Aˇ dahˬ 24:48 - Akha

⁴⁸ Kʼoeˇ naˇ, ngaˇ pawˬ tsuiꞈ pawˬ dmˬ dmˬ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ ma. Ngaˬ-ahˇ ngaˬ-euˬ baw leˬ-euˬ aˬ yuiꞈ aˬ nyiˇ deuˬ jawˇ gaˇ dawˇ coe ni sheuˬ keuˆ nehˬ laꞈ-awˇ, ngaˬ-euˬ baw leˬ-euˬ aˬ li gʼaˇ duˬ aˬ yawꞈ-euˬ aˬ buˇ-ahˇ ya mawˇ-euˬ miˇ neh, ngaˬ-euˬ baw leˬ Aˬbyaˬhaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ngaˇ ja ceuˬ dui dui-eu ma.

Aˇ dahˬ 24:48 ပူးပေါင်းရင်းမြစ်များ

Aˇ dahˬ 22:23

Beˬtuˬlaˇ-aˬ, Leˬbehˇkaꞈ-euˬ aˬ da meh. Miˇlaˬkah-aˬ, Aˬbyaˬhaˬ-euˬ aˬ nyiˇ Naˬkawˬ gʼaˇ duˬ, aˬ li kʼoeˇ yehꞈ li ciˬ-euˬ meh.

Aˇ dahˬ 24:52

Aˬbyaˬhaˬ-euˬ zaˬ kʼaˆ kʼoeˇ gʼaˬ dawˬ kʼoeˇ dawˬ-ahˇ ya gaˬ ngeh, pawˬ tsuiꞈ pawˬ dmˬ dmˬ-awˇ awˆ byaˆ-eu laꞈ kʼoeˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Eˇzaˬlaˬ 8:21

Nga maꞈ gaˇ ma doˆ-iˇ luꞈ ngeh Miˬyehˇ sheuˬ gʼeh nehˬ laꞈ-awˇ, nga maꞈ-euˬ aˬ buˇ aˬ li deuˬ hawˇ-eu nga maꞈ kʼaˇ jaˆ-eu jeˬ dawˬ tawˆ luꞈ kʼoeˇ taˆ haw piˇ nehˬ laꞈ-eu gʼaˇ duˬ, yawˬ gʼaˬ na luꞈ maˬ dzaˬ-eu zahˇ jahˇ-eu laꞈ kʼoeˇ nui ma nahˬ yu ni taˬ-awˇ guiˬ lahˬ shaˇ-awˬ lehˇ, Aˬhaˬbaˬ uiˇ kʼehˬ dawˬ peh ngaˇ dawˬ biꞈ-eu ma.

Jaceuq 107:7

Aˬ yawꞈ maꞈ-ahˇ dawˇ coe ni jaˆ-eu gaˇ ma caw caw-ehˇ sheuˬ gʼeh-awˇ, meuˬ-ahˇ sheuˬ uˇ-awˇ bi jawˇ-euˬ meh.

Jaceuq 32:8

Sahˬpaˬ Miˬyehˇ ehˇ-eu, “Nawˇya iˇ-eu gaˇma tiˬkahˇ, nawˬ-ahˇngaˇmehˬnehˬtsoˆnehˬ-awˇ, Ngaˬ-euˬmyaˆnuiˆhaw piˇnehˬma.

Jaceuq 48:14

Miˬyehˇ heu gʼaˬ mˬ maˬ maˬ byaˆ zaˇ ziˇ aˬ dui-euˬ Miˬyehˇ pyeuꞈ-eu meh. Aˬ yawꞈ aˬ dui-ahˇ mˬ maˬ maˬ byaˆ zaˇ ziˇ sheuˬ gʼeh tehꞈ-a lehˇ mehˬ nehˬ yaꞈ-awˬ.

Doˆ-iˇ 18:20

Miˬyehˇ-euˬ zahˇ dawˬ kʼoꞈ dawˬ deuˬ aˬ yawꞈ maꞈ-ahˇ mehˬ nehˬ tsoˆ nehˬ-awˇ, aˬ yawꞈ maꞈ aˬ joˆ-ehˇ ya dehꞈ ya jawˇ ya mˇ ya shaˇ-eu gaˇ kawˆ mehˬ duˬ nehˬ-eu tsaˬ tehꞈ-a.

Dawqdaq 4:11

Ngaˇ nawˬ-ahˇ zaˬ siˬ tsawˇ gahˇ gaˇ ma mehˬ nehˬ-awˇ, dehꞈ-eu gaˇ ma yaw dawˇ kahˇ sheuˬ mehˬ-euˬ ma.

Iˇsaˬyaˇ 48:17

Naw maꞈ-ahˇ ka kʼoꞈ-eu Sahˬpaˬ Miˬyehˇ pyeuꞈ-eu, Iˇsaˬleˬlaˆ-euˬ muiˬ-eu shawˇ-eu Miˬyehˇ ehˇ-eu, “Ngaˇ naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ma. Naw maꞈ gʼaˇ duˬ muiˬ ni mehˬ-awˇ tsoˆ-awˇ, naw maꞈ iˇ paˬ-ehˇ gʼeh-eu gaˇ ma mehˬ nehˬ-eu gʼaˬ ma.