Aˇ dahˬ 24:65 - Akha

⁶⁵ “Deh ga paw neh aˬ dui maꞈ jawˇ paw laˇ luꞈ-eu tsawˇ haˬ kʼoeˇ gʼaˬ aˬ suˇ gʼaˬ-a” lehˇ, Aˬbyaˬhaˬ-euˬ zaˬ kʼaˆ-ahˇ aˬ yawꞈ naˇ haˬ ngeh, “Ngaˬ-euˬ baw leˬ meh” lehˇ, zaˬ kʼaˆ kʼoeˇ gʼaˬ ehˇ kʼoꞈ nehˬ-euˬ meh. Kʼoeˇ ngeh, Leˬbehˇkaꞈ paˇ jeh yuˇ doˆ-awˇ, yawˬ ha-euˬ myaˆ pyawˬ-ahˇ dehˬ kaˬ-euˬ meh.

Aˇ dahˬ 24:65 ပူးပေါင်းရင်းမြစ်များ

Aˇ dahˬ 20:16

Saˬlaˇ-ahˇ kʼawꞈ, “Nawˇ tiˬ jeˬ-iˬ maˬ dehꞈ bahˬ-euˬ gaˇ kawˆ, nawˬ nehˬ-ehˇ jawˇ-eu tsawˇ haˬ dawˬ tawˆ luꞈ ya siˬ ya mawˇ-eu gʼaˇ duˬ saˇ kiˇ pyeuꞈ ni, nawˬ-euˬ aˬ mahˇ aˬ da-ahˇ pyuˇ maˇ byaˆ tiˬ heˇ byaˆ ngaˇ biꞈ-eu ma. Nawˇ tiˬ jeˬ-iˬ maˬ bahˬ maˬ muˆ-eu gaˇ kawˆ tsawˇ haˬ dawˬ tawˆ luꞈ ya siˬ duˬ tehꞈ-a” lehˇ aˬ yawꞈ ehˇ nehˬ-euˬ meh.

Aˇ dahˬ 24:64

Iˇtsaˆ-ahˇ Leˬbehˇkaꞈ ya mawˇ ngeh, law taw kʼoeˇ taˆ dziˬ luꞈ-eu zaꞈ ka-iˇ-euˬ meh.

Aˇ dahˬ 24:66

Zaˬ kʼaˆ kʼoeˇ gʼaˬ-aˬ, aˬ yawꞈ neh kʼaˇ mˇ yaꞈ-euˬ jeˬ dawˬ tawˆ luꞈ Iˇtsaˆ-ahˇ dzawˇ nehˬ-euˬ meh.

Aˇ dahˬ 38:14

Kʼoeˇ ngeh, Taˬmaˬ-aˬ, aˬ yawꞈ dm luꞈ-eu miˬ coeˬ miˬ ma deuˬ dm-eu mehˬ tsoeˬ lehˆ dzeh-awˇ, aˬ yawꞈ-euˬ myaˆ pyawˬ-ahˇ paˇ jeh dehˬ kaˬ-awˇ, Tmˇnahˬ meuˬ-ahˇ iˇ-eu gaˇ ma-ahˇ jaˆ-eu Eˬneˬ meuˬ-euˬ lahˇ kʼehˬ-ahˇ nuiˇ-awˇ loꞈ-euˬ meh. Aˬ jeˬ miˇ neh ehˇ naˇ, Sheˬlahˬ huiˬ loˆ laˇ-awˇ, zaˬ daꞈ daꞈ laˇ-euˬ gaˇ aˬ yawꞈ ya mawˇ-euˬ kʼawꞈ, aˬ yawꞈ-ahˇ maˬ bi sheuˬ le-eu miˇ neh, aˬ yawꞈ kʼoeˇ loꞈ-ehˇ jahˇ-euˬ meh.

Iˇsaˬyaˇ 3:23

shaˬ jiˇ mawˇ laˇ-eu pehˇ kʼahˬ maˬ ehˇ, paˇ jeh maˬ ehˇ, uˬ boeˬ maˬ ehˇ, myaˆ pyawˬ-ahˇ tsahˇ kaˬ-eu paˇ dzeh dzeh mahˇ maˬ ehˇ, bi yuˇ dzeh jiˇ tehꞈ-a.

Iˇsaˬyaˇ 47:2

Kʼaˬ lo lo lehˬ ngawˬ-awˇ cehˇ meu lehˬ-awˬ. Uˬ boeˬ lehˆ-awˇ, mehˬ tsoeˬ yaw muiˬ lehˆ-awˬ. Laˬ gʼaˬ sheu luiˆ daˆ-awˇ lawˇ baˬ tsehˆ-awˬ.

1 Gawˇliˬtu 11:10

Zaˬ miˬ zaˬ deuˬ mˬ taˆ gʼaˬ kʼehˇ baˬ da neh yawˬ ha-euˬ kʼaˬ dzeˇ zaˬ uˆ lahˇ-eu uˬ moˆ jawˇ luꞈ-eu gaˇ kawˆ bya cehˆ ni bi siˬ bi mawˇ-eu gʼaˇ duˬ, uˬ boeˬ boeˬ-eu tsaˬ meh.

1 Tiˆmoˇseˬ 2:9

Zaˬ miˬ zaˬ deuˬ kʼawꞈ nui ma nahˬ yu ni taˬ-awˇ, aˬ cawˬ haw muiˬ ni bi dm bi gʼaˬ mawꞈ-eu ma. Uˬ duˬ tsehˇ kahˇ aˬ cawˬ-ahˇ maˬ duˇ gaˇ keuˆ ni laˆ muiˬ-eu, shuiˇ myawˬ guˇ geuꞈ-eu, aˇ caˇ caˇ kʼawꞈ sehˇ geuꞈ-eu, aˇ poeˬ kʼaˆ dui dui-eu mehˬ tsoeˬ dm-eu, heu loꞈ-ehˇ gʼeh-eu deuˬ-ahˇ cehˇ gʼa-eu maˬ tsaˬ-a.