Aˇ dahˬ 24:45 - Akha

⁴⁵ Ngaˬ-euˬ nui ma laꞈ kʼoeˇ kʼoeˇ loꞈ-ehˇ guiˬ lahˬ shaˇ gʼaˬ-eu maˬ dah ni, Leˬbehˇkaꞈ muiˇ deuˇ oeˬ lahˬ baꞈ-awˇ oe keuˆ taˬ-euˬ meh. Aˬ yawꞈ lah duˬ-ahˇ iˇ cuꞈ kʼawꞈ-iˇ ngeh, ‘Ngaˬ-ahˇ iˇ cuꞈ ui cuiˆ bi dawˇ laꞈ sheˇ’ lehˇ, aˬ yawꞈ-ahˇ ngaˇ ehˇ nehˬ-euˬ ma.

Aˇ dahˬ 24:45 ပူးပေါင်းရင်းမြစ်များ

Aˇ dahˬ 24:44

Zaˬ miˬ aˬ buˇ zaˬ guˬ kʼoeˇ gʼaˬ ngaˬ-ahˇ iˇ cuꞈ bi dawˇ laꞈ-eu uˬ taꞈ, ngaˬ-euˬ law taw deuˬ-ahˇ kʼawꞈ iˇ cuꞈ bi dawˇ ma lehˇ aˬ yawꞈ ehˇ naˇ, zaˬ miˬ aˬ buˇ zaˬ guˬ kʼoeˇ gʼaˬ-aˬ, ngaˬ-euˬ baw leˬ-euˬ aˬ li gʼaˇ duˬ tseˇ doˆ taˬ-euˬ zaˬ miˬ aˬ buˇ pyeuꞈ luꞈ-uˇ’ lehˇ shaˇ-euˬ ma.

2 Saˬmeuˬlaˆ 7:27

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ-oˇ, gaˇ kawˆ heu deuˬ dawˬ tawˆ luꞈ, nawˬ-euˬ zaˬ kʼaˆ pyeuꞈ-eu ngaˬ-ahˇ pah mehˬ nehˬ laꞈ-awˇ, ngaˬ-euˬ zaˬ deuˬ uˆ deuˬ-ahˇ dzoeˬ dzaˬ bi oꞈ ma lehˇ nawˇ ngaˬ-ahˇ ehˇ-eu miˇ neh, ngaˇ nawˬ-ahˇ heu loꞈ-ehˇ guiˬlahˬ shaˇ peuˬ-eu ma.

Neˬhaˬmiˇ 2:4

Kʼoeˇ naˇ, “Nawˇ aˬ jeˬ mawꞈ-eu nya” lehˇ sahˬ paˬ ngaˬ-ahˇ naˇ haˬ laˇ-eu meh. Kʼoeˇ ngeh, ngaˇ Miˬyehˇ-ahˇ guiˬ lahˬ shaˇ-awˇ,

Iˇsaˬyaˇ 58:9

Naw maꞈ guiˬ lahˬ shaˇ ngeh ngaˇ naˇ haˬ-awˇ, naw maꞈ ngaˬ-ahˇ kuˇ ngeh ngaˇ naˬ bawˇ ciˬ kʼmˇ ma. “Naw maꞈ aˬ cawˬ-ahˇ kʼehˬ-eu jeˬ byehˇ-awˇ, aˬ cawˬ-ahˇ yehˬ bawˬ-ehˇ maˬ gʼeh-eu uˬ taꞈ, dawˬ doeˇ maˬ paˇ ngehˬ ni dehꞈ naˇ,

Iˇsaˬyaˇ 65:24

Aˬ yawꞈ maꞈ guiˬ lahˬ shaˇ gʼaˬ-euˬ maˬ dah ni, aˬ yawꞈ maꞈ shaˇ-eu jeˬ ngaˇ biꞈ nehˬ ma.

Daˬyeˬlaˇ 9:19

Sahˬpaˬ Miˬyehˇ-oˇ, shaˇ dawˬ naˇ haˬ nehˬ laꞈ. Sahˬpaˬ Miˬyehˇ-oˇ, iˬ baˇ pyehˬ nehˬ laꞈ. Sahˬpaˬ Miˬyehˇ-oˇ, nga maꞈ-euˬ shaˇ dawˬ gaˬ-awˇ, mˇ keuˆ shaˇ keuˆ nehˬ laꞈ. Nawˇ Miˬyehˇ pyeuꞈ-eu gaˇ kawˆ tsawˇ haˬ yawˬ gʼaˬ na luꞈ-ahˇ siˬ duˬ leˇ ni, maˬ nyi naˬ ni ngehˬ gʼeh nehˬ laꞈ. Meuˬ heu meuˬ nawˬ-euˬ meuˬ pyeuꞈ-awˇ, tsawˇ haˬ heu deuˬ nawˬ-euˬ tsawˇ haˬ meh.”

Daˬyeˬlaˇ 9:23

Nawˇ guiˬ lahˬ shaˇ dahˬ beh ngeh neh, nawˬ-euˬ shaˇ dawˬ-ahˇ Miˬyehˇ naˇ haˬ geuꞈ-euˬ meh. Aˬ yawꞈ nawˬ-ahˇ gaˬ-eu meh. Kʼoeˇ miˇ neh, ngaˇ nawˬ-ahˇ ehˇ mehˬ le-eu lehˇ oe-euˬ ma. Yaw sahˇ laꞈ kʼoeˇ ya siˬ ya mawˇ-euˬ gaˇ kawˆ heu ngaˇ ja mehˬ ngeh, nawˇ yaw muiˬ paˬ-ehˇ naˇ haˬ taˬ-awˬ.

Maꞈtehˬ 7:7

“Shaˇ-awˬ. Shaˇ naˇ za tehꞈ-a. Poˆ-awˬ. Poˆ naˇ mawˇ tehꞈ-a. Laˇ gʼoˆ-ahˇ kʼoˆ-awˬ. Kʼoˆ naˇ pah nehˬ laꞈ tehꞈ-a.

Gʼaˬkʼehˇ 10:30

Gawˬneˬliˇ ehˇ-eu, “Dzeuˇ yaꞈ-euˬ smˬ nah-ahˇ, nymˬ-mˇ loꞈ-ehˇ uˬ ciꞈ uˬ taw naˬ liˬ smˇ laꞈ kʼoeˇ kaˬ-ahˇ, ngaˬ-euˬ nymˇ laꞈ kʼoeˇ ngaˇ guiˬ lahˬ shaˇ luꞈ-eu ma. Ja pyuˬ ni, yaw shehꞈ bya-eu mehˬ tsoeˬ dm luꞈ-eu tsawˇ haˬ tiˬ gʼaˬ ngaˬ-euˬ mehˬ shi yawꞈ le-euˬ meh.

Lormav 8:26

Kʼoeˇ gaˇ duˇ ni, aˬ dui gʼaˬ baˬ-eu miˇ neh Yaw sahˇ Miˬyehˇ caw ba le-euˬ meh. Aˬ dui guiˬ lahˬ aˬ joˆ-ehˇ ya shaˇ-eu gaˇ kawˆ aˬ dui maˬ siˬ nya-eu miˇ neh, Yaw sahˇ Miˬyehˇ aˬ dui-euˬ dah zaˇ kʼaˬ meh neh maˬ ja mehˬ nya-eu jeˬ mahˇ mahˇ-ehˇ Miˬyehˇ-ahˇ shaˇ-eu meh.