Aˇ dahˬ 25:13 - Akha

¹³ Aˬ yawꞈ-euˬ aˬ li deuˬ-aˬ, Neˬbaˬyoˇ, Geˬdaˬ, Aˬdaˬbeˬlaˇ, Miˇbaˬsaˬ,

Aˇ dahˬ 25:13 ပူးပေါင်းရင်းမြစ်များ

Aˇ dahˬ 17:20

Iˇshaˬmeˬlaˇ gʼaˇ duˬ kʼawꞈ nawˇ ngaˬ-ahˇ shaˇ-eu ngaˇ ya gaˬ gʼaˬ-euˬ miˇ neh, aˬ yawꞈ-euˬ zaˬ deuˬ uˆ deuˬ-ahˇ ngaˇ bi jeuˬ bi o le ma. Aˬ yawꞈ-ahˇ sahˬpaˬ zaˬ yo tseˇ nyiꞈ gʼaˬ-euˬ aˬ da yaw dzahˇ bi pyeuꞈ laˇ-awˇ, aˬ yawꞈ-euˬ zaˬ deuˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 25:14

Miˇshaˬmaˬ, Duˇmahˬ, Maˬsaˬ,

Aˇ dahˬ 28:9

Kʼoeˇ ngeh jawˇ, Aˬbyaˬhaˬ-euˬ aˬ li Iˇshaˬmeˬlaˇ jawˇ gaˇ aˬ yawꞈ iˇ-awˇ, Iˇshaˬmeˬlaˇ-euˬ aˬ buˇ pyeuꞈ-eu Neˬbaˬyoˇ-euˬ dmˇ ma Maˬhaˬlaˇ-ahˇ sheuˬ-euˬ meh.

Aˇ dahˬ 36:3

Iˇshaˬmeˬlaˇ-euˬ aˬ buˇ Naˬbaˬyoˇ-euˬ dmˇ ma Baˬseˬmaˇ meh.

Jaceuq 120:5

Naw maꞈ nehˬ-ehˇ jawˇ-euˬ-aˬ, Meˬshehˆ miˇ kʼahˬ-ahˇ jawˇ-eu naˆ ni doeˇ-awˇ, Geˬdaˬ tsawˇ haˬ deuˬ-euˬ tsahˬ-ahˇ jawˇ-eu loꞈ-ehˇ shaˬ miˇ-a.

Dawˬ caˇ 1:5

Yeˬluˇsaˬlehˬ meuˬ-euˬ zaˬ miˬ deuˬ-oˇ, ngaˇ shiˬ shaˬ yaw naˆ kʼawꞈ aˇ gʼehˇ muiˬ ma. Geˬdaˬ tsawˇ jeuˬ-euˬ sehˬ gʼawˆ loꞈ-ehˇ naˆ kʼawꞈ, Sawˇlaˬmoˬ-euˬ hawˇ nymˇ-ahˇ lawˆ kaˬ taw-euˬ saˬ paˇ loꞈ-ehˇ aˇ gʼehˇ muiˬ-eu ma.

Iˇsaˬyaˇ 42:11

Kʼaˇ shuiꞈ deh ga hawˇ-eu kʼoeˇ gaˇ jaˆ-eu meuˬ deuˬ, Miˬyehˇ-ahˇ ja ceuˬ-awˬ. Geˬdaˬ tsawˇ haˬ aˬ yawꞈ-ahˇ ja ceuˬ-awˬ. Seˇlaˇ meuˬ-ahˇ jawˇ-eu tsawˇ haˬ deuˬ kʼawꞈ, gawˬ jawˬ uˬ du laˬ kʼaˬ cehˇ-awˇ guˇ-awˬ.

Iˇsaˬyaˇ 60:7

Geˬdaˬ meuˬ hawˇ-eu Neˬbaˬyoˇ meuˬ-ahˇ kʼaˇ jawˇ-eu yawˇ deuˬ, lawˇ-eu shehˇ-eu gʼaˇ duˬ nawˇ jawˇ gaˇ teh keuˆ laꞈ jiˇ-awˇ, lawˇ duˬ kʼoeˇ taˆ Sahˬpaˬ Miˬyehˇ-ahˇ ya lawˇ nehˬ tehꞈ-a. Sahˬpaˬ Miˬyehˇ aˬ yawꞈ-euˬ Uˬ duˬ tahˬ nymˇ nymˇ ma-ahˇ, dzeuˇ laˇ ngeh naˆ maˬ tseˇ yaw shehꞈ kʼahˬ sehˇ bi huiˬ tehꞈ-a.

Yeˬlaˬmiˇ 2:10

Nahˇ ma ga kʼehˬ paw jaˆ luꞈ-eu, Guˇbaˬluˇ iˇ jaw lahˇ-ahˇ iˇ haw-awˬ. Nahˇ ma doˆ kʼehˬ paw jaˆ-eu Geˬdaˬ miˇ kʼahˬ-ahˇ, tsawˇ haˬ pyehˬ-awˇ bi iˇ haw-awˬ. Heu loꞈ-ehˇ gʼeh-eu jeˬ maˬ pyeuꞈ laˇ haw-euˬ gaˇ, naw maꞈ yaw duˬ duˬ-ehˇ ya siˬ tehꞈ-a.

Yeˬlaˬmiˇ 49:28

Geˬdaˬ tsawˇ jeuˬ gaˇ kawˆ hawˇ-eu Baˬbuˇloˬ sahˬ paˬ Neˬbuˬkaˬneˬzaˬ neh deuˆ gʼaˬ-euˬ miˇ kʼahˬ pyeuꞈ-eu, Haˬzawˇ meuˬ uˆ lahˇ-eu uˬ moˆ jawˇ-eu gahˬ kaˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Geˬdaˬ tsawˇ jeuˬ-ahˇ guiˇ deuˆ-awˇ. Nahˇ ma doˆ kʼehˬ paw jawˇ-eu tsawˇ jeuˬ kʼoeˇ jeuˬ-ahˇ laˆ cawˆ nehˬ-awˬ.

Yeˬsaˬgeˬlaˇ 27:21

Aˬleˬbyaˇ tsawˇ haˬ deuˬ hawˇ-eu, Geˬdaˬ miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ, yawˇ hawˇ-eu ciꞈ myehꞈ deuˬ teh leꞈ-awˇ, nawˬ-euˬ myawˬ paˇ geuꞈ le-eu meh.

Yaˇ kʼaˬ daˇ 8:24

Ehˇ kʼawꞈ, aˬ yawꞈ heu loꞈ-ehˇ paˇ ehˇ-eu meh. “Naw maꞈ-ahˇ ngaˇ heu loꞈ-ehˇ shaˇ-eu ma. Naw maꞈ yawˬ gʼaˬ na luꞈ, yawˬ ha neh yuˇ taˬ-euˬ naˬ bawˇ naˬ yoˆ ngaˬ-ahˇ biꞈ laꞈ-awˬ.” (Miˇdiˬyaˬ tsawˇ haˬ deuˬ kʼawꞈ, nahˇ ma doˆ kʼehˬ paw jawˇ-eu tsawˇ jeuˬ deuˬ loꞈ-ehˇ, shuiˇ naˬ bawˇ naˬ yoˆ geuꞈ-eu meh.)