Aˇ dahˬ 24:33 - Akha

³³ Dzaˬ dzaˬ dawˇ dawˇ lehˬ hmˬ laˆ saˆ gʼaˬ-awˇ, ciˬ doˆ leꞈ ngeh jawˇ, “Ngehˬ paˬ tmˇ paˬ-ehˇ gʼeh-eu gaˇ kawˆ deuˬ maˬ ngehˬ maˬ tmˇ jiˇ kʼoeˇ keuˆ ni, ngaˇ tiˬ jeˬ-iˬ maˬ dzaˬ te siˬ” lehˇ, zaˬ kʼaˆ kʼoeˇ gʼaˬ ehˇ-eu meh. Kʼoeˇ ngeh, “Kʼaˇ ngehˬ kʼaˇ tmˇ paˬ-ehˇ gʼeh-eu jeˬ ngehˬ-awˬ tmˇ-awˬ” lehˇ, zaˬ kʼaˆ kʼoeˇ gʼaˬ-ahˇ Laˬbaˬ ehˇ nehˬ-euˬ meh.

Aˇ dahˬ 24:33 ပူးပေါင်းရင်းမြစ်များ

Aˇ dahˬ 24:32

Kʼoeˇ naˇ, zaˬ kʼaˆ kʼoeˇ gʼaˬ Laˬbaˬ-euˬ nymˇ-ahˇ caw teh gʼeh leꞈ-euˬ meh. Law taw kʼaˆ daˬ deuˬ-ahˇ Laˬbaˬ baꞈ ka-awˇ, gʼoˆ yoeˬ hawˇ-eu dzaˇ bi dzaˬ-euˬ meh. Aˬbyaˬhaˬ-euˬ zaˬ kʼaˆ kʼoeˇ gʼaˬ hawˇ-eu aˬ yawꞈ-euˬ tsawˇ haˬ deuˬ aˬ kuiˇ bi dzuiꞈ-eu gʼaˇ duˬ, aˬ yawꞈ iˇ cuꞈ kʼawꞈ nehˬ-euˬ meh.

Aˇ dahˬ 24:34

Zaˬ kʼaˆ kʼoeˇ gʼaˬ ehˇ-eu, “Ngaˇ-aˬ, Aˬbyaˬhaˬ-euˬ zaˬ kʼaˆ ma.

Yawˇbaˆ 23:12

Aˬ yawꞈ-euˬ ehˇ dawˬ-ahˇ ngaˇ aˬ myah luꞈ naˇ haˬ geuꞈ-awˇ, ngaˬ-euˬ nui kʼahˇ maˬ mˇ ni aˬ yawꞈ-euˬ nui noeˬ-ahˇ caw teh luꞈ-eu ma.

Dawqdaq 22:29

Gaˇ yaw muiˬ muiˬ-ehˇ mˇ-eu tsawˇ haˬ tiˬ gʼaˬ poˆ doˆ laꞈ-awˬ. Sahˬ paˬ nehˬ-ehˇ gaˇ ya mˇ taꞈ-eu aˬ cawˬ naˆ maˬ tseˇ muiˬ dzehˬ-eu tsawˇ haˬ aˬ geu gʼaˬ-a lehˇ ngaˇ mehˬ nehˬ nyaˇ.

Dawˬ tsoˆ 9:10

Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, leh jeh dui dui-awˬ. Aˬ jeˬ miˇ neh ehˇ naˇ, nawˇ le luꞈ-eu shiˇ-eu miˇ kʼahˬ-ahˇ, mˇ myawˬ mˇ-eu, nui noeˬ noeˬ-eu hawˇ-eu, zaˬ siˬ tsawˇ gahˇ heu deuˬ maˬ jaˆ-a.

Yoˇhaˬ 4:14

Ehˇ kʼawꞈ, ngaˬ neh biꞈ-euˬ iˇ cuꞈ dawˇ-eu tsawˇ haˬ-aˬ, iˇ cuꞈ mehꞈ laˇ-eu maˬ paˇ baw-aˇ. Ngaˬ neh bi dawˇ-euˬ iˇ cuꞈ kʼoeˇ-aˬ, aˬ yawꞈ laꞈ kʼoeˇ dehꞈ-eu saꞈ laˇ biꞈ-eu iˇ cuꞈ yoeˇ doˆ-eu iˇ cuꞈ iˇ byoe pyeuꞈ-iˇ-awˇ, mˬ maˬ maˬ byaˆ zaˇ ziˇ dehꞈ-eu jeˬ aˬ yawꞈ-ahˇ biꞈ tehꞈ-a.”

1 Tiˆmoˇseˬ 6:2

Ka li zaˬ pyeuꞈ-eu baw leˬ deuˬ-euˬ zaˬ kʼaˆ geuꞈ luꞈ-eu deuˬ-aˬ, yaw ha-euˬ baw leˬ-ahˇ yehˬ bawˬ sehˇ lu-ehˇ gʼeh-eu maˬ tsaˬ-a. Aˬ jeˬ miˇ neh ehˇ naˇ, aˬ yawꞈ maꞈ-aˬ, yawˬ ha baw leˬ-euˬ aˬ yuiꞈ aˬ nyiˇ pyeuꞈ laˇ-euˬ meh. Kʼoeˇ uˬ taꞈ, baw leˬ deuˬ-euˬ gaˇ-ahˇ aˬ cawˬ naˆ maˬ tseˇ leh jeh-awˇ mˇ nehˬ paˬ-ehˇ gʼeh-eu meh. Aˬ jeˬ miˇ neh ehˇ naˇ, aˬ yawꞈ maꞈ mˇ cu luꞈ-eu kʼoeˇ-aˬ, aˬ yawꞈ maꞈ gaˬ-eu Ka li-ahˇ jah-eu tsawˇ haˬ deuˬ-ahˇ mˇ cu-eu jeˬ pyeuꞈ-eu meh. Gaˇ kawˆ heu deuˬ nawˇ mehˬ nehˬ tsoˆ nehˬ-awˇ gʼaˬ biꞈ-awˬ.

Yaˇ kʼaˬ daˇ 19:21

Kʼoeˇ naˇ, aˬ yawꞈ maꞈ-ahˇ aˬ yawꞈ-euˬ nymˇ-ahˇ sheuˬ gʼeh-awˇ, mahˬ mahˬ dzaˇ bi dzaˬ-euˬ meh. Aˬ yawꞈ-euˬ daˬ yah deuˬ kʼawꞈ, aˬ kuiˇ dzuiꞈ shawˇ-awˇ, ciꞈ hawˬ dzaˬ-euˬ meh.