˬ ma deuˬ hawˇ-eu, mahˬ dziˬ-eu guiˇ maꞈ deuˬ kʼoeˇ taˆ uˆ lahˇ-eu aˬ yuiꞈ aˬ tsu deuˬ hawˇ-eu yaw huiˬ yaw mahˇ dawˬ tawˆ luꞈ ngaˇ kuˇ uiˬ ma.

1 Saˬmeuˬlaˆ 15:7

Haˬbiˇlaˬ meuˬ-ahˇ neh Iˇjiˇtuˆ miˇ kʼahˬ-euˬ nahˇ ma doˆ kʼehˬ paw jaˆ-eu Shuˇyaˆ meuˬ-ahˇ keuˆ ni guiˇ deuˆ keuˆ-awˇ, Aˬmaˬlehˇ tsawˇ haˬ deuˬ-ahˇ Sawˇluˆ deuˆ gʼaˬ-euˬ meh.